ଓଂ

ଶ୍ରୀଗୁରଵେ ନମଃ । ଓଂ ନମଃ ପରମଦେଵତାୟୈ ॥

ଶ୍ରୀକର୍ପୂରାଦିସ୍ତୋତ୍ରମ୍

କର୍ପୂରଂ ମଧମାନ୍ତ୍ୟସ୍ଵରପରିରହିତଂ ସେନ୍ଦୁଵାମାକ୍ଷିୟୁକ୍ତଂ ବୀଜଂ ତେ

ମାତରେତତ୍ତ୍ରିପୁରହରଵଧୁ ତ୍ରିଃକୃତଂ ୟେ ଜପନ୍ତି ।

ତେଷାଂ ଗଦ୍ୟାନି ପଦ୍ୟାନି ଚ ମୁକୁହୁହରାଦୁଲ୍ଲସନ୍ତ୍ୟେଵ ଵାଚଃ

ସ୍ଵଚ୍ଛନ୍ଦଂ

ଧ୍ଵାନ୍ତଧାରାଧରୁରୁଚିରୁଚିରେ ସର୍ଵସିଦ୍ଧିଂ ଗତାନାମ୍॥ ୧॥

ଈଶାନ ସେନ୍ଦୁଵାମଶ୍ରଵଣପରିଗତୋ ବୀଜମନ୍ୟନ୍ମହେଶି ଦ୍ଵନ୍ଦ୍ଵଂ ତେ

ମନ୍ଦଚେତା ୟଦି ଜପତି ଜନୋ ଵାରୂମେକଂ କଦାଚିତ୍ ।

ଜିତ୍ଵା ଵାଚାମଧୀଶଂ ଧନମପି ଚିରଂ ମୋହୟନ୍ନମ୍ବୁଜାକ୍ଷୀଵୃନ୍ଦଂ

ଚନ୍ଦ୍ରାର୍ଧଚୂଡେ ପ୍ରଭଵତି ସ ମହାଘୋରବାଲାଵତଂସେ॥ ୨॥

ଈଶୋ ଵୈଶ୍ଵାନରସ୍ଥଃ ଶଶଧରଵିଲସଦ୍ ଵାମନେତ୍ରେଣ ୟୁକ୍ତୋ ବୀଜଂ ତେ

ଦ୍ଵନ୍ଦ୍ଵମନ୍ୟଦ୍ ଵିଗଲିତଚିକୁରେ କାଲିକେ ୟେ ଜପନ୍ତି ।

ଦ୍ଵେଷ୍ଟାରଂ ଘ୍ନନ୍ତି ତେ ଚ ତ୍ରିଭୁଵନମପି ତେ ଵଶ୍ୟଭାଵଂ ନୟନ୍ତି

ସୃକ୍କଦ୍ଵନ୍ଦାସ୍ରଧାରାଦ୍ଵୟଧରଵଦନେ ଦକ୍ଷିଣେ ତ୍ର୍ୟକ୍ଷରେତି॥ ୩॥

ଊର୍ଧ୍ଵେ ଵାମେ କୃପାଣଂ କରକମଲତଲେ ଛିନ୍ନମୁଣ୍ଡଂ ତଥାଧଃ ସଵ୍ୟେ

ଚାଭୀର୍ଵରଂ ଚ ତ୍ରିଜଗଦଘହରେ ଦକ୍ଷିଣେ କାଲିକେ ଚ ।

ଜପ୍ତ୍ଵୈତନ୍ନାମ ୟେ ଵା ତଵ ମନୁଵିଭଵଂ ଭାଵୟନ୍ତ୍ୟେତଦମ୍ବ ତେଷାମଷ୍ଟୌ

କରସ୍ଥା: ପ୍ରକଟିତରଦନେ ସିଦ୍ଧୟସ୍ତ୍ର୍ୟମ୍ବକସ୍ୟ॥ ୪॥

ଵର୍ଗାଦ୍ୟଂ ଵହ୍ନିସଂସ୍ଥଂ ଵିଧୁରତିଲଲିତଂ ତତ୍ତ୍ରୟଂ କୂର୍ଚୟୁଗ୍ମଂ

ଲଜ୍ଜାଦ୍ଵନ୍ଦ୍ଵଂ ଚ ପଶ୍ଚାତ୍ ସ୍ମିତମୁଖି ତଦଧଷ୍ଠଦ୍ଵୟଂ ୟୋଜୟିତ୍ଵା ।

