ଭାରତରେ ୟୁପିଆଇ (UPI)କାରବାର --

୨୦୧୬ ରେ ଭାରତରେ ଆରମ୍ଭ ହେଇଥିବା ୟୁପିଆଇ (UPI) ୟୁନାଇଟେଡ ପେମେଣ୍ଟ ଇଣ୍ଟରଫେସ୍ ଡିଜିଟାଲ ଟଙ୍କା ଦେବା ନେବା କାରବାର ଏମିତି ଏକ ଅଭିନବ ଟଙ୍କା ଦେବା ନେବା ର ମାଧ୍ୟମ ଯେଉଁଥି ପାଇଁ ଆମ ଦେଶ ଆଜି ପୃଥିବୀ ମାନଚିତ୍ର ରେ ଏକ ବଳିଷ୍ଠ ବ୍ୟାଙ୍କିଙ୍ଗ ବ୍ୟବସ୍ଥା ର ଉଦାହରଣ ହେବାକୁ ଯାଉଛି । ଆପାତତଃ ଭାରତ ଦ୍ରୁତ ଗତିରେ ଅର୍ଥନୈତିକ ପ୍ରଗତି କରୁଛି ଏହାକୁ ଅସ୍ବୀକାର କରାଯାଇ ନପାରେ । ତେଣୁ ତାର ପ୍ରତିଫଳନ ସ୍ୱରୂପ ଭାରତ ଆରମ୍ଭ କରିଥିବା ୟୁପିଆଇ ବ୍ୟବସ୍ଥା ଆଜି ପୃଥିବୀ ର ଅନେକ ଦେଶ ରେ ଆଦୃତ ହେବାରେ ଲାଗିଛି ।

ବର୍ତମାନ ଆମ ଦେଶ ରେ ଅନେକ ବ୍ୟବସାୟୀ, ସାଧାରଣ ଜନତା, ତଥା ଅନେକ ଛୋଟ ଛୋଟ ଦୋକାନ ଠୁ ଆରମ୍ଭ କରି ବସ୍, ଅଟୋ, ପରିବା ଦୋକାନୀ, ସପିଙ୍ଗ ମଲ୍ ଇତ୍ୟାଦି ପ୍ରାୟ ଲୋକ ୟୁପିଆଇ ର ଲାଭ ଉଠାଇ ଏହି ମାଧ୍ୟମରେ ଟଙ୍କା ଦେବା ନେବା କରୁଛନ୍ତି ।

ଆଉ ଏକ ଖୁସିର କଥା ଯେ, ଆମ ପ୍ରଧାନ ମନ୍ତ୍ରୀ ଯେତେବେଳେ ଫ୍ରାନ୍ସ ରେ ପ୍ରତି ବର୍ଷ ୧୪ ଜୁଲାଇରେ ପାଳନ ହେଉଥିବା ବାଷ୍ଟିଲ ଡେ ଅବସରରେ ଅତିଥି ଭାବେ ଯୋଗ ଦେଇଥିଲେ ସେଠାରେ ଏକ ଚୁକ୍ତି ହେଲା ଯେ, ଭାରତର ପର୍ଯ୍ୟଟକ ଆଇଫେଲ୍ ଟାୱାର ରେ ଯେତେବେଳ ପେମେଣ୍ଟ କରିବେ ସେମାନେ ୟୁପିଆଇ ମାଧ୍ୟମରେ କରିବେ । ଏହାଠାରୁ ବଡ ଖୁସିର କଥା ଭାରତ ପାଇଁ ଆଉ କଣ ହେଇପାରେ ।

ଜୁନ ୨୦୨୨ ରେ NPCI (ଭାରତର ସଂସ୍ଥା ) ସହିତ ଫ୍ରାନ୍ସ୍ ଲାଇରା ନେଟୱର୍କ ର ଏକ ଚୁକ୍ତି ହେଲା ଯେ ସେମାନେ ୟୁପିଆଇ ଓ ରୁପେ ମାଧ୍ୟମରେ ପେମେଣ୍ଟ୍ ଗ୍ରହଣ କରିବେ । ଯେତେବେଳେ କୌଣସି ଭାରତୀୟ ବିଦେଶକୁ ଭ୍ରମଣ ପାଇଁ ଯାଏ ସେ ତିନୋଟି ମାଧ୍ୟମରେ ପେମେଣ୍ଟ ଗ୍ରହଣ କରନ୍ତି -

