ଆଜି ଇଂରାଜୀ କ୍ୟାଲେଣ୍ଡର ଶେଷ ମାସ ଓ ଶେଷ ଦିନ। ବାସ୍ ଆଉ କିଛି ସମୟର କଥା। ଚାହୁଁ ଚାହୁଁ ୨୦୨୪ ମସିହା କୁ ବିଦାୟ ଦେଇ ଏକ ନୂଆ ସକାଳର ସୁନେଲି ସୂର୍ଯ୍ୟଉଦୟକୁ ଦେଖିବା ପାଇଁ ଲୋକଙ୍କ ପ୍ରାଣରେ ନୂଆ ଉତ୍ସାହ ଓ ନୂଆ ଉନ୍ମାଦ। ଏବଂ ଆନନ୍ଦର ଲହରୀ। ସବୁରି ନୟନ ରେ ଏକ ନୂଆ ସ୍ୱପ୍ନ ରେ ପରିପୂର୍ଣ୍ଣ। ପୁରୁଣା ଅଭିମାନ ଓ ସବୁ ରାଗରୁଷା ଭୁଲି ନୂଆ କରି ଜୀବନ ଗଢ଼ିବା, ତଥା ସମ୍ପର୍କ ଗଢିବା ଇତ୍ୟାଦି ନବ ବର୍ଷ ସୁଯୋଗ ଦେଇଥାଏ l

ଆଗଭଳି ଅଭିନନ୍ଦନ ପତ୍ର ମାଧ୍ୟମରେ ନବବର୍ଷ ର ଅଭିନନ୍ଦନ ଜଣାଇବା ଇତ୍ୟାଦି ଆସ୍ତେ ଆସ୍ତେ ବିଲୁପ୍ତ ହୋଯାଇଅଛି। କିନ୍ତୁ ଗଣମଧ୍ୟମ ବେଶ୍ ସକ୍ରିୟ। ଅପର୍ଣ୍ଣା ସକାଳୁ ଉଠି ନିଜ ମୋବାଇଲ୍ ହ୍ୱାଟ୍ସ୍ଆପ୍ କୁ ଆଡେଇ ଦେଖେ ଅଭିନନ୍ଦନ ର ଅନେକ ବାର୍ତ୍ତା ଆସିଛି।ସେହି ବାର୍ତ୍ତା ରେ ଅନେକ ବାର୍ତ୍ତା ଏମିତି ବି ଅଛି ଯିଏ ବର୍ଷ ମଧ୍ୟରେ ଥରେ ମଧ୍ୟ ଅପର୍ଣ୍ଣା ସହିତ ଯୋଗାଯୋଗ କରିବାକୁ ଚେଷ୍ଟା କରିନି କି ଦେଖିନି ମଧ୍ଯ। କାହିଁ କେତେ ବାର୍ତ୍ତା ଏମିତି ବି ପ୍ରେରିତ ହୋଇଛି ଯାହାକୁ ଅପର୍ଣ୍ଣା ଚିହ୍ନିନି । ଗଣମାଧ୍ୟମରେ ନାମକୁ ମାତ୍ର ଅଭିନନ୍ଦନ ଜଣାଇବା ଯେପରି ଗୋଟିଏ ଫେଶନ୍ ପାଲଟିଛି। ବନ୍ଧୁ ବାନ୍ଧବ ସମ୍ପର୍କୀୟ ମାନଙ୍କର ସୁଅ ଛୁଟିଛି।

ଅପର୍ଣ୍ଣା ପ୍ରତ୍ୟେକ ଇଂରାଜୀ ନବବର୍ଷ ରେ ମନ୍ଦିର ଯାଇ ସମସ୍ତଙ୍କ ସୁଖ ପ୍ରାର୍ଥନା କରେ। ଘର ଆସି ଯେତେବେଳେ ନିଜ ଡାଏରୀ ଟି ଧରି ଲେଖନୀ ର ମୁନ କୁ କାଗଜର ପୃଷ୍ଠା ରେ ସ୍ପର୍ଶ କରିଛି, ମନେ ପଡ଼ିଛି ତାର ଅନେକ ଚେହେରା। ଯାହା ତାକୁ କରିଦେଇଛି ଭାବପ୍ରବଣ।ଜୀବନ ରେ ଅନେକ ବ୍ୟକ୍ତି ଙ୍କ ସଂସ୍ପର୍ଶରେ ଆସିଛନ୍ତି। ଆସିବେ ଓ ଯିବେ ତେବେ ସେହି ମନେ ହିଁ ଆମ ସ୍ମୁତି କୁ ବିଦ୍ଧ କରିବେ ଯାହାର ପ୍ରାଣର ଥାଏ ପ୍ରଚୂର୍ଯ୍ୟତା,ମଧୁରତା ଓ ନୈତିକତା।

ପ୍ରତ୍ୟେକ ବର୍ଷ କିଛି ଚେହେରା ନୂଆ ଶିକ୍ଷା ଦେଇ ଯାଏ। ଠିକ୍ ଶିକ୍ଷା ପାଇଲେ ପ୍ରେରଣା ମିଳେ ତ ଭୁଲ୍ ମଣିଷର ପ୍ରରୋଚନାରେ ପଡି ଭୁଲ କରିଲେ ଅଭିଜ୍ଞତା ମଜଭୁତ ହୁଏ।