ମାତର୍ୟେ ୟେ ଜପନ୍ତି ସ୍ମରହରମହିଲେ ଭାଵୟନ୍ତଃ ସ୍ଵରୂପଂ ତେ

ଲକ୍ଷ୍ମୀଲାସ୍ୟଲୀଲାକମଲଦଲଦୃଶଃ କାମରୂପା ଭଵନ୍ତି॥ ୫॥

ପ୍ରତ୍ୟେକଂ ଵା ଦ୍ଵୟଂ ଵା ତ୍ରୟମପି ଚ ପରଂ ବୀଜମତ୍ୟନ୍ତଗୁହ୍ୟଂ

ତ୍ଵନ୍ନାମ୍ନା

ୟୋଜୟିତ୍ଵା ସକଲମପି ସଦା ଭାଵୟନ୍ତୋ ଜପନ୍ତି ।

ତେଷାଂ ନେତ୍ରାରଵିନ୍ଦେ ଵିହରତି କମଲା ଵକ୍ତ୍ରଶୁଭ୍ରାଂଶୁବିମ୍ବେ ଵାଗ୍ଦେଵୀ

ଦେଵି ମୁଣ୍ଡସ୍ତ୍ରଗତିଶୟଲସତ୍କଣ୍ଠି ପୀନସ୍ତନାଢ୍ୟେ॥ ୬॥

ଗତାସୂନାଂ ବାହୁପ୍ରକରକୃତକଞ୍ଚୀପରିଲସନ୍ନିତମ୍ବାଂ ଦିଗ୍ଵସ୍ତ୍ରାଂ

ତ୍ରିଭୁଵନଵିଧାତ୍ରୀଂ ତ୍ରିଣୟନାଂ ।

ଶ୍ମଶାନସ୍ତେ ତଲ୍ପେ ଶଵହୃଦି ମହାକାଲସୁରତପ୍ରୟୁକ୍ତାଂ ତ୍ଵାଂ

ଧ୍ୟାୟନ୍ ଜନନି ଜଡଚେତା ଅପି କଵିଃ ॥ ୭॥

ଶିଵାଭିର୍ଘୋରାଭିଃ ଶଵନିଵହମୁଣ୍ଡାସ୍ଥିକରୈଃ ପରଂ ସଂକୀର୍ଣାୟାଂ

ପ୍ରକଟିତଚିତାୟାଂ ହରଵଧୂମ୍ ।ପ୍ରଵିଷ୍ଟାଂ ।

ସଂତୁଷ୍ଟାମୁପରିସୁରତେନାତିୟୁଵତୀଂ ସଦା ତ୍ଵାଂ ଧ୍ୟାୟନ୍ତି କ୍ଵଚିଦପି

ଚ

ନ ତେଷାଂ ପରିଭଵଃ ॥ ୮॥

ଵଦାମସ୍ତେ କିଂ ଵା ଜନନି ଵୟମୁଚ୍ଚୈର୍ଜଡଧିୟୋ ନ ଧାତା ନାପୀଶୋ

ହରିରପି ନ ତେ ଵେତ୍ତି ପରମମ୍ ।

ତଥାପି ତ୍ଵଦ୍ଭକ୍ତିର୍ମୁଖରୟତି ଚାସ୍ମାକମମିତେ ତଦେତତ୍କ୍ଷନ୍ତଵ୍ୟଂ ନ

ଖଲୁ

ପଶୁରୋଷଃ ସମୁଚିତଃ ॥ ୯॥

ସମନ୍ତାଦାପୀନସ୍ତନଜଘନଧୃଘୌଵନଵତୀରତାସକ୍ତୋ ନକ୍ତଂ ୟଦି

ଜପତି

ଭକ୍ତସ୍ତଵ ମନୁମ୍ ।

ଵିଵାସାସ୍ତ୍ଵାଂ ଧ୍ୟାୟନ୍ ଗଲିତଚିକୁରସ୍ତସ୍ୟ ଵଶଗାଃ ସମସ୍ତାଃ

ସିଦ୍ଧୌଘା ଭୁଵି ଚିରତରଂ ଜୀଵତି କଵିଃ ॥ ୧୦॥

