ଦୈନନ୍ଦିନ ଜୀବନରେ ମନୁଷ୍ଯ ଏକ ଏପରି ପ୍ରାଣୀ ଯିଏକି ସର୍ବଦା ନିଜର ବ୍ୟକ୍ତିଗତ ଉନ୍ନତି ତଥା ସମାଜର କିଛି ଉନ୍ନତି କରିବା ନିମନ୍ତେ ବ୍ୟସ୍ତ ରହୁଛି।ବ୍ୟସ୍ତତା ମଧ୍ୟରୁ ଯେତେବେଳେ ମୁକ୍ତ ହୁଅନ୍ତି ସମସ୍ତ କାର୍ଯ୍ୟରତ ବ୍ଯକ୍ତିମାନେ ମନୋରଞ୍ଜନ ପାଇଁ କିଛି ପଦ୍ଧତିକୁ ଆପଣାଇ ନେଉଛନ୍ତି ।ପ୍ରତ୍ୟେକ ପଦ୍ଧତି ମଧ୍ୟରୁ ଚଳଚ୍ଚିତ୍ର କୁ ଦେଖିବା ଏବଂ ତାର ପ୍ରତ୍ୟେକ ଅଂଶକୁ ଉପଭୋଗ କରିବା ଏକ ପ୍ରକାର ଆନନ୍ଦଦାୟକ ଥାଏ। ତେଣୁ ଚଳଚ୍ଚିତ୍ର ଦେଖିବା ପ୍ରତ୍ୟେକ ମନୋରଞ୍ଜନଠାରୁ ଅନ୍ୟତମ।

ଓଡିଶା ଫିଲ୍ମ ଶିଳ୍ପରେ ସମସ୍ତଙ୍କ ମନ ପସନ୍ଦ ମୁତାବକ ଚଳଚ୍ଚିତ୍ର ପ୍ରସ୍ତୁତ କରାଯାଉଛି ଯାହା ହୃଦୟସ୍ପର୍ଶୀ ହୋଇ ପାରୁଛି କିନ୍ତୁ କିଛି ଲୋକମାନେ ଓଡିଶା ଫିଲ୍ମ ଶିଳ୍ପଦ୍ଵାରା ପ୍ରସ୍ତୁତ ହୋଉଥିବା ଚଳଚ୍ଚିତ୍ରକୁ ଦେଖିବାକୁ ପସନ୍ଦ କରୁ ନାହାଁନ୍ତି ଯାହା ଓଡ଼ିଆ ଫିଲ୍ମ ଶିଳ୍ପ ପ୍ରତି ଏବଂ ଓଡ଼ିଆ ଜାତି ପ୍ରତି ଅସମ୍ମାନ ପ୍ରଦର୍ଶନ କରୁଛି।ଏପରି ହେବାର କାରଣ ହଉଛି ଓଡ଼ିଆ ଫିଲ୍ମ ଶିଳ୍ପ ଅନ୍ୟଭାଷାରେ ତଥା ହିନ୍ଦୀ, ବଙ୍ଗଳା, ତେଲୁଗୁ ଭାଷାରେ ପ୍ରସ୍ତୁତ ହୋଇଥିବା ଚଳଚିତ୍ର କୁ ଅନୁସରଣ କରି ଓଡ଼ିଆ ରେ ଚଳଚିତ୍ର ପ୍ରସ୍ତୁତ କରାଯାଉଛି।ଏପରି କରିବା ଦ୍ୱାରା ଓଡିଶା ଏବଂ ଓଡ଼ିଆ ଜାତି ପ୍ରତି ଅସମ୍ମାନ ଭାବ ପ୍ରଦର୍ଶିତ ହେଉଛି

