ମଣିଷ ଯେତେବେଳେ ଆଦିମ ମଣିଷ ଭାବରେ ଜୀବନ ଯାପନ କରୁଥିଲା ସେତେବେଳୁ ନିଜର ସୁରକ୍ଷା ଏବଂ ମନୋରଞ୍ଜନର ବ୍ୟବସ୍ଥା କରିଆସୁଥିଲ।ସେ ପ୍ରଥମେ କଞ୍ଚାମାଂସ ଖାଉଥିଲା କିନ୍ତୁ ପରବର୍ତ୍ତୀ ସମୟରେ ସମୟ ସହ ନିଜକୁ ଖାପ ଖୁଆଇ ମାଂସକୁ ପୋଡି ଏବଂ ସିଝାଇ ଖାଇବାକୁ ଆରମ୍ଭ କଲା।ଆଗକାଳରେ ମଣିଷମାନେ ଉଲଗ୍ନ ଏବଂ ପତ୍ରର ବକଳ ସାହାର୍ଯ୍ୟରେ ନିଜର ଲଜ୍ଜ୍ୟା ନିବାରଣ କରୁଥିଲେ କିନ୍ତୁ ପରବର୍ତ୍ତୀ ସମୟରେ ପୋଷାକ ର ବ୍ୟବହାର ଲଜ୍ଜ୍ୟା ନିବାରଣ ଅର୍ଥରେ ଆରମ୍ଭ ହୋଇଗଲା।ଏହିଭଳି ଅନେକ କାର୍ଯ୍ୟ ଗୁଡିକୁ ମଣିଷ ନିଜର ବୁଦ୍ଧି ଓ କୌଶଳର ବ୍ୟବହାରରେ ଆହୁରି ଉନ୍ନତି କରିପାରିଛି।ମଣିଷ ବିଜ୍ଞାନର ବ୍ୟବହାରରେ ଅତି କ୍ଷୁଦ୍ର ଠାରୁ ଅତି କ୍ଷୁଦ୍ର ଅଣୁଜୀବମାନଙ୍କୁ ଖାଲି ଆଖିରେ ଦେଖିବା ଠୁ ବୃହତ ଠୁ ଅତି ବୃହତ ହାତୀ ଓ ତିମି ମାନଙ୍କୁ ନିଜର ଆୟତ୍ତରେ ଆଣିବା ତଥା ମଣିଷ ନିଜର ବୁଦ୍ଧି ବଳରେ ମହାକାଶର ଚନ୍ଦ୍ର ଏବଂ ସୂର୍ଯ୍ୟଙ୍କ ପାଖରେ ପହଂଚିବା କାର୍ଯ୍ୟ କରିବାରେ ସକ୍ଷ୍ୟମ ହୋଇପାରିଛି।ଏହି ବିଜ୍ଞାନ ବଳରେ ମଣିଷ ଅନେକ ପ୍ରକାର ଅସମ୍ଭବ କାର୍ଯ୍ୟ କୁ ସମ୍ଭବ କରାଇବାରେ ସଫଳ ହୋଇଛି।ଏହି ସବୁ ଭିତରେ ସୋସିଆଲ୍ ମିଡ଼ିଆ ଏକ ଅଂଶ।

ମଣିଷ ଏକ ସାମାଜିକ ପ୍ରାଣୀ ତେଣୁ ସେ ସବୁବେଳେ ନିଜର ଏକ ଗୋଷ୍ଟି ସୃଷ୍ଟି କରି ସେଥିରେ ରୁହେ। କ୍ରମେ ଗୋଷ୍ଟିରୁ ପରିବାର,ପରିବାର ରୁ ସାହି,ସାହି ରୁ ଗ୍ରାମ,ଗ୍ରାମ ରୁ ସହର।ଏହି ଭଳି ବିକାଶ ଘଟେ।ମଣିଷ ନିଜ ଭିତରେ ସାମାଜିକ ଶୃଙ୍ଖଳାବୋଧ ପାଇଁ ଅନେକ ନୀତି ନିୟମ ମଧ୍ୟ ସୃଷ୍ଟି କରେ।ଏହି ସମାଜକୁ ଜାଣିବା ଏବଂ ଏହି ସମାଜ ସହ ରହିବାକୁ ଯେଉଁ ଅନଲାଇନ ମାଧ୍ୟମର ବ୍ୟବହାର କରାଯାଏ ତାହା ହିଁ ସୋସିଆଲ୍ ମିଡ଼ିଆ।

