!ଶ୍ରୀରୂପ ଗୋସ୍ୱାମୀ ଆଦି ମହାନୁଭବ ବୈଷ୍ଣବ ସନ୍ଥଜନ ଙ୍କ ଚରଣ ରେ ଆଶ୍ରୟ ନନେବା କାରଣରୁ ଭଗବାନ ଶ୍ରୀକୃଷ୍ଣ ଙ୍କ ସମ୍ଵନ୍ଧ ରେ ଅଗଣିତ ଅତ୍ୟଧିକ ମନୋକଳ୍ପନା ଗୁଡ଼ିକ ଉତ୍ପନ୍ନ ହୋଇ ଶ୍ରୀକୃଷ୍ଣ ଙ୍କ ଆଲୋଚନା ନାମରେ ଅତ୍ୟନ୍ତ ହିଁ କୃଷ୍ଣ ବହିର୍ମୁଖତା ର ଭାବ ବଢ଼ାଉଛି । ମହାପ୍ରଭୁ ଶ୍ରୀଚୈତନ୍ୟ କହିଛନ୍ତି "ଜେଇ କୃଷ୍ଣତତ୍ତବେତ୍ତା, ସେଇ ଗୁରୁ ହୟ" ଯିଏ ଶ୍ରୀକୃଷ୍ଣ ଙ୍କ ତତ୍ତ୍ଵ କୁ ଜାଣେ , ସେ ହିଁ ଗୁରୁ ହୋଇପାରିବେ , ଶ୍ରୀରାୟ ରାମାନନ୍ଦ, ଶ୍ରୀ ସ୍ବରୂପ ଦାମୋଦର, ଶ୍ରୀ ରୂପ ସନାତନ, ଶ୍ରୀ ରଘୁନାଥ ଏବଂ ଶ୍ରୀ ଜୀବ ଆଦି ଗୋସ୍ୱାମୀ ମହାନୁଭବ ଙ୍କ ଦ୍ଵାରା ଉପଦିଷ୍ଟ "ଶ୍ରୀକୃଷ୍ଣ ତତ୍ତ୍ଵ" ର ଆଲୋଚନା କରିବା ଦ୍ୱାରା ଏହି ଅଧ୍ୟକ୍ଷିକ ମତବାଦୀ ମାନଙ୍କ କଳ୍ପନା ର କାରଖାନା ରେ ଶ୍ରୀକୃଷ୍ଣ ନାମ କୁ ନେଇ ତିଆରି ହୋଇଥିବା ଶ୍ରୀକୃଷ୍ଣ ଗୁଣ ମାୟା ର ପୁତ୍ତଳିକା ର କୃଷ୍ଣ ବହିର୍ମୁଖ ମନୋହାରୀ ଚିକିମିକିଆ ରଚନା ମାନ ତଥା ଉପସ୍ଥାପନା ଗୁଡ଼ିକ ର ମାନ କାଣି କଉଡି ଠାରୁ ମଧ୍ୟ କମ୍ ପ୍ରତୀତ ହୁଏ ; କିଛି କିଛି ତଥାକଥିତ ଗ୍ରାମ୍ୟ ଔପନ୍ୟାସିକ ତଥା ଗ୍ରାମ୍ୟ କବି ବୋଲାଉଥିବା ଲୋକ ଶ୍ରୀକୃଷ୍ଣ ଚରିତ୍ର ଏବଂ ଶ୍ରୀକୃଷ୍ଣ ଲୀଳା ଆଦି ଲେଖିବାକୁ ଯାଇ ଶ୍ରୀକୃଷ୍ଣ ଙ୍କ ଶ୍ରୀ ଚରଣ- ନଖ ଠାରୁ କୋଟି କୋଟି ଯୋଜନ ଦୂର ଶ୍ରୀକୃଷ୍ଣ ଙ୍କ ମହାମାୟା ଦ୍ଵାରା ନିର୍ମିତ ଅନ୍ଧକୂପ ରେ ଯାଇ ପଡନ୍ତି । ସେମାନେ ଏହା ବୁଝି ପାରନ୍ତି ନାହିଁ ଯେ ଯେମିତି ରାବଣ ଚିଚ୍ଛକ୍ତି ଅସଲୀ ସୀତା ଙ୍କୁ ହରଣ କରି ପାରି ନାହିଁ ଏବଂ ମାୟା ସୀତା ଙ୍କ ହରଣ କୁ ହିଁ ବାସ୍ତବିକ୍ ସୀତାହରଣ ମାନି ନେଇଥାଏ ; ଯେମିତି ମୁର୍ଖ ମଧୁ ମକ୍ଷୀକା ସ୍ବଚ୍ଛ କାଚ ଶିଶି ଭିତରେ ଥିବା ମଧୁ କୁ ସ୍ପର୍ଶ କରି ପାରେ ନାହିଁ ଏବଂ କାଚ ଶିଶି ବାହାରେ ଥାଇ "ମୋତେ ମଧୁ ମିଳିଗଲା" ଏମିତି ମାନି ନେଇଥାଏ , ଠିକ୍ ସେହିପରି ଯେଉଁମାନେ ଶ୍ରୀରୂପ ଆଦି ମହାନ ବୈଷ୍ଣବ ସନ୍ଥ ଙ୍କ ଚରଣ ର ଆଶ୍ରୟ ନିଅନ୍ତି ନାହିଁ, ସଂପୂର୍ଣ୍ଣ ଭାବରେ ସର୍ବସ୍ବ ସମର୍ପିତ କରି ସର୍ବାତ୍ମା ଭାବେ ଶ୍ରୀରୂପାନୁଗ ଙ୍କ ପଦ ପଙ୍କଜ ପରାଗ ର ସେବନ କରନ୍ତି ନାହିଁ, ସେହିସବୁ ତଥାକଥିତ କବି , ସାହିତ୍ୟିକ, ଔପନ୍ୟାସିକ, ଦେଶୀ ନେତା, ସାମାଜିକ ନେତା, ବିଦ୍ୟାଭିମାନୀ, ଜାଗତିକ ରୂପ-ଗୁଣ କୂଳଶୀଳ ପାଣ୍ଡିତ୍ୟ ରେ ଶ୍ରେଷ୍ଠତା ରେ ଅଭିମାନ କରୁଥିବା ଲୋକମାନେ, ଦୁନିଆ ର ଲୋକ ମାନଙ୍କ ଦ୍ଵାରା ଯେତିକି ବି ପ୍ରଶଂସା ତଥା ପ୍ରତିଷ୍ଠା ପାଆନ୍ତୁ ନା କାହିଁକି କିନ୍ତୁ ଅପ୍ରାକୃତ ଶ୍ରୀକୃଷ୍ଣ ତତ୍ତ୍ଵ ସମ୍ବନ୍ଧରେ ସେମାନେ କିଛି ବି ହୃଦୟଙ୍ଗମ କରି ପାରିବେ ନାହିଁ ; ତାଙ୍କର ଶ୍ରୀକୃଷ୍ଣ ତତ୍ତ୍ଵ ସମ୍ବନ୍ଧୀୟ ଆଲୋଚନା କେବଳ ଆଂଶିକ ଓ ଅସମ୍ୟକ ହିଁ ନୁହେଁ ପରନ୍ତୁ ସଂପୂର୍ଣ୍ଣ ରୂପେ ବିକୃତ ଏବଂ ବିପରୀତ ହୋଇଥାଏ ।

