ଗୋପାଲସ୍ତୋତ୍ରଂ ଅଥବା ଗୋପାଲସ୍ତବରାଜସ୍ତୋତ୍ରମ୍

ଶ୍ରୀ ଗଣେଶାୟ ନମଃ ।

ॐ ଶ୍ରୀମଦ୍ଗୋପୀଜନବଲ୍ଲଭାୟ ନମଃ ।

ଓଁ ଅସ୍ୟ ଶ୍ରୀଗୋପାଲସ୍ତବରାଜମନ୍ତ୍ରସ୍ୟ ଶ୍ରୀନାରଦ ଋଷିଃ ।

ଅନୁଷ୍ଟୁପ୍ ଛନ୍ଦଃ । ଶ୍ରୀକୃଷ୍ଣଃ ପରମାତ୍ମା ଦେବତା ।

ଶ୍ରୀକୃଷ୍ଣପ୍ରୀତ୍ୟର୍ଥେ ଜପେ ବିନୋୟୋଗଃ ॥

ଅଥ ଧ୍ୟାନମ୍ ।

ସଜଲଜଲଦନୀଲଂ ଦର୍ଶିତୋଦାରଶୀଲଂ

କରତଲଧୃତଶୈଲଂ ବେଣୁବାଦ୍ୟୈ ରସାଲମ୍ ।

ବ୍ରଜଜନକୁଲପାଲଂ କାମିନୀକେଲିଲୋଲଂ

ତରୁଣତୁଲସିମାଲଂ ନୌମି ଗୋପାଲବାଲମ୍ ॥

ଶ୍ରୀନାରଦ ଉବାଚ ।

ନବୀନନୀରଦଶ୍ୟାମଂ ନୀଲେନ୍ଦୀବରଲୋଚନମ୍ ।

ବଲ୍ଲବୀନନ୍ଦନଂ ବନ୍ଦେ କୃଷ୍ଣଂ ଗୋପାଲରୂପିଣମ୍ ॥ ୧॥

ସ୍ଫୁରଦ୍ବର୍ହିଦଲୋଦ୍ବଦ୍ଧନୀଲକୁଞ୍ଚିତମୂର୍ଧଜମ୍ ।

କଦମ୍ବକୁସୁମୋଦ୍ବଦ୍ଧବନମାଲାବିଭୂଷିତମ୍ ॥ ୨॥

ଗଣ୍ଡମଣ୍ଡଲସଂସର୍ଗିଚଲତ୍କୁଞ୍ଚିତକୁନ୍ତଲମ୍ ।

ସ୍ଥୂଲଂ ମୁକ୍ତାଫଲୋଦାରହାରୋଦ୍ୟୋତିତବକ୍ଷସମ୍ ॥ ୩॥

ହେମାଙ୍ଗଦତୁଲାକୋଟିକିରୀଟୋଜ୍ଜ୍ଵଲବିଗ୍ରହମ୍ ।

ମନ୍ଦମାରୁତସଂକ୍ଷୋଭଚଲିତାମ୍ବରସଞ୍ଚୟମ୍ ॥ ୪॥

ରୁଚିରୌଷ୍ଠପୁଟନ୍ୟସ୍ତବଂଶୀମଧୁରନିଃସ୍ଵନୈଃ ।

ଲସଦ୍ଗୋପାଲିକାଚେତୋ ମୋହୟନ୍ତଂ ପୁନଃ ପୁନଃ ॥ ୫॥

ବଲ୍ଲବୀବଦନାମ୍ଭୋଜମଧୁପାନମଧୁବ୍ରତମ୍ ।

କ୍ଷୋଭୟନ୍ତଂ ମନସ୍ତାସାଂ ସସ୍ମେରାପାଙ୍ଗବୀକ୍ଷଣୈଃ ॥ ୬॥

ଯୌବନୋଦ୍ଭିଦେହାଭିଃ ସଂସକ୍ତାଭିଃ ପରସ୍ପରମ୍ ।

ବିଚିତ୍ରାମ୍ବରଭୂଷାଭିର୍ଗୋପନାରୀଭିରାବୃତମ୍ ॥ ୭॥

ପ୍ରଭିନ୍ନାଞ୍ଜନକାଲିନ୍ଦୀଜଲକେଲିକଲୋତ୍ସୁକମ୍ ।

ଯୋଧୟନ୍ତଂ କ୍ଵଚିଦ୍ଗୋପାନ୍ ବ୍ୟାହରନ୍ତଂ ଗବାଂ ଗଣମ୍ ॥ ୮॥

କାଲିନ୍ଦୀଜଲସଂସର୍ଗିଶୀତଲାନିଲସେବିତେ ।

କଦମ୍ବପାଦପଚ୍ଛାୟେ ସ୍ଥିତଂ ବୃନ୍ଦାବନେ କ୍ଵଚିତ୍ ॥ ୯॥

ରତ୍ନଭୂଧରସଂଲଗ୍ନରତ୍ନାସନପରିଗ୍ରହମ୍ ।

କଲ୍ପପାଦପମଧ୍ୟସ୍ଥହେମମଣ୍ଡପିକାଗତମ୍ ॥ ୧୦॥

ବସନ୍ତକୁସୁମାମୋଦସୁରଭୀକୃତଦିଙ୍ମୁଖେ ।

ଗୋବର୍ଧନଗିରୌ ରମ୍ୟେ ସ୍ଥିତଂ ରାସରସୋତ୍ସୁକମ୍ ॥ ୧୧॥