ସୋସିଆଲ ମିଡ଼ିଆ ଏକ ମାଧ୍ୟମ ଯେଉଁ ମାଧ୍ୟମରେ ଜଣେ ମଣିଷ ଏକା ସମୟରେ ଅନେକ ଗୋଷ୍ଠି ଏବଂ ବ୍ୟକ୍ତିଙ୍କ ସହ ସମ୍ପର୍କ ସ୍ଥାପନା,ତଥ୍ୟ ପରିଚାଳନା,ବନ୍ଧୁତା ଭଳି ଅନେକ କାର୍ଯ୍ୟମାନ୍ କରିବାରେ ସକ୍ଷମ ହୋଇଥାଏ।ଏହାର ମାଧ୍ୟମରେ ସେମାନେ ନିଜ ନିଜର ସୁଖ ଏବଂ ଦୁଃଖକୁ ପ୍ରକାଶ କରି ମଧ୍ୟ ପାରନ୍ତି।ସୋସିଆଲ୍ ମିଡ଼ିଆ ଏକ ମାଧ୍ୟମ ମାତ୍ର।ଏହି ମାଧ୍ୟମ ରେ ମନୋରଞ୍ଜନକୁ ଅଧିକ ଗୁରୁତ୍ୱ ଦିଆଯାଇଥାଏ।ଯଥା-ଖେଳ ସମନ୍ଧିୟ,ସଂଗୀତ,ନୃତ୍ୟ ଏଭଳି ଅନେକ କିଛି।

ଏହି ମାଧ୍ୟମ ନିମନ୍ତେ ଅନେକ ରାଷ୍ଟ୍ରୀୟ ଏବଂ ଅନ୍ତଃରାଷ୍ଟ୍ରିୟ ସ୍ତରରେ ଅନେକ ପ୍ରକାର ଆପ୍ପ ରହିଛି।ଯଥା- ଫେସବୁକ୍,ଇଷ୍ଟାଗ୍ରାମ୍,ଟେଲେଗ୍ରାମ୍,ସ୍ନାପଡିଲ,ଫିପକାର୍ଟ,ଆମାଜନ୍,ଗୁଗୁଲ ଇତ୍ୟାଦି।

ସୋସିଆଲ୍ ମିଡ଼ିଆ ବ୍ୟବହାରରେ ଅତି ସହଜରେ ଦୂରସ୍ଥାନରୁ ନିଜ ନିକଟକୁ ବହୁତ କିଛି ମଗେଇ ହେଉଛି।ଏହାର ବ୍ୟବହାରରେ ନିଜର କଳା ଏବଂ ପ୍ରତିଭାକୁ ଦେଖାଇ ଅନ୍ୟ ଆଗରେ ପ୍ରଶଂସିତ ହୋଇପାରୁଛନ୍ତି।ଏହାର ବ୍ୟବହାର କରି କେଉଁ ଜାଗାରେ କେଉଁ ସମସ୍ୟା ଏବଂ ଆଗକୁ ଆସୁଥିବା ବିପଦବାଣୀର ସୁଚନା ପାଇ ଆଗରୁ ସତର୍କ ହୋଇପାରୁଛେ।ସୋସିଆଲ ମିଡ଼ିଆର ବ୍ୟବହାରେ ବିଦ୍ୟାର୍ଥୀ ନିଜର ବିଦ୍ୟା ଏବଂ ପ୍ରତିଭାକୁ ଅନ୍ୟ ଆଗରେ ପ୍ରକାଶିତ କରାଇପାରୁଛନ୍ତି।ଏହାର ବ୍ୟବହାର ରେ କେଉଁଠି କିଛି ଜିନିଷ ଜାଣିବାର ଇଚ୍ଛା କିମ୍ବା ଯେଉଁ ଜାଗାକୁ ଯିବାର ରାସ୍ତା ମଧ୍ୟ ମିଳିପାରୁଛି।କୌଣସି ସମସ୍ୟାର ସମାଧାନ ଏହି ସୋସିଆଲ ମିଡ଼ିଆ ମାଧ୍ୟମରେ ଅତି ସହଜରେ ହୋଇପରୁଛି।

ଆଜିକା ବିଜ୍ଞାନ ଏବଂ ଆଧୁନିକ ସମୟରେ ସମସ୍ତଙ୍କ ପାଖରେ ମୋବାଇଲ।ଏହି ମୋବାଇଲ ବ୍ୟବହାର କରି ସମସ୍ତେ ସୋସିଆଲ ମିଡ଼ିଆ ସହ ଅମୁଳଚୁଳ ଯାଏଁ ସଂଯୋଗ।ଯାହା ମଣିଷମାନଙ୍କ ଜୀବନଶୈଳୀକୁ ଆହୁରି ସହଜ ଏବଂ ଆରାମଦାୟକ ବନେଇଦିଏ।ଗୋଟେ ଅର୍ଥରେ ଦେଖିଲେ ଏ ସୋସିଆଲ ମିଡ଼ିଆ କେଉଁ ଆଶୀର୍ବାଦ ଠାରୁ କମ୍ ନୁହେଁ।କିନ୍ତୁ ସବୁ ଜିନିଷର ଯେମିତି କିଛି ଭଲ ଏବଂ କିଛି ଭେଲ ଥାଏ ସେହିଭଳି ସୋସିଆଲ ମିଡ଼ିଆକୁ ଅନ୍ୟ ଦିଗରୁ ଦେଖିଲେ ଏ କେଉଁ ଅଭିଶାପ ଠୁ ବି କମ୍ ନୁହଁଇ।

