ବିପଦର ବନ୍ଧୁ

ଜଙ୍ଗଲରେ କଲରାପାତିଆ ବାଘ,ଭାଲୁ, ହାତୀ ଓ ବିଲୁଆ ଚାରି ଜଣ ବନ୍ଧୁ ଥିଲେ।ଏମାନେ ଅଲଗା ଅଲଗା ପ୍ରଜାତିର ଥିଲେ ମଧ୍ୟ ଖୁବ ଘନିଷ୍ଠ ବନ୍ଧୁ ଥିଲେ ।ଏମାନଙ୍କ ବନ୍ଧୁତାକୁ କିଛି ପଶୁ ସହି ପାରୁ ନଥିଲେ ।ଓଲଟା କହିବାକୁ ଆରମ୍ଭ କରିଥିଲେ ସ୍ବାର୍ଥକୁ ଦୃଷ୍ଟିରେ ରଖି ବିଲୁଆ ଏମାନଙ୍କ ସହ ବନ୍ଧୁତା ବାନ୍ଧ ିଛି ।ଏବିଷୟରେ ବାଘ,ବିଲୁଆକୁ କହିବାରୁ ଏକଥା ତାକୁ ଭାରି ବାଧୁଥିଲା ।ହାତୀ ବିଲୁଆକୁ କହିଲା-ତୁ ଜମାରୁ ବ୍ୟସ୍ତ ହୁଅନା।ସମୟ ବଡ ବଳବାନ୍ ।ସମୟ ହିଁ କହିବ କିଏ ପ୍ରକୃତ ବନ୍ଧୁ ।

ଦିନେ ବାଘର ସ୍ତ୍ରୀ ଜଙ୍ଗଲରେ ଭାଲୁକୁ ସ୍କୁଟି ଚଲାଉଥିବା ଦେଖି ତା ପାଇଁ ଏକ ସ୍କୁଟି କିଣିବା ପାଇଁ ଜିଦ କରିଥିଲା ।ବାଘ କହିଲା-ହଉ,ଆଣିବା ।ବାଘ ବିଲୁଆ ପାଖକୁ ଯାଇ ଏ ବିଷୟରେ କଥା ହେଲା । ବିଲୁଆ କହିଲା- ଏବେ ଏଇ ସ୍କୁଟିକୁ ଭାଲୁ ପାଖରୁ କିଛି ଦିନ ପାଇଁ ନେଇ ତୁମ ପତ୍ନୀଙ୍କୁ ଏହାକୁ ଚଳେଇବା ଶିଖାଅ।ଜଙ୍ଗଲର ଏ ଆବଡା ଖାବଡା ରାସ୍ତାରେ ବନ୍ଧୁପତ୍ନୀ ସ୍କୁଟି ଚଳେଇବାରେ ପାରଙ୍ଗମ ହୋଇଗଲେ ତାଙ୍କ ପାଇଁ ସ୍କୁଟି ଟିଏ କିଣି ଦବ ।ଏକଥା ବାଘ ମନକୁ ପାଇଲା ।ବାଘ,ଭାଲୁ ପାଖରୁ ସ୍କୁଟି ନେଇ ଯାଉଥିବା ସମୟରେ ଦୁର୍ଘଟଣାର ଶିକାର ହେଲା।ଜଙ୍ଗଲ ବାଙ୍କ ରାସ୍ତାରେ ଏକ କୂଅକୁ ଧକ୍କା ଦେଇ ସ୍କୁଟି ଚୁରମାର ହୋଇ ଯାଇଥିଲା ।ଦୁର୍ଭାଗ୍ୟ ବଶତଃ ବାଘ ସେଇ କୂଅ ମଧ୍ୟକୁ ଖସି ପଡଥିିଲା ।ବାଘର ଦୁର୍ଘଟଣା ଖବର ଜଙ୍ଗଲର ନିଆଁ ଭଳି ଚାରିଆଡେ ବ୍ୟାପିଗଲା।ଏ ଖବର ଶୁଣି ବାଘର ଶତ୍ରୁମାନେ ବହୁତ ଖୁସି ହୋଇ କୂଅ ପାଖକୁ ଆସି ମିଛି ମିଛିକା ଆହା କରୁଥିଲେ ।କିଛି ପଶୁ ବାଘର ଅସହାୟତାର ଫାଇଦା ଉଠାଇବାକୁ ଯାଇ କୂଅ ମଧ୍ୟକୁ ଟେକା ଫୋପାଡିବାକୁ ଲାଗିଲେ ।