ଏହି ଶ୍ରେଣୀ ର ଲେଖକ ବା ଲୋକ ଭଗବାନ ଶ୍ରୀକୃଷ୍ଣ ଙ୍କୁ କେବେ ରାଜନୈତିକ ନେତା, ତ କେତେବେଳେ କୁଟିଳ ବୁଦ୍ଧି ସଂପନ୍ନ ବ୍ୟକ୍ତିବିଶେଷ , କେବେ ସାଂସାରିକ ଲମ୍ପଟ ମନୁଷ୍ୟ ର ଆଦର୍ଶ, କେବେ ଶ୍ରୀକୃଷ୍ଣ ଙ୍କ ଲାମ୍ପଟ୍ୟ କାଳିମା କୁ ଧୋଇବା ପାଇଁ କେତେ ରୂପକତତ୍ତ୍ଵ ବିଶେଷ ଏବଂ କେତେବେଳେ ତାଙ୍କୁ ସାଂସାରିକ ଅଭ୍ୟୁଦୟ ଏବଂ ଉନ୍ନତି ର ଉପଦେଶକ ଆଦି ଆହୁରି କ'ଣ କ'ଣ ସବୁ କହିଥାନ୍ତି । ପରନ୍ତୁ ଭଗବାନ ଶ୍ରୀକୃଷ୍ଣ ଏହି ସମସ୍ତ ପ୍ରାକୃତ ବିଚାର ମାନଙ୍କ ଠାରୁ ସଂପୂର୍ଣ୍ଣ ଉର୍ଦ୍ଧ୍ବ ରେ । ଶ୍ରୀକୃଷ୍ଣ ତ ସାକ୍ଷାତ ପରମପୁରୁଷ ପରଂବ୍ରହ୍ମ ପୁରୁଷୋତ୍ତମ ଭଗବାନ ଅଟନ୍ତି ତାଙ୍କ ପଦନଖ ରୁ ପ୍ରକାଶିତ ଅସଂଖ୍ୟ ଅବତାର ଏବଂ ତାଙ୍କର ସେବକାନୁସେବକ ମଣ୍ଡଳୀ ମାନଙ୍କ ଉପରେ ମଧ୍ଯ ଏହିସବୁ ଲୌକିକତା ର ଆରୋପ ହୋଇ ପାରିବ ନାହିଁ। ଆଜିକାଲି ଥୋକେ ଲୋକ କିଛି କିଛି ଦେଶୀୟ ନେତା ତଥା ଭଣ୍ଡ ମାନଙ୍କୁ ଶ୍ରୀକୃଷ୍ଣ ସଜାଇବା ପାଇଁ ଚେଷ୍ଟା କରି ମନୁଷ୍ୟ କୁ ପରମେଶ୍ବର ବୁଦ୍ଧି ର ଆରୋପଣ କରି ଜଗତ ରେ ଭୟଙ୍କର ମାୟାବାଦ ର ହଳାହଳ ପ୍ରଚାର କରୁଛନ୍ତି । ଏହିପ୍ରକାର ର ଅପରାଧ ଦ୍ଵାରା ଜଗଜଞ୍ଜାଳ ବଢୁଛି ଅଧର୍ମ ଅନୀତି ବଢୁଛି ଏବଂ ଦେଶ ବିନାଶ ଆଡ଼କୁ ଯାଉଛି । ଜୀବ ଠାରେ କୃଷ୍ଣ ବୁଦ୍ଧି କରିବା ସମ ଅପରାଧ ଆଉ ନାହିଁ । ଜୀବ ଠାରେ କୃଷ୍ଣ ଙ୍କ ଅଧିଷ୍ଠାନ ରହିଛି , କିନ୍ତୁ ଜୀବ କୃଷ୍ଣ ନୁହେଁ । ଯିଏ ନିର୍ବିଶେଷବାଦ କୁ ଚରମ ଲକ୍ଷ୍ୟ ମାନି ଶ୍ରୀକୃଷ୍ଣ ପୂଜା ର ସାମୟିକ ଛଳନା ପ୍ରଦର୍ଶିତ କରନ୍ତି , ସେମାନେ କୃଷ୍ଣ ପୂଜକ ନୁହଁନ୍ତି, ପ୍ରତ୍ୟୁତ କୃଷ୍ଣ ଙ୍କ ଠାରୁ ସର୍ବଥା ବିମୁଖ ତଥା ଅପରାଧୀ ଅଟନ୍ତି । ଅଭିନ୍ନ ଶ୍ରୀକୃଷ୍ଣ ଚୈତନ୍ୟ ମହାପ୍ରଭୁ ଙ୍କ ପଦରେଣୁ ଯୁକ୍ତ ଚରଣକମଳ ର ଆଶ୍ରୟ ଗ୍ରହଣ କଲେ ହିଁ ସମସ୍ତ ଅଜ୍ଞାନ ଦୂରୀଭୂତ ହୋଇଥାଏ ।