ସବ୍ୟହସ୍ତତଲନ୍ୟସ୍ତଗିରିବର୍ୟାତପତ୍ରକମ୍ ।

ଖଣ୍ଡିତାଖଣ୍ଡଲୋନ୍ମୁକ୍ତମୁକ୍ତାସାରଘନାଘନମ୍ ॥ ୧୨॥

ବେଣୁବାଦ୍ୟମହୋଲ୍ଲାସକୃତହୁଙ୍କାରନିଃସ୍ଵନୈଃ ।

ସବତ୍ସୈରୁନ୍ମୁଖୈଃ ଶଶ୍ଵଦ୍ଗୋକୁଲୈରଭିବୀକ୍ଷିତମ୍ ॥ ୧୩॥

କୃଷ୍ଣମେବାନୁଗାୟଦ୍ଭିସ୍ତଚ୍ଚେଷ୍ଟାବଶବର୍ତିଭିଃ ।

ଦଣ୍ଡପାଶୋଦ୍ୟତକରୈର୍ଗୋପାଲୈରୂପଶୋଭିତମ୍ ॥ ୧୪॥

ନାରଦାଦ୍ୟୈର୍ମୁନିଶ୍ରେଷ୍ଠୈର୍ଵେଦବେଦାଙ୍ଗପାରଗୈଃ ।

ପ୍ରୀତିସୁସ୍ନିଗ୍ଧୟା ବାଚା ସ୍ତୂୟମାନଂ ପରାତ୍ପରମ୍ ॥ ୧୫॥

ଯ ଏବଂ ଚିନ୍ତୟେଦ୍ଦେବଂ ଭକ୍ତ୍ୟା ସଂସ୍ତୌତି ମାନବଃ ।

ତ୍ରିସନ୍ଧ୍ୟଂ ତସ୍ୟ ତୁଷ୍ଟୋଽସୌ ଦଦାତି ବରମୀପ୍ସିତମ୍ ॥ ୧୬॥

ରାଜବଲ୍ଲଭତାମେତି ଭବେତ୍ସର୍ଵଜନପ୍ରିୟଃ ।

ଅଚଲାଂ ଶ୍ରିୟମାପ୍ନୋତି ସ ବାଗ୍ମୀ ଜାୟତେ ଧ୍ରୁବମ୍ ॥ ୧୭॥

॥ ଇତି ଶ୍ରୀନାରଦପଞ୍ଚରାତ୍ରେ ଜ୍ଞାନାମୃତସାରେ ଚତୁର୍ଥରାତ୍ରେ ଗୋପାଲସ୍ତବରାଜଃ ସମ୍ପୂର୍ଣଃ ॥

गोपालस्तोत्रं अथवा गोपालस्तवराजस्तोत्रम्

ॐ श्री गणेशाय नमः ।

श्रीमद्गोपीजनवल्लभाय नमः ।

ॐ अस्य श्रीगोपालस्तवराजमन्त्रस्य श्रीनारद ऋषिः ।

अनुष्टुप् छन्दः । श्रीकृष्णः परमात्मा देवता ।

श्रीकृष्णप्रीत्यर्थे जपे विनोयोगः ॥

अथ ध्यानम् ।

सजलजलदनीलं दर्शितोदारशीलं

करतलधृतशैलं वेणुवाद्यै रसालम् ।

व्रजजनकुलपालं कामिनीकेलिलोलं

तरुणतुलसिमालं नौमि गोपालबालम् ॥

श्रीनारद उवाच ।

नवीननीरदश्यामं नीलेन्दीवरलोचनम् ।

बल्लवीनन्दनं वन्दे कृष्णं गोपालरूपिणम् ॥ १॥

स्फुरद्बर्हिदलोद्बद्धनीलकुञ्चितमूर्धजम् ।

कदम्बकुसुमोद्बद्धवनमालाविभूषितम् ॥ २॥

गण्डमण्डलसंसर्गिचलत्कुञ्चितकुन्तलम् ।

स्थूलं मुक्ताफलोदारहारोद्योतितवक्षसम् ॥ ३॥