ଆଉ କିଛି ଦୁର୍ବଳ ବେଙ୍ଗ କୂଅ ମଧ୍ୟକୁ ଟେକା ଫୋପାଟି ନିଜ ପାରିବା ପଣିଆର ଶକ୍ତି ଦେଖାଉଥିଲେ ।ବିଲୁଆ ଦୂରରେ ଥାଇ ଏସବୁ ଦୃଶ୍ୟକୁ ଲକ୍ଷ୍ୟ କରୁଥାଏ ।ବନ୍ଧୁକୁ କୂଅରୁ ବାହାର କରିବା ପାଇଁ ସେ କୂଅ ପାଖରେ ପହଞ୍ଚ ିଥିଲା।ସେ ବାଘକୁ କୂଅରୁ ବାହାର କରିବା ପାଇଁ ଆଶ୍ବାସନା ଦେଉଥାଏ ।ଏହା ଦେଖି ବେଙ୍ଗମାନେ ସହି ପାରିଲେନି।

ସେମାନେ ଭାଲୁର ସ୍ତ୍ରୀକୁ ସ୍କୁଟି ଚୁରମାର ହୋଇ ଯାଇଥିବା କଥା କହି ତାକୁ ଉସକାଇବାକୁ ଲାଗିଲେ ।ଏ ବିପଦ ସମୟରେ ଭାଲୁ ସ୍ତ୍ରୀ, ବାଘ ସ୍ତ୍ରୀ ପାଖକୁ ଯାଇ କୌଣସି ସମବେଦନା ପ୍ରକାଶ ନକରି ଯଥା ଶିଘ୍ର ସ୍କୁଟି ସଜାଡିବା ପାଇଁ ଜିଦ କରିବାକୁ ଲାଗିଥିିଲା।

ଏପଟେ ବିଲୁଆଠୁ ସବୁ କଥା ଶୁଣି ହାତୀ କୂଅ ପାଖକୁ ଧାଇଁ ଆସିଲା ।ବିଲୁଆର ଯୋଜନା ଅନୁସାରେ ସେ ଇଁରାଜୀ ଅକ୍ଷର L- ଆକାରର ଏକ ମୋଟା ଗଛ ଡାଳ ଆଣି ଏହାର ଗୋଟିଏ ପଟକୁ ଧୀରେ ଧୀରେ କୂଅ ମଧ୍ୟକୁ ପକେଇବାକୁ ଲାଗିଲା ।ଡାଳର ଆରପଟକୁ ସେ ତା ଶୁଣ୍ଢରେ ଜୋରରେ ଧରି ରଖିଲା ।କଲରାପାତିଆ ବାଘଟି ଗଛରେ ଚଢିଲା ଭଳିଆ ବହୁକଷ୍ଟରେ କୂଅରୁ ବାହାରି ଆସିଲା।ବିଲୁଆ ଆଗରୁ ଆମ୍ବୁଲାନସର ବ୍ୟବସ୍ଥା କରି ଦେଇଥାଏ ।ସଙ୍ଗେ ସଙ୍ଗେ ପଶୁ ଚିକିତ୍ସଳୟରେ ବାଘର ଚିକିତ୍ସା ଆରମ୍ଭ ହେଲା ।ତା' ଗୋଡର ପ୍ଲାଷ୍ଟର କରାଯାଇଥିଲା।ତାପରେ ୧୫ ଦିନ ମଧ୍ୟରେ ଗୋଡର ଅପରେସନ ହେବ ବୋଲି ପଶୁ ଡାକ୍ତର କହିଥିଲେ ।ବାଘର ସ୍ତ୍ରୀ ଓ ବନ୍ଧୁମାନେ ଅପରେସନ ପାଇଁ ପଇସାପତ୍ର ଯୋଗାଡରେ ଲାଗି ପଡିଥାନ୍ତି ।ଭାଲୁ ଦୂର ଜଙ୍ଗଲକୁ ଶିକାରକୁ ଯାଇଥିବାରୁ ଏକଥା ତାକୁ ଜଣା ନଥାଏ ।ଭାଲୁ ସ୍ତ୍ରୀ ବାରମ୍ବାର ବାଘସ୍ତ୍ରୀକୁ ଗାଡି ସଜାଡିବାକୁ ତାଗିଦ କରୁଥାଏ ।ଅପରେସନ ପରେ ସ୍କୁଟି ସଜାଡି ଦିଆଯିବ ବୋଲି ବିଲୁଆ ଯେତେ ବୁଝେଇଲେ ବି ଭାଲୁ ସ୍ତ୍ରୀ ସେଥିପ୍ରତି ଧ୍ୟାନ ଦେଉ ନଥାଏ ।ପତିଙ୍କ ବାଘବନ୍ଧୁକୁ ହଇରାଣ କରିବା ଉଦ୍ଦେଶ୍ୟରେ ବେଙ୍ଗ ମାନଙ୍କ କଥାରେ ସେ ଏପରି କରୁଥିଲା ବୋଲି ବିଲୁଆ ସବୁକିଛି ଜାଣି ପାରିଲା ।ବିଲୁଆ ବାଧ୍ୟ ହୋଇ ବାଘର ଅପରେସନ ପାଇଁ ଯୋଗାଡ କରା ଯାଇଥିବା ଟଙ୍କାରୁ ତାକୁ ଦେଇଥିଲା।ବିଲୁଆ ଜାଣିବାକୁ ପାଇଲା ଭାଲୁ ଗାଡିର ଦୁର୍ଘଟଣା ପାଇଁ ଇନସିଓରାନସ୍ ରହିଛି ।