"ଶ୍ରୀକୃଷ୍ଣ" ଶବ୍ଦ-ପୂର୍ଣ୍ଣ , ଶୁଦ୍ଧ, ନିତ୍ୟ ମୁକ୍ତ, ଚିନ୍ତାମଣି ସ୍ଵରୂପ ଅଟେ। ଶ୍ରୀକୃଷ୍ଣ ଶବ୍ଦ ସ୍ଵୟଂସିଦ୍ଧ ଏବଂ ସ୍ଵୟଂ ପୂର୍ଣ୍ଣ ହେବା କାରଣରୁ ତାକୁ ପରିପୂର୍ଣ୍ଣ କରିବା ପାଇଁ କିଛି ଅନ୍ୟ ଶବ୍ଦ ବା ନାମାନ୍ତର ର ଆବଶ୍ୟକତା ନାହିଁ । "ବ୍ରହ୍ମ" "ପରମାତ୍ମା" "ଅନ୍ତର୍ଯ୍ୟାମୀ" "ଜଗତସ୍ରଷ୍ଟା" "ବିଶ୍ବବିଧାତା" ଆଦି ଶବ୍ଦ କୁ ପୂର୍ଣ୍ଣ କରିବା ପାଇଁ "କୃଷ୍ଣ" ଶବ୍ଦ ର ଆବଶ୍ୟକତା ରହିଛି। କାହିଁକି ନା ଏହି ସବୁ ଶବ୍ଦ ମଧ୍ୟରେ ପୂର୍ଣ୍ଣ ପରାତ୍ପର ବସ୍ତୁ ର ସଂପୂର୍ଣ୍ଣ ଭାବ ପ୍ରକାଶିତ ହୁଏନାହିଁ । ପରନ୍ତୁ "କୃଷ୍ଣ" ଶବ୍ଦ ଶ୍ରୀକୃଷ୍ଣ ଙ୍କ ସମାନ ଭାବରେ ହିଁ ଅଖଣ୍ଡ ସ୍ଥାନ , ଅଖଣ୍ଡ କାଳ, ଅଖଣ୍ଡ ପାତ୍ର, ଏବଂ ସଂପୂର୍ଣ୍ଣ ଅଖଣ୍ଡ ଭାବରାଶି ର ସମଗ୍ରତା କୁ ସିଦ୍ଧ କରିଥାଏ ।

🙏

🌹🙏 ହରେକୃଷ୍ଣ 🙏🌹

!...ଶ୍ରୀକୃଷ୍ଣ ଧାରଣା...!!

!...ଶ୍ରୀକୃଷ୍ଣ ଧାରଣା...!!