ଜୁହାର୍.... 🙏

ପଶ୍ଚିମ ଓଡିଶାର ଆରାଧ୍ୟା ଦେବୀ ମା ସମଲେଶ୍ବରୀ ସେ ମା ଜଗତଜନନୀ କରୁଣାମୟୀ ଦୁର୍ଗତିନାସିନୀ ମାଆଙ୍କର କରୁଣା ମିଳିଲେ ସଂସାରର ସବୁ ଦୁଃଖ ଦୂର ହୁଏ ବୋଲି ବିଶ୍ୱାସ ରହିଥାଏ। ସେଥିପାଇଁ ବହୁ ଦୂରଦୂରାନ୍ତରୁ ମାଆଙ୍କ ପାଖକୁ ପାଖକୁ ଛୁଟି ଆସିଥାନ୍ତି ଅନେକ ଭକ୍ତ।

କିମ୍ବଦନ୍ତୀ କୁହେ... ଯେତେବେଳେ ମହୀରାବଣ ଶ୍ରୀରାମ ଲକ୍ଷ୍ମଣ ଙ୍କୁ ଲଙ୍କାଗଡ଼ର ଅଧିଷ୍ଠାତ୍ରୀ ଦେବୀ ଲଙ୍କେଶ୍ୱରୀଙ୍କ ନିକଟ କୁ ବଳିଦେବାକୁ ଆଣିଥିଲେ । ପ୍ରଭୁ ଙ୍କୁ ଖୋଜି ଖୋଜି ପରମ ଭକ୍ତ ହନୁମାନ ମଧ୍ଯ ଉକ୍ତ ସ୍ଥାନରେ ପହଞ୍ଚି ଥିଲେ ଏବଂ ମହାବୀର ହନୁମାନ କୌଶଳକ୍ରମେ ଲଙ୍କେଶ୍ୱରୀ ଦେବୀଙ୍କୁ ପରାହତ ଓ ମହୀରାବଣଙ୍କୁ ଅସ୍ତ୍ରାଘାତ କରି ରାମଲକ୍ଷ୍ମଣଙ୍କୁ ଉଦ୍ଧାର କରିଥିଲେ । ଏହି ଅପମାନ ରେ ଅସହ୍ୟ ହୋଇ ଦେବୀ ଲଙ୍କେଶ୍ୱରୀ ଲଙ୍କାଗଡ଼ ଛାଡ଼ି ଓଡ଼ିଶାର ପାଟଣାଗଡରେ ସମଲେଶ୍ବରୀ ନାମ ଧାରଣ କରି ଅବସ୍ଥାନ କଲେ ।

ଲୋକକଥା ଅନୁସାରେ.. ପୂର୍ବରୁ ସମ୍ବଲପୁର ପାଟଣା ନାମରେ ନାମିତ ଥିଲା। ସେହି ସମୟରେ ପାଟଣା ଗଡ଼ ରାଜାଙ୍କର ଦୁଇ ପୁଅ ଥିଲେ ନରସିଂହ ଦେବ ବଲରାମ ଦେବ। ପାଟଣାଗଡ଼ ରାଜାଙ୍କର ମୃତ୍ୟୁରେ ରାଜ୍ୟ ଦୁଇ ଭାଗ ହୋଇଗଲା।ରାଜ୍ୟ ବିଭାଜନ ପରେ ବଳରାମ ଦେବ ତାଙ୍କ ରାଜ୍ଯ ହୁମାରେ ତାଙ୍କ ପ୍ରଜାମାନଙ୍କ ସହ ସୁଖରେ କାଳାତିପାତ କଲେ।

