ଭାରତ ଏକ ଧର୍ମ ନିରପେକ୍ଷ ରାଷ୍ଟ୍ର ଭାବରେ ପରିଚିତ। ଏଠାରେ ନାନା ଜାତି ଧର୍ମ ର ଲୋକ ମାନେ ବସବାସ କରନ୍ତି। ଜାତି ଧର୍ମ ବର୍ଣ୍ଣ ନିର୍ବିଶେଷରେ ଆମେ ସମସ୍ତେ ସମାନ ବୋଲି ସମସ୍ତଙ୍କ ମନରେ ଚିନ୍ତାଧାରା ଥାଏ।

ଭାରତର ଶେଷ ରାଜା ପୃଥିରାଜ ଚୌହାନ ୧୯୯୨ ଖ୍ରୀଷ୍ଟାବ୍ଦ ରେ ମୃତ୍ୟୁ ବରଣ କରିବା ପର ଠାରୁ ବିଭିନ୍ନ ପ୍ରକାରର ବୈଦେଶିକ ମାନେ ଆସି ଆମ ଦେଶରୁ ଅନେକ ଧନ ସଂପତ୍ତି ନେବା ସହିତ ଆମ ଦେଶରେ ରହି ଆମ ସହ ଅନ୍ୟାୟ ଅତ୍ୟାଚାର କରି ଆମକୁ ହିଁ ଶାସନ କରିଆସୁଥିଲେ। ରାଜା ମହାରାଜା ଠାରୁ ଆରମ୍ଭ କରି ୧୬୦୦ ଖ୍ରୀଷ୍ଟାବ୍ଦ ରେ ଆସିଥିବା ବଣିକ ଯଥା ପର୍ତ୍ତୁଗୀଜ୍, ମରାଠା,ଶିଖ, ଇଂରେଜ ଇତ୍ୟାଦି ମାନେ ଆମ ଦେଶକୁ ନିଜ ଅଧିନକୁ ନେଇଯାଇଥିଲେ। ସେମାନଙ୍କ କଥା ନ ମାନିଲେ ସେମାନେ ଆମକୁ ଦଣ୍ଡ ଦେବାକୁ ମଧ୍ଯ ପଛାଉନଥିଲେ।

ରାତି ପରେ ଯେମିତି ଦିନ ଆସେ, ଦୁଃଖ ପରେ ଯେମିତି ସୁଖ ଆସେ ଠିକ୍ ସେହିପରି ଆମ ଭାରତୀୟ ମାନଙ୍କ ପାଇଁ ସୁଖର ଦିନ ଆସିଲା। ଆମର ପବିତ୍ର ଭାରତ ଭୂମିରେ ଜନ୍ମ ଗ୍ରହଣ କରିଲେ ମହାନ୍ ମହାନ୍ ବ୍ୟକ୍ତି। ଜାତି ଧର୍ମ ବର୍ଣ୍ଣ ଭୁଲି ସମସ୍ତେ ଏକ ହୋଈ ଆରମ୍ଭ କରିଚାଲିଲେ ମହାଅଭିଯାନ -" ଭରତ ର ସ୍ଵାଧୀନତା" ଭରତ କୁ ବୈଦେଶିକ ମାନଙ୍କ ଠାରୁ ଫେରାଇଆଣିବା ହେଲା ପ୍ରତ୍ୟେକ ଭାରତୀୟ ଙ୍କ ଶ୍ରେଷ୍ଠ ଲକ୍ଷ୍ୟ।

ଲକ୍ଷ୍ୟ ପୂରଣ କରିବାକୁ ହେଲେ ବିଭିନ୍ନ ଘାତ ପ୍ରତିଘାତ ଆସିଥାଏ। ଠିକ୍ ସେହପରି ଆମ ଭାରତୀୟ ମାନଙ୍କୁ ବିଭିନ୍ନ ଘାତ ପ୍ରତିଘାତ ସାମ୍ନା କରିବାକୁ ପଡ଼ିଥିଲା। ପ୍ରଥମେ ୧୮୫୭ ଠାରୁ ଆରମ୍ଭ କରି ୧୯୪୭ ମସିହା ପର୍ଯ୍ୟନ୍ତ ଅନେକ ଅନେକ ବୀର ଯୋଦ୍ଧା ଇଂରେଜ ସରକାର ବିରୋଧରେ ସ୍ୱର ଉତ୍ତୋଳନ କରି ଆମ ପାଇଁ ସ୍ଵାଧୀନତା ଫେରାଇ ଆଣିଥିଲେ।

