ଭାରତ ଆମର ଦେଶ I ଆମ ଦେଶର ଜାତୀୟ ପତାକା ତ୍ରିରଙ୍ଗା ପତାକା ହେଉଛି ଆମର ଗର୍ବ ଓ ଗୌରବ l କୁହାଯାଏ 1947 ଜୁଲାଇ 22 ତାରିଖ ରେ ପିଙ୍ଗଳି ଭେଙ୍କୟା ଙ୍କ ଦ୍ୱାରା ପ୍ରସ୍ତୁତ ହୋଇଥିଲା ଜାତୀୟ ପତାକା କୁ ଆମ ଦେଶର ସାମ୍ବିଧାନିକ କମିଟି ଗ୍ରହଣ କରିନେଇଥିଲେ ସେହି ଦିନଠାରୁ ଏହି ତ୍ରିରଙ୍ଗା ପତାକା ଆମ ଜାତୀୟ ପତାକା ରୂପେ ସ୍ୱୀକୃତି ଲାଭ କରିଛି l

ଅତୀତ ର ଇତିହାସ କୁ ଯଦି ଅନୁଧ୍ୟାନ କରିବା ତେବେ ବହୁତ ଅଜଣା କଥା ଭାରତୀୟ ଜାତୀୟ ପତାକା ଇତିହାସ ସହିତ ଜଡ଼ିତ l

ସେ ଯାହା ହେଉ ଆମ ପତାକା ତ୍ରିରଙ୍ଗା ର ଉପରେ ନାରଙ୍ଗୀ, ମଝିରେ ଧଳା ଓ ତଳେ ସବୁଜ ରହିଛି ।

ମଝିରେ ଥିବା ଧଳା ରଙ୍ଗ ଉପରେ ୨୪ ଅଖ ଥିବା ଅଶୋକ ଚକ୍ର ମଧ୍ୟ ରହିଛି । ପତାକାର ଉପରେ ଥିବା କେଶରୀ ରଙ୍ଗ ଦେଶବାସୀଙ୍କ ସାହସ ଓ ବୀରତ୍ୱକୁ ସୂଚାଇ ଥାଏ ।

ସେହିପରି ମଝିରେ ଥିବା ଧଳା ରଙ୍ଗ ସତ୍ୟ ଓ ଶାନ୍ତିର ପ୍ରତୀକ ଏବଂ ନିମ୍ନରେ ଥିବା ଘନ ସବୁଜ ରଙ୍ଗ ଭ୍ରାତୃତ୍ୱର ପ୍ରତୀକ ବହନ କରେ ।

ମଝିରେ ଥିବା ଅଶୋକ ଚକ୍ର ଦେଶର ପ୍ରଗତିକୁ ସୂଚାଇ ଥାଏ । ପତାକାର ମଝିରେ ଶୋଭା ପାଉଥିବା ଅଶୋକ ଚକ୍ର ବା ଧର୍ମ ଚକ୍ର ଦେଶ ପ୍ରଗତିର ପ୍ରତୀକ । ଏଥିରୁ ନାଗରିକଙ୍କୁ ଦେଶ ଭକ୍ତିର ପ୍ରେରଣା ମିଳିଥାଏ ।

ମୌର୍ଯ୍ୟ ସମ୍ରାଟ ଅଶୋକ ସାରନାଥଠାରେ ଏକ ସିଂହ ସହ ଏହି ଚକ୍ରର ନିର୍ମାଣ କରିଥିଲେ ।ଏହାର ସବୁ ରଙ୍ଗ ମହାନତାର ପ୍ରତୀକ ଅଛି ।

**ଜାତୀୟ ସଂଗୀତ ର ମହତ୍ତ୍ୱ**

"ଜନଗଣମନ " ହେଉଛି ଆମ ଦେଶର ଜାତୀୟ ସଂଗୀତ l ବିଶ୍ୱକବି ରବୀନ୍ଦ୍ରନାଥ ଠାକୁର ଆମ ଜାତୀୟ ସଂଗୀତ ର ରଚୟିତା l ଏହା ସହ ବାଂଲାଦେଶ ର ଜାତୀୟ ସଂଗୀତ " ଆମର ସୋନାର ବଙ୍ଗଲା " ମଧ୍ୟ ରଚନା କରିଥିଲେ l