ପ୍ରଥମତଃ ସେ ଟଙ୍କା କୁ ସେହି ଦେଶ ର ମୁଦ୍ରା ରେ ରୂପାନ୍ତର କରନ୍ତି ଓ ସେହି ମୁଦ୍ରା କୁ ସେଠି ବ୍ୟବହାର କରନ୍ତି ।

ଦ୍ବିତୀୟତଃ ଏକ ଫରେକ୍ସ କାର୍ଡ ମାଧ୍ୟମରେ ଟଙ୍କା କୁ ନିଜ ଆବଶ୍ୟକତା ମୁତାବକ ଜମା କରନ୍ତି ଓ କାର୍ଡ ସ୍ୱାଇପ କରି ଖର୍ଚ୍ଚ କରନ୍ତି ।

ଉପରୋକ୍ତ ଦୁଇଟି ଯାକ ମାଧ୍ୟମରେ ପର୍ଯ୍ୟଟକ ଟିଏ ଅଧିକ ଖର୍ଚ୍ଚାନ୍ତ ହୋଇଥାଏ କାହିଁକିନା ଏଥିରେ ବ୍ୟାଙ୍କ୍ ସେହି ଦେଶ ର ମୁଦ୍ରା କିଣିଲା ଅଧିକ ଟଙ୍କା ନିଏ ଓ ଫେରସ୍ତ କଲା ବେଳେ କମ୍ ଟଙ୍କାରେ ସେହି ମୁଦ୍ରା କିଣେ । ତଦୁପରି ଏହି କାର୍ଡ ବ୍ୟବହାର କରିବା ବେଳେ ଆମକୁ ପୂର୍ବରୁ ହିଁ ବିଦେଶ ଗଲେ କେତେ ଖର୍ଚ୍ଚ ହେବ ତାର ଏକ ଆନୁମାନିକ ହିସାବ କରିବାକୁ ହେବ ।

ତୃତୀୟତଃ ଆମ ପାଖରେ ଯଦି ଆନ୍ତର୍ଜାତିକ ବ୍ୟାଙ୍କ୍ କାର୍ଡ ଅଛି ତେବେ ମଧ୍ୟ ଆମେ ବିଦେଶ ରେ ପେମେଣ୍ଟ କରି ପାରିବା । କିନ୍ତୁ ଏଥିରେ ମଧ୍ୟ ମୁଦ୍ରା ରୂପାନ୍ତର ବ୍ୟୟ ସାପେକ୍ଷ ଏବଂ ୧ ରୁ ୩ ଶତକଡା ପର୍ଯ୍ୟନ୍ତ ମାର୍କ ଅଫ ଚାର୍ଜ ଲାଗିଥାଏ ।

ଅତଃ ଉପରୋକ୍ତ ତିନୋଟି ଯାକ ପେମେଣ୍ଟ ମାଧ୍ୟମ ବିଦେଶ ରେ ଆମ ପାଇଁ ଉପଯୁକ୍ତ ନୁହଁ । କିନ୍ତୁ ଖୁସିର କଥା ଏହା ଯେ ଭାରତ ର ୟୁପିଆଇ ଏହି ସବୁ ସମସ୍ୟାର ସମାଧାନ କରିବାକୁ ଯାଉଛି ।

ୟୁପିଆଇର ଲୋକ ପ୍ରିୟତା ଦିନକୁ ଦିନ ସାରା ବିଶ୍ବରେ ବୃଦ୍ଧି ପାଉଛି ।

G-୨୦ ସମ୍ମିଳନୀ ରେ ଭାରତ ଏହାର ସଭାପତି ଥିଲା ।ଏହି ଅବସରରେ ଭାରତକୁ ଅନ୍ୟ ଦେଶ ରୁ ଅନେକ ବଡ ବଡ ଉଦ୍ୟୋଗପତି ଓ ନେତା ଆସିଥିଲେ ଯେଉଁଥିରେ ଭାରତ ତାର ଏହି ଚମତ୍କାର ପେମେଣ୍ଟ ମାଧ୍ୟମ ର ପ୍ରଦର୍ଶନ କରି ଖୁବ୍ ପ୍ରଶଂସା ସାଉଁଟି ପାରିଛି । ୟୁପିଆଇର ଲାଭ ଗୁଡ଼ିକ ର ଲାଇଭ ଡେମନଷ୍ଟ୍ରାସନ୍ ଦେଖାଇବା ଦ୍ଵାରା ସାରା ବିଶ୍ଵର ଆସିଥିବା ମହାନ୍ ନେତା ମାନେ କେତେ ଶୀଘ୍ର, ସହଜ ଓ ନୀରବିଛିନ୍ନ ଭାବେ ୟୁପିଆଇ ଦ୍ଵାରା ପେମେଣ୍ଟ ହୋଇ ପାରୁଛି ସ୍ଵଚକ୍ଷୁରେ ଦେଖିଛନ୍ତି ।

