ଏକ ବର୍ଷ ପ୍ରତୀକ୍ଷା ର ନୀରବତା ପରେ କେଇଦିନ ପାଇଁ ଚଳଚଞ୍ଚଳ ହୋଇ ଉଠିଥିବା ଜନ୍ମସ୍ଥଳୀ ଗୁଣ୍ଡିଚା ମନ୍ଦିର ଆଜି ପୁଣି ବାହୁନୁଛି ସେହି ଚତୁର୍ଦ୍ଧାମୂରତୀ ଙ୍କୁ , ସେହି ଦାରୁବ୍ରହ୍ମ ଙ୍କୁ ଆଉଥରେ କୋଳ ରେ ଧାରଣ କରିବାକୁ । କିନ୍ତୁ ସେ ତ ବାହୁଡ଼ାବ୍ରହ୍ମ ସେ କାହୁଁ ରହିବ । ତାକୁ ତ ଯଶୋଦା ମା ବି ନିଜ ପଣତ ରେ ଅଟକେଇ ପାରିନଥିଲେ । ଗୁଣ୍ଡିଚାମନ୍ଦିର ତ ଭାଗ୍ୟବତୀ ଯିଏ ସେହି ଭରଷା ରେ ଅପେକ୍ଷା କରେକି କାଳିଆ ସୁନା ପୁଣି ଆରବର୍ଷ କୁ ଆସିବ ହେଲେ ସେହି ପ୍ରତିଶ୍ରୁତି ବି ଯଶୋଦା ମା ପାଖରେ ନଥିଲା।

ଜନ୍ମବେଦୀ ରେ ନବଦିନ ର ଆନନ୍ଦ , ମାଉସୀ ମା ଦର୍ଶନ , ଭାଇ ଭଉଣୀ ସାଙ୍ଗରେ ଭ୍ରମଣ ଲୀଳାଖେଳା ପରେ ଆଜି ଦଶମୀ ରେ କାଳିଆ ଝୁଲିଝୁଲି ଆସିସାରିଛି ରଥ କୁ ଫେରିବାକୁ ତାର ଶ୍ରୀମନ୍ଦିର । ଅପରପକ୍ଷରେ ଶ୍ରୀମନ୍ଦିର ଏବେ ଅସ୍ଥିର ପୁଣି ଥରେ କେମିତି ରତ୍ନବେଦୀ ର ଗର୍ଭ ରେ ବିଶ୍ୱନିଅନ୍ତା ଙ୍କୁ ଧାରଣ କରିବ । ଜୟ ବିଜୟ ଙ୍କ ମୁଖମଣ୍ଡଳ ରେ ଏକ ଆଶାର ଚମକ ପ୍ରଭୁଙ୍କୁ ଦର୍ଶନ କରିବାକୁ । ଶ୍ରୀମନ୍ଦିର ରେ ପୁଣି ଖୁସି ର ଲହରୀ। କିନ୍ତୁ ଜଗଜ୍ଜନନୀ ମା ଲକ୍ଷ୍ମୀ ଅଭିମାନ ରେ ଅଛନ୍ତି। ହେରା ପଞ୍ଚମୀ ରେ ରଥ କୁ ଭାଙ୍ଗିସାରିଲା ପରେ ବି ମା ସାଗରନନ୍ଦିନୀ ଙ୍କର କ୍ରୋଧ ଓ ଅଭିମାନ ଶାନ୍ତ ହେଇନି। ଆଜି ବଡ଼ଦାଣ୍ଡ ଭାବବିହୋଳ । ଏମିତି ସୁଯୋଗ କୋଉ ପ୍ରତିଦିନ ଆସେ ଯେବେ ମହାପ୍ରଭୁ ଯାଆନ୍ତି ବଡ଼ଦାଣ୍ଡ ଦେଇ। ଲକ୍ଷଲକ୍ଷ ଭକ୍ତଙ୍କ ଗହଣରେ ବଡ଼ଦାଣ୍ଡ ଆଜି ଉତ୍ସବମୁଖର । କେତେ ଦେଵଦାସୀ ଙ୍କର ନୃତ୍ୟ ରେ ଆଜି ରଥପଥ ଝଲସି ଉଠୁଛି , ହରିବୋଲ ଘଣ୍ଟ କୀର୍ତ୍ତନ ରେ ଚତୁର୍ଦିଗ ପ୍ରକମ୍ପିତ । ଜୟ ଜଗନ୍ନାଥ ଜୟ ଜଗନ୍ନାଥ ଧ୍ୱନି ରେ ପ୍ରତିଟି ଜଗନ୍ନାଥ ପ୍ରେମୀଙ୍କ ସ୍ପନ୍ଦନ କୁ ତୁମେ ଆଜି ଶୁଣି ପାରିବ।

ବଡ଼ଭାଇ ବଳଭଦ୍ର , ସାନଭଉଣୀ ସୁଭଦ୍ରା ଙ୍କ ପରେ ପ୍ରଭୁ ଜଗନ୍ନାଥ ବିରାଜମାନ ନନ୍ଦିଘୋଷ ରେ । ସେ ତ ରହସ୍ୟମୟ ସେ କଣ ଭାବୁଛି ତାହା ସ୍ୱଂୟ ତାଙ୍କୁ ବି ଅଗୋଚର । ନନ୍ଦିଘୋଷ ନିଜକୁ ସାର୍ଥକ ମଣୁଛି ଜଗତର ନାଥ ଜଗନ୍ନାଥ ଙ୍କୁ ନିଜ ଭିତରେ ସ୍ଥାନ ଦେଇ। ଏହି ରଥ ମାନଙ୍କ ରେ ହିଁ ପ୍ରଭୁ ମାନେ ସୁନାବେଶ ଧାରଣ କରିବେ। ସମଗ୍ର ପତିତ ଜନ ଙ୍କୁ ଦର୍ଶନ ଦେଇ ଉଦ୍ଧାର କରିବାକୁ ମହାପ୍ରଭୁଙ୍କ ର ଲୀଳାଖେଳା।

ବାହୁଡ଼ା ବ୍ରହ୍ମ ର ବାହୁଡ଼ା ଯାତ୍ରା ର ଆପଣଂକୁ ଅନେକ ଅନେକ ଶୁଭେଚ୍ଛା।

ବାହୁଡ଼ିଲେ ଆଜି ବାହୁଡ଼ାବ୍ରହ୍ମ

ବାହୁଡ଼ା ଯାତ୍ରା