ଆପଣା ଶକ୍ତିକୁ ନେଇ ବୃତ୍ରଠାରେ ଥିଲା ପ୍ରବଳ ଅହଂକାର। ପାଖରେ ଥିଲା ବିଶାଳ ସେନା। ଦିନେ ପୃଥ‌ିବୀ ପୃଷ୍ଠରେ ମରୁତଙ୍କ ସହ ବୁଲୁଥିବା ଇନ୍ଦ୍ରଙ୍କ ଉପରେ ନଜର ପଡ଼ିଗଲା ତା'ର। ହଠାତ୍‌ ବୃତ୍ରର ମନରେ ଏକ ସଇତାନୀ ବୁଦ୍ଧି ଢ଼କିଲା। ନିଶ୍ଚୟ କଲା ଆପଣା ସେନାକୁ ଧରିତ୍ରୀକୁ ପଠାଇ ମର୍ତ୍ତ୍ୟବାସୀଙ୍କ ଉପରେ କ୍ଷମତା ଜାହିର କରିବ । ଧରିତ୍ରୀକୁ ଆସି ସୈନ୍ୟମାନେ ନଦୀର ସ୍ଵାଭାବିକ ଧାରାକୁ ରୋଧ କଲେ। ଯିଏ ବି ପ୍ରତିବାଦ କଲା ନିର୍ବିଚାରରେ ସେମାନଙ୍କୁ ହତ୍ୟା କଲେ। ଖାଲି ସେତିକି ନୁହେଁ, ଆକାଶର ବୃଷ୍ଟିଧାରକୁ ମଧ୍ୟ ବୃତ୍ର ରୋକିଦେଲା । ଚତୁର୍ଦିଗରେ ତ୍ରାହିତ୍ରାହି ଚିତ୍କାର ଶୁଭିଲା। ବ୍ୟାକୁଳ ହୋଇ ଲୋକେ ଇନ୍ଦ୍ରଙ୍କୁ ସ୍ତୁତି କଲେ। ଇନ୍ଦ୍ର ବୃତ୍ରର ଏଭଳି କୁତ୍ସିତ କାର୍ଯ୍ୟ ସମ୍ପର୍କରେ ଜାଣିବା ପରେ ଭୀଷଣ ରାଗିଗଲେ । ଆପଣା ବଜ୍ର ଧରି ଏକାକୀ ଦୈତ୍ୟର ମୁକାବିଲା ପାଇଁ ବାହାରିଲେ। ପ୍ରଥମେ ବୃତ୍ରର ସୈନିକମାନଙ୍କ ଉପରେ ଆକ୍ରମଣ କରିଥିଲେ । କିଛି

ସୈନିକ ହତାହତ ହେବାରୁ ବାକି ସମସ୍ତେ ଇନ୍ଦ୍ରଙ୍କ ଡରରେ ପଳାୟନ କରିଥିଲେ। ସୈନ୍ୟମାନେ ମୃତାହତ ହେଉଥ‌ିବା ଦେଖ୍ ବୃତ୍ର, ଦେବରାଜଙ୍କ ଉପରେ ଆକ୍ରମଣ ଉଦ୍ଦେଶ୍ୟରେ ଆପଣା ବଜ୍ର ଉଠାଇଥିଲା । ଦୁହିଁଙ୍କ ମଧ୍ୟରେ ଭୀଷଣ ଯୁଦ୍ଧ ହେଲା । ଆଙ୍ଗିରସ ଇନ୍ଦ୍ରଙ୍କ ଉତ୍ସାହ ବୃଦ୍ଧିରେ ସହାୟକ ହୋଇଥିଲା । କାହିଁ ଦୃଷ୍ଟାଙ୍କ ଦ୍ଵାରା ନିର୍ମିତ, ଇନ୍ଦ୍ରଙ୍କ ଦ୍ଵାରା ବ୍ୟବହୃତ ଶକ୍ତିଶାଳୀ ବଜ୍ର, କାହିଁ ବୃତ୍ରର ମାମୁଲି ବଜ୍ର ! ବୃତ୍ରର ବଦ୍ଧମୂଳ ଧାରଣା ଥିଲା ଯେ ରୁଦ୍ରଙ୍କ ଭଳି ଶକ୍ତିଶାଳୀ ଦେବତା ଇନ୍ଦ୍ରଙ୍କ ପକ୍ଷରେ ଯୁଦ୍ଧ କରିଥିବାରୁ ଇନ୍ଦ୍ର ସର୍ବଦା ବିଜୟୀ ହେଉଛନ୍ତି। ଏକାକୀ ସେ କିଛି ବି କରିପାରିବେ ନାହିଁ । ଏହା ଭାବି ପୂର୍ଣ୍ଣ ଶକ୍ତିରେ ଏକୁଟିଆ ଲଢୁଥିବା ଇନ୍ଦ୍ରଙ୍କ ସହ ଯୁଦ୍ଧ କରିଥିଲା, ଇନ୍ଦ୍ରଙ୍କ ସାମନାରେ କିନ୍ତୁ ତିଷ୍ଠି ପାରି ନଥିଲା । ବୃତ୍ର ଯୁଦ୍ଧରେ ସାଙ୍ଘାତିକ ଭାବରେ ଆହତ ହୋଇଥିଲା । ଏତେ ଦୁରବସ୍ଥା ଭୋଗିବା ପରେ ବି ଅହଂକାର ବଶତଃ ଇନ୍ଦ୍ରଙ୍କୁ ଆହ୍ବାନ ଦେଇଥିଲା ନିଜର ଶକ୍ତି ସମ୍ବନ୍ଧରେ ଚେତାଇ ଦେଇ । ଇନ୍ଦ୍ର ଭୟଙ୍କର ରାଗିଯାଇ ବଜ୍ର ପ୍ରହାର କରିଥିଲେ। ବୃତ୍ର ଗଛ କାଟିଲାଭଳି ଭୂତଳଶାୟୀ ହୋଇଥିଲା ।