ଏକ ଦିନକର ଘଟଣା ହୁମା ରାଜ୍ୟରେ ଜଣେ ଶବର ପିଲା ଛାଲୁ ତାର ପତ୍ନୀକୁ ନେଇ ଜଙ୍ଗଲରେ କେନ୍ଦୁ ତୋଳିବାକୁ ଯାଇ ଥିଲା। ଖରା ଅଧିକ ଉତ୍ତପ୍ତ କାରଣରୁ ଛାଲୁ ର ମୁଣ୍ଡ ଘୂରାଇଲା ଏବଂ ସେ ଗଛ ରୁ ତଳକୁ ଖସିପଡ଼ିଲା। ଛାତରୁ ତଳକୁ ଖସିପଡ଼ିଥିବା ଦେଖି ତା ପତ୍ନୀ କାନ୍ଦିବାକୁ ଲାଗିଲା ଏବଂ ଦୌଡ଼ି ଯାଇ ପାଖରେ ଥିବା ନଦୀ କୂଳର ଜଳ ରାଶିରେ ତାର ଶାଢୀର ପଣତ କାନକୁ ଭିଜେଇ ଦେଲା ଏବଂ ସ୍ଵାମୀ ଙ୍କ ପାଖେ ପହଞ୍ଚି ତାର ଭିଜେଇ ଥିବା କାନିକୁ ସ୍ଵାମୀ ଙ୍କ ପାଟି ରେ ଚିପୁଡ଼ି ଦେଲା ଏବଂ ତତକ୍ଷଣାତ ସ୍ୱାମୀଙ୍କ ଚେତା ଆସିଲା। ଛାଲୁ ର ସ୍ତ୍ରୀ ତାର ଇଷ୍ଟ ଦେବୀ ଙ୍କୁ ପ୍ରଣିପାତ କରି ଛାଲୁ କୁ ଘରକୁ ନେଇଆସିଲା। ସ୍ଵାମୀ ଙ୍କ ଦେହ ଖରାପ ରେ ଘର କେମିତି ଚଳିବ ଛାଲୁ ର ସ୍ତ୍ରୀ ଭାବୁଥାଏ ହଠାତ୍ ନଜର ପଡ଼ିଲା ସେ ପିନ୍ଧିଥିବା ଏଜ ରୂପା ମୁଦି ଉପରେ ସେ ରୂପା ମୁଦି କୁ ସେ ବିକିବାକୁ ବଣିଆ ପାଖକୁ ଚାଲିଗଲା। ତାର ରୂପା ମୁଦି ବିକି ଚାଉଳ କିଣି ଘରକୁ ଫେରୁଥାଏ ଦୁର୍ଭାଗ୍ଯ ବସତ ତାର ପାଦ ଖସିଗଲା ସେ ତଳେ ପଡିଗଲା ଏବଂ ଆଣିଥିବା ସବୁ ଚାଉଳ ମଧ୍ଯ ତଳେ ପଡ଼ିଗଲା। ଏ ସବୁ ଦେଖି ସେ କାନ୍ଦିବାକୁ ଲାଗିଲା। କେମିତି ତା ରୋଗୀଣା ସ୍ଵାମୀ ର ପରିପୋଷଣ କରିବ। ହଠାତ୍ ଏକ ଦେବୀ ଙ୍କର ଆବିର୍ଭାବ ହେଲା। ଦେବୀ କହିଲେ ମୁଁ ତୋ ସ୍ଵାମୀ ପ୍ରତି ଥିବା ଭକ୍ତି ରେ ପ୍ରସନ୍ନ ହେଲି ଆଜିଠୁ ତୋର ଆଉ ଗରୀବି ରହିବ ନାହିଁ।

ଦେବୀଙ୍କ ଆଶିର୍ବାଦ ପାଇ ସେ ଧନୀ ହେବା ସଙ୍ଗେ ସଙ୍ଗେ ଛାଲୁ ବି ସୁସ୍ଥ ହୋଇଗଲା।

ଗ୍ରାମବାସୀ ମାନେ ଛାଲୁ ଏତେ ଧନୀ ହେବା ଦେଖି ସହ୍ୟ କରିପାରିଲେ ନାହିଁ। ଛାଲୁ ର ସ୍ତ୍ରୀ ଚୋରି କରି ଏତେ ସମ୍ପତ୍ତି ଉପାର୍ଜନ କରିଛି ବୋଲି ରାଜା ଙ୍କୁ ଅବଗତ କରାଇଲେ।

ଏ କଥା ଶୁଣି ରାଜା ଛାଲୁ ର ପତ୍ନୀ କୁ ବନ୍ଦୀ କଲେ।

ସେଦିନ ରାତିରେ ରାଜା ଙ୍କୁ ଦେବୀଙ୍କ ସ୍ଵପ୍ନାଦେଶ ହେଲା ଏବଂ ସମ୍ମାନର ସହ ରାଜା ଛାଲୁ ର ସ୍ତ୍ରୀ କୁ ତା ଘରେ ଛାଡ଼ି ଆସିଲେ।

ସେଦିନ ଆଉ ରାଜାଙ୍କୁ ନିଦ ନଥାଏ କିଏ ସେ ଦେବୀ ଯିଏ କି ମୋ ରାଜ୍ୟରେ ଏମିତି ଅଲୌକିକତା କରୁଛନ୍ତି। ପ୍ରାତଃ ରାଜା ତାଙ୍କର ସେନା ଧରି ସେ ଦେବୀଙ୍କୁ ଖୋଜିବା ନିମନ୍ତେ ରାଜ୍ୟ ଭ୍ରମଣ କରନ୍ତି ଏବଂ କିଛି ସମୟର ଭ୍ରମଣ ପରେ ସେ ବିଶ୍ରାମ ନେବା ସମୟରେ ଦେବୀ ତାଙ୍କ ସ୍ଵପ୍ନରେ ଆସନ୍ତି ଏବଂ ତାଙ୍କ ର ଏଠାରେ ଆବିର୍ଭାବ କଥା କୁହନ୍ତି।