ସମାଃ ସୁସ୍ଥୀଭୂତୋ ଜପତି ଵିପରୀତାଂ ୟଦି ସଦା ଵିଚିନ୍ତ୍ୟ ତ୍ଵାଂ

ଧ୍ୟାୟନ୍ନତିଶୟମହାକାଲସୁରତାମ୍ ।

ତଦା ତସ୍ୟ କ୍ଷୋଣୀତଲଵିହରମାଣସ୍ୟ ଵିଦୁଷଃ କରାମ୍ଭୋଜେ ଵଶ୍ୟା

ପୁରହସ୍ଵଧୂ ସିଦ୍ଧିନିଵହାଃ ॥ ୧୧॥

ପ୍ରସୂତେ ସଂସାରଂ ଜନନି ଭଵତୀ ପାଲୟତି ଚ ସମସ୍ତଂ କ୍ଷିତ୍ୟାଦି

ପ୍ରଲୟସମୟେ ସଂହରତି ଚ ।

ଅତସ୍ତ୍ଵଂ ଧାତାସି ତ୍ରିଭୁଵନପତିଃ ଶ୍ରୀପତିରପି ମହେଶୋଽପି ପ୍ରାୟଃ

ସକଲମପି କିଂ ସ୍ତୌମି ଭଵତୀମ୍ ॥ ୧୨॥

ଅନେକେ ସେଵନ୍ତେ ଭଵଦଧିକଗୀଵାର୍ଣନିଵହାନ୍ ଵିମୂଢାସ୍ତେ ମାତଃ କିମପି

ନ

ହି ଜାନନ୍ତି ପରମମ୍ ।

ସମାରାଧ୍ୟାମାଦ୍ୟାଂ ହରିହରଵିରିଞ୍ଚାଦିଵିବୁଧୈଃ ପ୍ରପନ୍ନୋଽସ୍ମି

ସ୍ଵୈରଂ

ରତିରସସମହାନନ୍ଦନିରତାମ୍ ॥ ୧୩॥

ଧରତ୍ରି କୀଲାଲଂ ଶୁଚିରପି ସମୀରୋଽପି ଗଗନଂ ତ୍ଵମେକା କଲ୍ୟାଣୀ

ଗିରିଶରମଣୀ କାଲି ସକଲମ୍ ।

ପ୍ରସନ୍ନାଂ ତ୍ଵଂ ଭୂୟା ଭଵମନୁ ନ ଭୂୟାନ୍ମମ ଜନୁଃ ॥ ୧୪॥

ଶ୍ମଶାନସ୍ଥଃ ସୁସ୍ଥୋ ଗଲିତଚିକୁରୋ ଦିକ୍ପଟଧରଃ ସହସ୍ରଂ ତ୍ଵକାର୍ଣାଂ

ନିଜଗଲିତଵୀର୍ୟେଣ କୁସୁମମ୍ ।

ଜପଂସ୍ତ୍ଵତ୍ପ୍ରୟେକଂ ମନୁମପି ତଵ ଧ୍ୟାନନିରତୋ ମହାକାଲି ସ୍ଵୈରଂ ସ

ଭଵତି ଧରିତ୍ରୀପରିଵୃଢଃ ॥ ୧୫॥

ଗୃହେ ସଂମାର୍ଜ୍ୟନ୍ୟା ପରିଗଲିତଵିର୍ୟଂ ହି ଚିକୁରଂ ସମୂଲଂ ମଧ୍ୟାହ୍ନେ

ଵିତରତି ଚିତାୟାଂ କୁଜଦିନେ ।

ସମୁଚ୍ଚାର୍ୟ ପ୍ରମେଣା ମନୁମପି ସକୃତ୍କାଲି ସତତଂ ଗଜାରୂଢୋ ୟାତି

କ୍ଷିତିପରିଵୃଢଃ ସତ୍କଵିଵରଃ ॥ ୧୬॥

ସ୍ଵପୁଷ୍ପୈରାକୀର୍ଣଂ କୁସୁମଧନୁଷୋ ମନ୍ଦିରମହୋ ପୁରୋ ଧ୍ୟାୟନ୍ଧ୍ୟାୟନ୍