ବୃତ୍ର ଧରାଶାୟୀ ହେବାରୁ ନଦୀର ରୁଦ୍ଧ ଜଳଧାରା ପୁନଃ ପ୍ରବାହିତ ହୋଇଥିଲା ତା'ର ଶରୀର ଉପର ଓ ତଳଭାଗ ଦେଇ। ପୁଅର ଏଭଳି ଦୁର୍ଦଶା ଦେଖ୍ ମା' ଦନୁ ଧାଇଁ ଆସି ପୁଅକୁ ଇନ୍ଦ୍ରଙ୍କ ବଜ୍ରାଘାତରୁ ରକ୍ଷା କରିବା ପାଇଁ ତାଙ୍କ ଉପରେ ଶୋଇ ପଡ଼ିଥିଲେ । ମା' ଭାବରେ ଅନେକ ବାର ବୃତ୍ରକୁ ବୁଝାଇଥୁଲେ ଇନ୍ଦ୍ରଙ୍କ ସହ ଯୁଦ୍ଧରେ ଲିପ୍ତ ନ ହେବାକୁ । ହେଲେ ନିଜକୁ ବଳବାନ ବୋଲି ଦେଖାଇହେବାର ଆସ୍ପର୍ଦ୍ଧା ଓ ଜିଦ୍ ଯୋଗୁଁ ବୃତ୍ର ଏଭଳି ଦଶାପ୍ରାପ୍ତ ହୋଇଥିଲା।

ପୁତ୍ରର ଜୀବନରକ୍ଷା ପାଇଁ ଦନୁ କୃତ୍ରକୁ ଆଚ୍ଛାଦିତ କରି ଇନ୍ଦ୍ରଙ୍କୁ କ୍ଷମାପ୍ରାର୍ଥନା କରିଥିଲା। ହେଲେ ଏହା ଇନ୍ଦ୍ରଙ୍କ ଉପରେ ପ୍ରଭାବହୀନ ଥିଲା। ଏବେ ବି ଆକାଶ ବୃତ୍ରର କବ୍‌ଜାରେ ଥିଲା । ଇନ୍ଦ୍ରଙ୍କ ବଜ୍ର ପ୍ରହାରରେ ଧେନୁସହ ବତ୍ସା ନାଶ ଗଲା ପରି ବୃତ୍ର ସହ ଦନୁର ପ୍ରାଣନାଶ ହୋଇଥିଲା। ବୃତ୍ରର ନିଧନ ପରେ ଭୀଷଣ ବର୍ଷା ଆରମ୍ଭ ହୋଇଯାଇଥିଲା ।

ଅ

ଆସ୍ପର୍ଦ୍ଧାର ପ୍ରତିଫଳ

ଆସ୍ପର୍ଦ୍ଧାର ପ୍ରତିଫଳ