ଦେବୀ ଙ୍କ ଠାରୁ ରାଜା ଜାଣିବାକୁ ପାଆନ୍ତି କି ସେ ଦେବୀ ଆଉ କେହି ନୁହଁ ସ୍ଵୟଂ ମାତା ପାର୍ବତୀ। ଥରେ ମାତା ପାର୍ବତୀ ଏବଂ ଶିବ ସ୍ଵର୍ଗ ଲୋକ ଭ୍ରମଣରେ ଯାଆନ୍ତି। ସ୍ଵର୍ଗ ଲୋକରେ ଇନ୍ଦ୍ର ଦେବ ଙ୍କ ପତ୍ନୀ ମାତାଙ୍କ ମଥାରେ ପାରିଜାତ ଫୁଲ ଖୋସି ତାଙ୍କୁ ସ୍ୱାଗତ କରନ୍ତି। ସ୍ଵର୍ଗ ରୁ ଫେରୁଥିବା ବାଟରେ ମା ପାର୍ବତୀ କୁହନ୍ତି ସ୍ଵର୍ଗ ଲୋକରେ ମୋର ସ୍ଵାଗତ ସତ୍କାର ଦେଖିଲେ ତ ପ୍ରଭୁ ଆପଣ ଙ୍କ ଠାରୁ ସେଠି ମୋର ପ୍ରାଧାନ୍ୟ ଥିଲା। ଏ କଥାରେ ଜଟାଧାରୀ ଶିବ କ୍ରୋଧିତ ହୁଅନ୍ତି ଏବଂ ତାଙ୍କ ମଥାରୁ ଜଟା ଓପାଡ଼ି ପୃଥିବୀ ପୃଷ୍ଠରେ ନିକ୍ଷେପ କରନ୍ତି ଯେଉଁ ଆଠଟି ସ୍ଥାନ ରେ ତାଙ୍କ ଜଟ ପଡେ ସେ ଶିବ ଲିଙ୍ଗରେ ପରିବର୍ତ୍ତନ ହୋଇଯାଏ ଏବଂ ପାର୍ବତୀ ମଧ୍ଯ ତାଙ୍କ ମଥାରେ ଖୋସା ହୋଇଥିବା ପାରିଜାତ ଫୁଲ କ୍ଷେପଣ କରନ୍ତି ସେ ଫୁଲ ବି ସାତ ଗୋଟି ଦେବୀ ପିଠରେ ପରିଣତ ହୋଇଯାଏ ସେଥି ମଧ୍ୟରୁ ମାଆ ସମଲେଶ୍ୱରୀ ଜଣେ। ରାଜା ଯେବେ ମା ଙ୍କୁ ଠାବ କରିଥିଲେ ମା ଏକ ଶିମିଳି ଗଛ ମୂଳେ ଆବିର୍ଭାବ ହୋଇଥିଲେ ଶିମିଳି ଗଛ ଅନୁସାରେ ମା ସମଲେଇ ବା ସମଲେଶ୍ଵରୀ ନାମରେ ସାରା ରାଜ୍ୟରେ ପ୍ରସିଦ୍ଧ ହେଲେ।

ଏହିପରି ଭାବେ ମା ସମଲେଶ୍ବରୀ ଙ୍କ ଆବିର୍ଭାବ ସମ୍ବଲପୁର ରେ ହୋଇଥିଲା,ତାଙ୍କ ନାମ ଅନୁସାରେ ସେ ସ୍ଥାନ ର ନାମ ସମ୍ବଲପୁର ହେଇଥିଲା

ପର୍ବପର୍ବାଣୀ

ମା ଦେବୀ ପାର୍ବତୀ ଙ୍କ ଅଂଶ ହୋଇଥିବାରୁ ଏଠାରେ ଦୂର୍ଗା ପୂଜା, ପଣା ସଂକ୍ରାନ୍ତି, ମକର ସଂକ୍ରାନ୍ତି, କାଳିପୂଜା ଆଡମ୍ବର ସହକାରେ ପାଳନ କରାଯାଏ ଏତତ୍ ବ୍ୟତୀତ ନୂଆଖାଇ ପର୍ବ ଏଠାକାର ବିଶେଷ ଆକର୍ଷଣ।

ବେଶ

ମା ସବୁଦିନ ସିନ୍ଦୁର ମଣ୍ଡିତା ବେଶ ହୋଇ ଭକ୍ତ ମାନଙ୍କୁ ଦର୍ଶନ ଦିଅନ୍ତି। କିନ୍ତୁ ମହାଳୟା ଦିନ ମାଙ୍କୁ ଶ୍ୱେତ ରୂପରେ ସଜ୍ଜିତ କରାଯାଇଥାଏ । ମା’ଙ୍କର ଏହି ନିଆରା ବାର୍ଷିକ ରୂପକୁ ଧବଳମୁଖୀ ବେଶ ବା ଗଙ୍ଗା ଦର୍ଶନ ବେଶ କୁହାଯାଏ। ଦେବୀଙ୍କ ଏହି ରୂପ ଦର୍ଶନରେ ଗଙ୍ଗାଦର୍ଶନର ପୂଣ୍ୟ ଲାଭ ହେଉଥିବା ବିଶ୍ୱାସ କରାଯାଏ ।

ଉପସ୍ଥାପନା - ଇଂ. ସଂଗ୍ରାମ କେଶରୀ ମିଶ୍ର

ନରସିଂହପୁର, ଧୁଷୁରୀ, ଭଦ୍ରକ

ଯୋଗାଯୋଗ - 8984136323

ମା ସମଲେଶ୍ଵରୀ ମନ୍ଦିର

*Odisha Tourism | Samaleswari Temple |