ଏପଟେ ପନ୍ଦର ଦିନ ପରେ ବାଘର ସଫଳ ଅସ୍ତ୍ରୋପଚାର ହୋଇ ସେ ମାସେ ପରେ ଜଙ୍ଗଲକୁ ଫେରିଥିଲା ।ଏଇ ସମୟରେ ସେ ଜାଣିବାକୁ ପାଇଲା ଯେ ଦୁର୍ଘଟଣାଗ୍ରସ୍ତ ସ୍କୁଟିର ସମସ୍ତ ସଜଡା ଟଙ୍କା ଭାଲୁ ସ୍ତ୍ରୀକୁ ଇନସିଓରାନସ୍ କମ୍ପାନୀ ଦେଇଛନ୍ତି ।ବିଲୁଆ ଏକଥା ଭାଲୁ ସ୍ତ୍ରୀକୁ ପଚାରିବାରୁ ସେ ଏହାକୁ ଫାଙ୍କ ି ଦେଇଥିଲା ।

ଏହିପରି ୧୨ ବର୍ଷ ବିତିଗଲା।ସେତେବେଳକୁ ବିଲୁଆ ବିଦେଶ ଜଙ୍ଗଲକୁ ଚାଲି ଯାଇଥାଏ।ଖୁବ ଧନରତ୍ନ ଉପାର୍ଜନ କରି ଧନୀ ହୋଇ ଯାଇଥାଏ। ଭାଲୁର ବୟସ ହୋଇ ଯିବାରୁ ସେ ବୃଦ୍ଧ ହୋଇ ଯାଇଥାଏ।ଧନ ଅର୍ଜନ କରିବା ପାଇଁ ତା ପାଖରେ ଶକ୍ତି ନଥାଏ। ଭାଲୁ ସ୍ତ୍ରୀ ଏକଥା ଭାବି ଭାବି ଚିନ୍ତିତ ହୋଇ ପଡୁଥାଏ ।କିପରି ଘର ସଂସାର ଚଳେଇବ ?

ତା ସ୍ବାର୍ଥପର ଗୁଣ ଜାଣି ବିପଦ ଆପଦରେ ତାକୁ ସହାୟ ହେବା ପାଇଁ ଜଙ୍ଗଲର କୌଣସି ଜୀବ ତା ପାଖ ମାଡୁ ନଥିଲେ ।ଏପରି ଦୁର୍ଦ୍ଦନରେ ତା'ର ଏକାନ୍ତ ସହଯୋଗୀ ବେଙ୍ଗମାନେ ମଧ୍ୟ ତାକୁ ସାହାଯ୍ୟ କରିବାକୁ ଆସିଲେନି ।ତା'ର ବିବେକ ତା'ର ଏପରି ଅବସ୍ଥା ପାଇଁ ତାକୁ ଧିକକାର କରୁଥିଲେ।

ଭାଲୁ ,ତା ସ୍ତ୍ରୀର ସବୁକଥା ଜଙ୍ଗଲର ଅନ୍ୟ ପ୍ରାଣୀମାନଙ୍କ ଠାରୁ ଶୁଣି ବହୁତ ମନଦୁଃଖ କରୁଥିଲା ।ହେଲେ କ'ଣ ହେବ ,ସେତେବେଳକୁ ନେଳୀ ଗୁଡ କହୁଣୀକୁ ବୋହି ସାରିଥିଲା ।ଏବେ ଜଙ୍ଗଲର ପଶୁମାନେ ବିଲୁଆର ବହୁ ପ୍ରଶଂସା କରୁଥିଲେ।"ବିପଦର ବନ୍ଧୁ ହିଁ ପ୍ରକୃତ ବନ୍ଧୁ" ଏକଥା ସେମାନେ ବେଶ ବୁଝି ପାରୁଥିଲେ ।

ତସନିମ୍ ସୁଲତାନା

୧୦ମ,କାକଟପୁର ବାଳିକା ନୋଡାଲ ଉଚ୍ଚ ବିଦ୍ୟାଳୟ,କାକଟପୁର,ପୁରୀ

୩/୧୦/୨୦୨୩