ସେଥିପାଇଁ ରାଣୀ ଲକ୍ଷ୍ମୀବାଈ, ତାଣ୍ଟିଆ ଟୋପେ, ଭଗତ ସିଂ, ମହାତ୍ମା ଗାନ୍ଧି, ସୁବାଷ ଚନ୍ଦ୍ର ବୋଷ, ଜବାହରଲାଲ ନେହେରୁ, ଲାଲା ଲାଜପତି ରାୟ, ବାଲ ଗଙ୍ଗାଧର ତିଲକ, ବିପିନ ଚନ୍ଦ୍ର ପାଲ, ଲାଲ ବାହାଦୁର ଶାସ୍ତ୍ରୀ, ଜୟୀ ରାଜଗୁରୁ, ବକ୍ସି ଜଗବନ୍ଧୁ, ଚାଖି ଖୁଣ୍ଟିଆ, ସାରଳା ଦେଵୀ, ସାମନ୍ତ ମାଧବ ଚନ୍ଦ୍ର ଶେଖର ସାମନ୍ତ ରାୟ, ବୀର ସୁରେନ୍ଦ୍ର ସାଏ, ବଜିରାଉତ, ଲକ୍ଷ୍ମୀ ପଣ୍ଡା, ରମାଦେବୀ, ମାଳତୀ ଦେବି ପରି ଅନେକ ଅନେକ ସଂଗ୍ରାମୀ ମାନଙ୍କୁ ଆମେ ମାନେ ହରାଇ ବସିଲୁ, ସେମାନେ ସିନା ଆଜି ଆମ ପାଖରେ ନାହାନ୍ତି କିନ୍ତୁ ଆମ ମାନଙ୍କ ମନରେ ଚିର ଦିନ ପାଇଁ ସେମାନେ ଅମର ହଇ ରହିଆସିଛନ୍ତି। ଶେଷରେ ଅଗଷ୍ଟ ମାସ ୧୫ ତାରିଖ ଦିନ ଆମ ଦେଶ ଇଂରେଜ ମାନଙ୍କ କବଳରୁ ମୁକ୍ତ ହୋଇ ଏକ ସ୍ଵାଧୀନ ରାଷ୍ଟ୍ର ଭାବରେ ଗଢି ଉଠିଲା। ଆମର ଗର୍ବ ଗୌରବ କୁ ବଜାଇ ରଖିବାକୁ ଯାଇ ଉତ୍ସବ ମୁଖର ହଇ ସବୁ ଭାରତୀୟ ମାନେ ଜାତୀୟ ସଙ୍ଗୀତ ଜନ ଗଣ ମନ ଗାନ କରିଲେ ଯାହାକି ଶ୍ରୀ ରବୀନ୍ଦ୍ର ନାଥ ଟାଗୋର ଙ୍କ ଦ୍ୱାରା ରଚିତ ହୋଇଥିଲା ତତ୍ ସହିତ ଜାତୀୟ ପତାକା ଉତ୍ତଳନ କରିଥିଲେ ଯାହାକି ପିଙ୍ଗାଲି ଭେଙ୍କେୟା ଙ୍କ ଦ୍ୱାରା ପ୍ରଣୀତ ହୋଇଥିଲା।

ପ୍ରତ୍ୟେକ ଘର ପାଇଁ ଯେମିତି ମୂରବୀ ତଥା କିଛି ନିତି ନିୟମ ରହିବା ଆବଶ୍ୟକତା ଜରୁରୀ ଠିକ୍ ସେହିପରି ଆମ ଦେଶ ପାଇଁ ମୂରବୀ ଏବଂ କିଛି ନୀତି ନିୟମ ର ଆବଶ୍ୟକ ପଡ଼ିଲା। ସେଥିପାଇଁ ଆମ ଦେଶର ପ୍ରମୁଖ ମୂରବୀ ମାନେ ବିଭିନ୍ନ ଦେଶ ବିଦେଶ ଯଥା:- ବ୍ରିଟେନ , ଆୟରଲ୍ୟାଣ୍ଡ, ଆମେରିକା, କାନାଡା, ଅଷ୍ଟ୍ରେଲିଆ , ଋଷିଆ ,ଫ୍ରାନ୍ସ, ଜର୍ମାନୀ, ଦକ୍ଷିଣ ଆଫ୍ରିକା ଭ୍ରମଣ କରି ଉନ୍ନତ ଧରଣର ନୀତି ନିୟମ କୁ ସଂଗ୍ରହ କରି ବିଶ୍ଵର ସର୍ବ ବୃହତ୍ ଲିଖିତ ସମ୍ବିଧାନ ଗଠନ କରିଥିଲେ ଯାହାକି ଆମ ଦେଶକୁ ସୂଚାରୁ ରୂପେ ତୁଲାଇବାରେ ସହାୟକ ହୋଇଥିଲା।

ଶେଷରେ ଡ଼ାକ୍ତର ବି.ଆର. ଆମ୍ବେଦକର ଙ୍କ ତତ୍ୱାବଧନରେ ୨୬ ନଭେମ୍ବର ୧୯୪୯ମସିହାରେ ସମ୍ବିଧାନ ଗ୍ରହଣ କରାଯାଇ ୨୬ ଜାନୁଆରି ୧୯୫୦ ମସିହା ରେ କାର୍ଯ୍ୟକାରୀ ହେଲା। ଏଥିପାଇଁ ଆମ ମହାନ ବ୍ୟକ୍ତିତ୍ଵ ମାନଙ୍କୁ ୨ବର୍ଷ ୧୧ମାସ ୧୮ ଦିନ ବହୁତ କଷ୍ଟ କରିବାକୁ ପଡ଼ିଥିଲା। ସେଥିପାଇଁ ଆମେ ପ୍ରତିବର୍ଷ ସେମାନଙ୍କୁ ମନେ ପକାଇବା ପାଇଁ ଅଗଷ୍ଟ ୧୫ତାରିଖ କୁ ସ୍ଵାଧୀନତା ଦିବସ, ୨୬ ନଭେମ୍ବର କୁ ସମ୍ବିଧାନ ଦିବସ ଏବଂ ୨୬ ଜାନୁଆରି କୁ ସାଧାରଣ ତନ୍ତ୍ର ଦିବସ ରୂପେ ପାଳନ କରି ଆସୁଛନ୍ତି।

ଜୟ ହିନ୍ଦ୍

ବିଶ୍ଵ ର ସର୍ବ ବୃହତ୍ ଲିଖିତ ସମ୍ବିଧାନ

ଭାରତ