ଯାହାର ଫଳ ସ୍ୱରୂପ ୧୩ ଫେବୃଆରୀ ୨୦୨୩ ରେ ଆମ ଦେଶ ର ମାନନୀୟ ସୂଚନା ମ

ନ୍ତ୍ରୀ ଅଶ୍ଵିନୀ ବୈଷ୍ଣବ ଘୋଷଣା କଲେ ଯେ ଆମର ୟୁପିଆଇ ସେବା ବିଶ୍ଵର ୧୩ ଟି ଦେଶକୁ ବିସ୍ତୃତ ହେବାକୁ ଯାଉଛି । ଆଜି ବି ଆନ୍ତର୍ଜାତିକ ବଜାର ରେ ପେମେଣ୍ଟ ପାଇଁ ଲୋକେ ମାଷ୍ଟର କାର୍ଡ ଓ ଭିସା ଭଳି କମ୍ପାନୀ ଉପରେ ସଂପୂର୍ଣ୍ଣ ଭାବେ ନିର୍ଭରଶୀଳ । ତେଣୁ ଏହି କମ୍ପାନୀ ଗୁଡ଼ିକ ଲୋକଙ୍କ ଠୁ ଅଧିକ ଟଂକା ନେଉଛନ୍ତି ଓ ସାରା ବିଶ୍ବରେ ରାଜା ହୋଇ ବସିଛନ୍ତି । ଏହି ସବୁ ସମସ୍ୟାର ଅନ୍ତ ଖୁବ୍ ଶୀଘ୍ର କରିବ ଆମ ଦେଶର ୟୁପିଆଇ ।

ଏକ ଆନ୍ତର୍ଜାତିକ ସର୍ଭେ ରୁ ଜଣା ପଡ଼ିଛି ଯେ ୨୦୨୦ ମସିହା ସୁଦ୍ଧା ଭାରତ ୨୫.୫ ବିଲିଅନ୍ ୟୁପିଆଇ କାରବାର କରିଛି ଯାହାକି ଆମେରିକା ଏବଂ ଚୀନ ର ଅନ ଲାଇନ କାରବାର ଠୁ ଢେର୍ ଅଧିକ ଥିଲା ।

ଶେଷରେ ଏତିକି କୁହଯାଇପାରେ ଯେ, ଏହା ଏମିତି ଏକ ଡିଜିଟାଲ ପେମେଣ୍ଟ ମାଧ୍ୟମ ଯାହାକି ପିଲା ଠାରୁ ବୁଢ଼ା ପର୍ଯ୍ୟନ୍ତ, ମୂର୍ଖ ରୁ ମୂର୍ଖ ଟିଏ ମଧ୍ୟ ବ୍ୟବହାର କରି ପାରିବ। ଜଣେ ଯଦି ମୋବାଇଲ ଚଲେଇ ଜାଣିଛି ସେ ନିଶ୍ଚିତ ଏହି ସେବାର ଲାଭ ଉଠେଇ ପାରିବ ।

ଆମ ଦେଶରେ ଟା ୟୁପିଆଇ ର ବ୍ୟବହାର ବହୁଳ ମାତ୍ରା ରେ ହୋଇ ସାରିଲାଣି କେବଳ ବାକି ରହିଲା ସାରା ବିଶ୍ଵ ର ଦେଶ ଗୁଡ଼ିକ କେବେ ଏହାକୁ ଗ୍ରହଣ କରିବେ ।

ଯୋଗେଶ୍ୱର ପଣ୍ଡା

ବ୍ରହ୍ମପୁର

- ୭୬୦୦୦୧

ମୋ - ୮୭୬୩୩୯୦୦୪୫

ଭାରତରେ ୟୁପିଆଇ (UPI)କାରବାର --

ଏକ ବଳିଷ୍ଠ ଡିଜିଟାଲ ପେମେଣ୍ଟ ମାଧ୍ୟମ