ସେ ଯାହା ହେଉ ଜାତୀୟ ସଂଗୀତ ଗାନ ଦ୍ୱାରା ଆମ ମନରେ ଦେଶପ୍ରେମ ର ଭାବନା ଜାଗ୍ରତ ହୁଏ ତଥା ଦେଶପାଇଁ ଗର୍ବ ଭାବ ର ଉଦ୍ରେକ ହୋଇଥାଏ l

ଏହାକୁ ଗାନ କରିବା ସମୟ 52 ସେକେଣ୍ଡ ଅଟେ l

1950 ଜାନୁଆରୀ 24 ରୁ ଏହାକୁ ଭାରତର ଜାତୀୟ ସଂଗୀତ ଭାବରେ ସାମ୍ବିଧାନିକ କମିଟି ଦ୍ୱାରା ଗ୍ରହଣ କରାଯାଇଥିଲା l

ଦେଶର ପ୍ରୋଟୋକଲ ଅନୁଯାୟୀ ଦେଶର ରାଜ୍ୟପାଳ ଆଉ ରାଷ୍ଟ୍ରପତି ଯୋଗ ଦେଉଥିବା ସମସ୍ତ କାର୍ଯ୍ୟକ୍ରମ ରେ ସେମାନେ ଆସନ ଗ୍ରହଣ ଓ ଆସନ ଛାଡିବା ପୂର୍ବରୁ ଏହା ଗାନ କରାଯାଏ l

ଆମ ବିଦ୍ୟାଳୟ ମାନଙ୍କରେ ପ୍ରାର୍ଥନା ପରେ ଜାତୀୟ ସଂଗୀତ ଗାନ କରାଯାଏ l ସ୍ୱାଧୀନତା ଦିବସ ଆଉ ସାଧାରଣତନ୍ତ୍ର ଦିବସ ଅବସରରେ ରେ ଜାତୀୟ ପତାକା ଉତ୍ତୋଳନ ସମୟରେ ଜାତୀୟ ସଂଗୀତ ଗାନ କରାଯାଏ l

ଅନ୍ତର୍ଜାତୀୟ ସ୍ତର ରେ ବିଭିନ୍ନ କ୍ରୀଡା ପ୍ରତିଯୋଗିତା ରେ ଦେଶର ପ୍ରତିଯୋଗୀମାନେ ଅଂଶ ଗ୍ରହଣ କରି କୌଣସି ମେଡାଲ ପାଇଲେ ସେମାନଙ୍କୁ ତଥା ତାଙ୍କ ଦେଶକୁ ସମ୍ମାନ ଜଣାଇବା ପାଇଁ ସେହି ଦେଶର ଜାତୀୟ ସଂଗୀତ ଗାନ କରାଯାଏ l

ଶେଷ କଥା :- ଆମ ପାଇଁ ଜାତୀୟ ସଂଗୀତ ଓ ଜାତୀୟ ପତାକା ଗର୍ବ ଆଉ ଗୌରବ ର ପ୍ରତୀକ l ଜଣେ ଭାରତୀୟ ଭାବରେ ଆମେ ଆମ ଜାତୀୟ ସଂଗୀତ ଆଉ ଜାତୀୟ ପତାକା ତ୍ରିରଙ୍ଗା ପାଇଁ ଗର୍ବ ଅନୁଭବ କରିବା l

": ଜାତୀୟ ପତାକା ଜାତୀୟ ସଂଗୀତ

ଆମ ପାଇଁ ଅଟେ ଗର୍ବ

ଭାରତୀୟ ବୋଲି ଜଗତ ରେ ଖ୍ୟାତ

କରୁଥିବା ଆମେ ସର୍ବ l

** ଉମା ଶଙ୍କର ମାଝୀ, କଳାହାଣ୍ଡି **

ଆମ ଜାତୀୟ ପତାକା ତ୍ରିରଙ୍ଗା ଓ ଆମ ଜାତୀୟ ସଂଗୀତ ର ମହତ୍ତ୍ୱ

ଜାତୀୟ ପତାକା ଓ ଜାତୀୟ ସଂଗୀତ ର ମହତ୍ତ୍ୱ