ଆଜିକାଲି ସମସ୍ତେ ସୋସିଆଲ ମିଡିଆରେ ଚର୍ଚ୍ଚିତ ଏବଂ ଲୋକପ୍ରିୟତା ପାଇବା ପାଇଁ ଅନେକ କିଛି ଖରାପ କାମ କରିବାକୁ ମଧ୍ୟ ପଛଉନାହାନ୍ତି।ସେମାନେ ମିଛ ଏବଂ ଛଳର ସାହାର୍ଯ୍ୟରେ ଏମିତି କଥା ଏବଂ କାର୍ଯ୍ୟ କରନ୍ତି ଦେଖଣାହାରିମାନେ ସମସ୍ତ ତଥ୍ୟ ଗୁଡାକୁ ସତ୍ୟ ଭଳି ସେମାନଙ୍କୁ ଅନ୍ଧ ଭାବରେ ଆପଣେଇ ନିଅନ୍ତି।ସୋସିଆଲ୍ ମିଡିଆରେ ଅନେକ ଲୋକ ନିଜର ଖୁସି ପାଇଁ ଅନେକ ଲୋକଙ୍କ ଜୀବନ ସହ ଖେଳିବାକୁ ମଧ୍ୟ ପଛଉନାହାନ୍ତି।ମିଛ,ଠକ,ପ୍ରତାରଣା ଏବଂ ଛଳନା ସାହାର୍ଯ୍ୟରେ ଅନ୍ୟ ଲୋକଙ୍କ ଜୀବନ ନେବାକୁ ପଛାଉନାହାନ୍ତି।

ସୋସିଆଲ୍ ମିଡିଆରେ ଆଜିକାଲି ଆବାଳବୃଦ୍ଧ ସମସ୍ତେ ବ୍ୟସ୍ତ।ସେମାନେ ନିଜର ସମସ୍ତ କର୍ମ ଏବଂ ଲକ୍ଷ୍ୟକୁ ଛାଡି ସେଥିରେ ସମୟ ନଷ୍ଟ କରିଦିଅନ୍ତି।ଅତ୍ୟଧିକ ମାତ୍ରାରେ ମୋବାଇଲ ଏବଂ ବୈଦୁତିକ ଉପକରଣଗୁଡିକ ବ୍ୟବହାର ଯୋଗ ଅନେକ ପ୍ରକାର ରୋଗରେ ଅନେକଙ୍କର ଜୀବନ ଯାଉଛି।ତେଣୁ ସୋସିଆଲ ମିଡ଼ିଆ ଅନ୍ୟ ଦୃଷ୍ଟିରେ ଏକ ଅଭିଶାପ ସଦୃଶ୍ୟ।

ଆଜିକାଲି ସୋସିଆଲ ମିଡ଼ିଆ ଆମକୁ ଅନେକ ମାତ୍ରାରେ ସାହାର୍ଯ୍ୟ କରେ ଏବଂ ଅନେକ କିଛି ଭଲ କାର୍ଯ୍ୟ ମଧ୍ୟ କରାଏ।ଏହା ଆମକୁ ଅନେକ ମାତ୍ରାରେ ଆମ ଜୀବନକୁ ଏକ ନୂଆ ଦୃଷ୍ଟିଭଙ୍ଗି ଦେଖାଏ କିନ୍ତୁ ଅପର ପକ୍ଷରେ ଏହା ଆମର ଯଥେଷ୍ଟ କ୍ଷତି ମଧ୍ୟ କରାଏ।ତେଣୁ ସୋସିଆଲ ମିଡ଼ିଆକୁ ସର୍ବଦା ସଠିକ୍ ଦିଗରେ ବ୍ୟବହାର କରିବା ଉଚିତ୍।ଏହାକୁ ଜନ ହିତରେ ବ୍ୟବହାର କରିପାରିଲେ ଏହା ଏକ ଆଶୀର୍ବୀଦ ହୋଇପାରିବ ନଚେତ୍ ଏହା ଏକ ଅଭିଶାପ ଭଳି କାର୍ଯ୍ୟ କରିବ।

ଲେଖକ-ବାଦଲ ପଲେଇ

ସୋସିଆଲ୍ ମିଡ଼ିଆ:ଆଶୀର୍ବାଦ ନା ଅଭିଶାପ

ସୋସିଆଲ ମିଡ଼ିଆ ବାସ୍ତବରେ ଏକ ମାଧ୍ୟମ ଯାହା ଆମର ହିତ ଏବଂ ଅହିତ ଉଭୟ ସାଧିଥାଏ।