ୟଦି ଜପତି ଭକ୍ତସ୍ତଵ ମନୁମ୍ ।

ସ ଗନ୍ଧର୍ଵଶ୍ରେଣୀପତିରପି କଵିତ୍ଵାମୃତନଦୀନଦୀନଃ ପର୍ୟନ୍ତେ

ପରମପଦଲୀନଃ ପ୍ରଭଵତି ॥ ୧୭॥

ତ୍ରିପଞ୍ଚାରେ ପୀଠେ ଶଵଶିଵହୃଦି ସ୍ମେରଵଦନାଂ

ମହାକାଲେନୋଚ୍ଚୈର୍ମଦନରସଲାଵଣ୍ୟନିରତାମ୍ ।

ସମାସକ୍ତୋ ନକ୍ତଂ ସ୍ଵୟମପି ରତାନନ୍ଦନିରତୋ ଜନୋ ୟୋ ଧ୍ୟାୟେତ୍ତ୍ଵାମୟି

ଜନନି ସ ସ୍ୟାତ୍ ସ୍ମରହରଃ ॥ ୧୮॥

ସଲୋମାସ୍ଥି ସ୍ଵୈରଂ ପଲଲମପି ମାର୍ଜାରମସିତେ ପରଂ ଚୋଷ୍ଟ୍ତ୍ରଂ

ମୈଶଂ

ନରମହିଷୟୋଶ୍ଛାଗମପି ଵା ।

ବଲିମ୍ ତେ ପୂଜାୟାମୟି ଵିତରତାଂ ମର୍ତ୍ୟଵସତାଂ ସତାଂ ସିଦ୍ଧିଃ

ସର୍ଵା

ପ୍ରତିପଦମପୂର୍ଵା ପ୍ରଭଵତି ॥ ୧୯॥

ଵଶୀ ଲକ୍ଷଂ ମନ୍ତ୍ରଂ ପ୍ରଜପତି ହଵିଷ୍ୟାଶନରତୋ ଦିଵା

ମାତର୍ୟୁଷ୍ମଚ୍ଚରଣୟୁଗଲଧ୍ୟାନନିପୁଣଃ ।

ପରଂ ନକ୍ତଂ ନଗ୍ନୋ ନିଧୁଵନଵିନୋଦେନ ଚ ମନୁଂ ଜପେଲ୍ଲକ୍ଷଂ ସ ସ୍ୟାତ୍

ସ୍ମରହରସମାନଃ କ୍ଷିତିତଲେ ॥ ୨୦॥

ଇଦଂ ସ୍ତୋତ୍ରଂ ମାତସ୍ତଵ ମନୁସମୁଦ୍ଧାରଣଜନୁଃ ସ୍ଵରୂପାଖ୍ୟଂ

ପାଦାମ୍ବୁଜୟୁଗଲପୂଜାଵିଧିୟୁତମ୍ ।

ନିଶାର୍ଧଂ ଵା ପୂଜାସମୟମଧି ଵା ୟସ୍ତୁ ପଠତି ପ୍ରଲାପସ୍ତସ୍ୟାପି

ପ୍ରସରତି କଵିତ୍ଵାମୃତରସଃ ॥ ୨୧॥

କୁରଙ୍ଗାକ୍ଷୀଵୃନ୍ଦଂ ତମନୁସରତି ପ୍ରେମତରଲଂ ଵଶସ୍ତସ୍ୟ କ୍ଷୋଣୀପତିରପି

କୁବେରପ୍ରତିନିଧିଃ ।

ରିପୁଃ କାରାଗାରଂ କଲୟତି ଚ ତଂ କେଲିକଲୟା ଚିରଂ ଜୀଵନ୍ମୁକ୍ତଃ

ପ୍ରଭଵତି ସ ଭକ୍ତଃ ପ୍ରତିଜନୁଃ ॥ ୨୨॥

ଇତି ଶ୍ରୀମନ୍ମହାକାଲିଵିରଚିତଂ ଶ୍ରୀମଦ୍ଦକ୍ଷିଣକାଲିକାୟାଃ

ସ୍ଵରୂପାଖ୍ୟଂ ସ୍ତୋତ୍ରଂ ସମାପ୍ତମ୍