हेमाङ्गदतुलाकोटिकिरीटोज्ज्वलविग्रहम् ।

मन्दमारुतसंक्षोभचलिताम्बरसञ्चयम् ॥ ४॥

रुचिरौष्ठपुटन्यस्तवंशीमधुरनिःस्वनैः ।

लसद्गोपालिकाचेतो मोहयन्तं पुनः पुनः ॥ ५॥

बल्लवीवदनाम्भोजमधुपानमधुव्रतम् ।

क्षोभयन्तं मनस्तासां सस्मेरापाङ्गवीक्षणैः ॥ ६॥

यौवनोद्भिदेहाभिः संसक्ताभिः परस्परम् ।

विचित्राम्बरभूषाभिर्गोपनारीभिरावृतम् ॥ ७॥

प्रभिन्नाञ्जनकालिन्दीजलकेलिकलोत्सुकम् ।

योधयन्तं क्वचिद्गोपान् व्याहरन्तं गवां गणम् ॥ ८॥

कालिन्दीजलसंसर्गिशीतलानिलसेविते ।

कदम्बपादपच्छाये स्थितं वृन्दावने क्वचित् ॥ ९॥

रत्नभूधरसंलग्नरत्नासनपरिग्रहम् ।

कल्पपादपमध्यस्थहेममण्डपिकागतम् ॥ १०॥

वसन्तकुसुमामोदसुरभीकृतदिङ्मुखे ।

गोवर्धनगिरौ रम्ये स्थितं रासरसोत्सुकम् ॥ ११॥

सव्यहस्ततलन्यस्तगिरिवर्यातपत्रकम् ।

खण्डिताखण्डलोन्मुक्तमुक्तासारघनाघनम् ॥ १२॥

वेणुवाद्यमहोल्लासकृतहुङ्कारनिःस्वनैः ।

सवत्सैरुन्मुखैः शश्वद्गोकुलैरभिवीक्षितम् ॥ १३॥

कृष्णमेवानुगायद्भिस्तच्चेष्टावशवर्तिभिः ।

दण्डपाशोद्यतकरैर्गोपालैरूपशोभितम् ॥ १४॥

नारदाद्यैर्मुनिश्रेष्ठैर्वेदवेदाङ्गपारगैः ।

प्रीतिसुस्निग्धया वाचा स्तूयमानं परात्परम् ॥ १५॥

य एवं चिन्तयेद्देवं भक्त्या संस्तौति मानवः ।

त्रिसन्ध्यं तस्य तुष्टोऽसौ ददाति वरमीप्सितम् ॥ १६॥

राजवल्लभतामेति भवेत्सर्वजनप्रियः ।

अचलां श्रियमाप्नोति स वाग्मी जायते ध्रुवम् ॥ १७॥

॥ इति श्रीनारदपञ्चरात्रे ज्ञानामृतसारे चतुर्थरात्रे गोपालस्तवराजः सम्पूर्णः ॥

⚜️🔱⚜️🔱⚜️🔱⚜️🔱⚜️🔱⚜️