ପ୍ରଥମତଃ ବହୁମୁଖି ଚେହେରା ର ବ୍ୟକ୍ତିତ୍ଵ ଠାରୁ ଟିକେ ଦୂରରେ ରହିବା ଭଲ, କାରଣ ଏମାନେ କାହାର ନୁହନ୍ତି।ନିଜର ସୁଖ ସୁବିଧା କୁ ହାସଲ କରିବା ନିମନ୍ତେ ଅନେକ ଙ୍କ ର ସୁଖ ଶାନ୍ତି କୁ ନଷ୍ଟ କରିଦେଇ ପାରନ୍ତି। ଏମାନଙ୍କର ନକାରାତ୍ମକ ଊର୍ଜା ଅନେକ ଙ୍କ ଜିବନରେ ଜଡ଼ଝଂଜା ସୃଷ୍ଟି କରିଦେଇ ପାରନ୍ତି।

ଦ୍ଵିତୀୟ ରେ ସ୍ୱାର୍ଥପରତା ତ ଚେହେରା କଙ୍କଡା ଯେପରି ଅନ୍ୟ କଙ୍କଡା ର ଗୋଡ଼ ଟାଣି ଖାଲ ରେ ପୁନର୍ବାର ପକାଇଦିଏ ଏମାନେ ଏପରି ଅଟନ୍ତି।ନିଜେ ସନ୍ତୁଷ୍ଟକର କାର୍ଯ୍ୟ କରିବେନି।ଯଦି କେହି କରେ ତେବେ ସମାଲୋଚନା ର ଶିକାର ହୁଏ।

ତୃତୀୟ ହେଲା ବାଦବିବାଦ ର ଚେହେରା ଏଥିରେ ସମ୍ପର୍କୀୟ ଏବଂ ବନ୍ଧୁଗଣ ଆଗ ଧାଡିରେ। ପ୍ରକୃତ ପକ୍ଷେ ଏପରି ବନ୍ଧୁ ଙ୍କ ହାତେ ମାପି ଚାଖଣ୍ଡେ ଚାଲିବା ଭଲ। ଆଗରେ ମିଠା ମିଠା କଥା କହି ପଛରେ ଛୁରୀ ମାରିବା ସଦୃଶ। ଏମାନଙ୍କର କେବଳ ଗୋଟିରେ କାର୍ଯ୍ୟ ବ୍ୟକ୍ତିଗତ କଥା କୁ ଅନ୍ୟ ଆଗରେ ପ୍ରକାଶ କରିବା। କେଉଁଠି ବନ୍ଧୁ ମିଳନ କି ଭୋଜି ଭାତ ର ଆୟୋଜନ ରେ ଯୋଗ ଦେଇ କଟାକ୍ଷ ଉକ୍ତି କୁ ପ୍ରୟୋଗ କରିବା।

ଏହାକୁ ଛାଡ଼ିଦେଲେ ଏପରି ଚେହେରା ମଧ୍ୟ ବ୍ୟକ୍ତି ଦେଖିବାକୁ ମିଳେ ଯିଏ ଅନ୍ତରରେ ଅନ୍ୟକୁ ସହ୍ୟ କରିପାରେ ନାହିଁ କିନ୍ତୁ କାହାକୁ କିଛି ନକହି ଚୁପ୍ ରୁହନ୍ତି।

ଏତେ ସବୁ ନୈରାଶ୍ୟ ର ଚେହେରା ଭିତରେ ଏପରି କିଛି ସକାରାତ୍ମକ ଚେହେରା ଯାହା ତୁମକୁ ଜ୍ଞାନଗତ, ଭାବଗତ, ଭୟଶୂନ୍ୟତା ଓ ଆତ୍ମବିଶ୍ୱାସ ଆଣିଦିଏ।

ଏଭଳି ବନ୍ଧୁ ଓ ସମ୍ପର୍କୀୟ ମନରେ ଆତ୍ମବିଶ୍ବାସ , ଆତ୍ମଧାରଣା,ଆତ୍ମନିର୍ଭଶୀଳତା, ନିର୍ଭୀକତା ହେବ ପାଇଁ ଉତ୍ସାହ ଆଣିଦିଏ।ଏପରି ଏକ ଚେହେରା ତାର ଜୀବନରେ ପରିବର୍ତ୍ତନ ଆଣିଦିଏ।ସେ ଜଣେ ସଫ୍ଟୱେୟାର୍ ଇଞ୍ଜିନିୟର, ତତ୍ ସହିତ ସାହିତ୍ୟ ପ୍ରେମୀ, ଓ ସ୍ଵାଧୀନ ଚିନ୍ତା ସମ୍ପନ୍ନ ବ୍ୟକ୍ତି।ଅନେକ କାହାଣୀ ର ଲେଖକ ସିଏ। ଅନେକ ଜୀବନର ସହାୟକ । ଏହା ସହିତ ନମିତା, ବୀଣା ଓ ନିଜ ପ୍ରିୟର ଶିକ୍ଷୟିତ୍ରୀ କବିତା ମ୍ୟାଡ଼ମ୍ ପ୍ରେରଣା ର ଉତ୍ସ।

ଆଉ କିଛି ସମୟ ପରେ ୨୦୨୪ ମସିହା ଅତୀତରେ ପରିଣତ ହୋଇ ଯାଇଯିବ। ମନରେ ଥିବା ଅନେକ ନକାରାତ୍ମକ ଚେହେରା କୁ ବାଦ୍ ଦେଇ ସକାରାତ୍ମକ ଚେହେରା କୁ ନବ ବର୍ଷ ପରି ସ୍ବାଗତ କରିବା।୨୦୨୫ କୁ ଆମନ୍ତ୍ରଣ କରିବା ମାତ୍ର ବିତିଯାଇଥିବା ତିକ୍ତ ମିଶ୍ରିତ ଅନୁଭୂତିକୁ ସମୀକ୍ଷା କରି ନିଜର ତ୍ରୁଟି କୁ ଭବିଷ୍ୟତରେ ସଜାଡିବାକୁ ବଜ୍ର ଶପଥ ନେବା।

ଗତ ବର୍ଷ ର ଚେହେରା !!