ଓଡ଼ିଆ ଫିଲ୍ମ ଶିଳ୍ପରେ ଚଳଚ୍ଚିତ୍ରଗୁଡିକୁ ପ୍ରସ୍ତୁତ କରିବାରେ ନିର୍ଦ୍ଦେଶକ,ପ୍ରଯୋଜକଙ୍କ ଭୂମିକା ଗୁରୁତ୍ବପୂର୍ଣ୍ଣ ରହିଛି କାରଣ ସେମାନଙ୍କ ନିକଟରେ ଚଳଚ୍ଚିତ୍ର ପ୍ରସ୍ତୁତ କରିବାରେ ପୂର୍ଣ୍ଣ ସାମର୍ଥ୍ୟ ରହିଚି।କିନ୍ତୁ ସେମାନେ ନିଜର ସାମର୍ଥ୍ୟ ଅଛି ବୋଲି ଭୁଲି ଯାଉଛନ୍ତି ଏବଂ ଅନ୍ୟ ଭାଷାରେ ଥିବା ଚଳଚ୍ଚିତ୍ର କୁ ଅନୁସରଣ କରି ଓଡ଼ିଆ ଚଳଚ୍ଚିତ୍ର ପ୍ରସ୍ତୁତ କରୁଛନ୍ତି।ସେମାନେ ଚଳଚ୍ଚିତ୍ର ପ୍ରସ୍ତୁତ କରିବା ପୂର୍ବରୁ ମନ ରଖିବା ଉଚିତ୍ ଯେ ଆମେ ହେଲୁ ଓଡ଼ିଆ ଓଡିଶାବାସୀ ଆମ ପାଇଁ ଆମ ମାତୃଭାଷା ଓ ଜନ୍ମଭୂମି ର ଉନ୍ନତି ସାଧନା କରିବା ମୁଖ୍ୟ ଅଟେ ।ଆମ ଓଡ଼ିଆ ଜାତି କୋଉ ଗୁଣରେ ବି ଅନ୍ୟ ଜାତିଠାରୁ କମ୍ ନୁହେ ତେବେ ଓଡ଼ିଆ ଚଳଚ୍ଚିତ୍ର କୁ ଆମର ଜ୍ଞାନ,ବୁଦ୍ଧି, କୌଶଳ ଏବଂ ଭାଷାକୁ ପ୍ରୟୋଗ କରି ପ୍ରସ୍ତୁତ କରିବାରେ ପଛଘୁଞ୍ଚା କଣ ପାଇଁ?

ଓଡ଼ିଆ ଫିଲ୍ମ ଶିଳ୍ପ ଯଦିଓ ବାରମ୍ବାର ଅନ୍ୟଭାଷାରେ ପ୍ରସ୍ତୁତ ଚଳଚ୍ଚିତ୍ରକୁ ଅନୁସରଣ କରି ଓଡ଼ିଆ ଚଳଚ୍ଚିତ୍ର ପ୍ରସ୍ତୁତ କରିବ ତେବେ ଏହା ସମଗ୍ର ଓଡ଼ିଆ ଜାତି ପାଇଁ ଲଜ୍ଜାଜନକ ବାର୍ତ୍ତା କାରଣ ପୂର୍ବରୁ ଆମ ରାଜ୍ୟ ଓଡ଼ିଶାରେ ଅନେକ ମହାନପୁରୁଷ ଜନ୍ମ ଗ୍ରହଣ କରିଥିଲେ ଯେଉଁମାନେ କି ଓଡିଶା, ଓଡ଼ିଆ ଭାଷା ଏବଂ ଓଡ଼ିଆ ଜାତି କିପରି ଭାବରେ ଉନ୍ନତି ସାଧନା କରିବ ସେଥିପାଇଁ ସର୍ବଦା ଚେଷ୍ଟିତ ଥିଲେ ଏବଂ ସର୍ବଦା ଉଦବୋଧନ ଦେଉଥିଲେ ସମସ୍ତ କବିଙ୍କ ମଧ୍ୟରୁ ସ୍ଵଭାବ କବି ଗଙ୍ଗାଧର ମେହେର ଅନ୍ୟତମ ଥିଲେ ଏବଂ ସେ ଗୋଟିଏ ପଦରେ ସମଗ୍ର ଓଡ଼ିଆ ଜାତିକୁ ଉଦବୋଧିତ କରିଥିଲେ

"ଉଚ୍ଚ ହେବା ପାଇଁ କର ଯେବେ ଆଶା

ଉଚ୍ଚ କର ଆଗେ ନିଜ ମାତୃଭାଷା "

ଅର୍ଥାତ୍ ଆମେ ଯେତେବେଳେ ଅଗ୍ରସର ହେବା ପାଇଁ ମନରେ ଆଶା ବାନ୍ଧିବା ସେତେବେଳେ ଆମ ମାତୃଭାଷାକୁ ଦୃଢ଼ କରିବାକୁ ପଡିବ। ମାତୃଭାଷା ସହିତ ଫିଲ୍ମ ଶିଳ୍ପର ଏପରି ନିବିଡ଼ ସମ୍ପର୍କ ରହିଛି।

ଫିଲ୍ମ ଶିଳ୍ପ କେବଳ ନୃତ୍ୟ,ସଙ୍ଗୀତ,ହାସ୍ୟ ପରିପୂର୍ଣ୍ଣ ଥିବା ଚଳଚ୍ଚିତ୍ର ପ୍ରସ୍ତୁତ କଲେ ତାହା ନିରର୍ଥକ। ଚଳଚିତ୍ର ଏପରି ହେବା ଦରକାର ଯାହା ମନୋରଞ୍ଜନ ସହିତ ସମାଜକୁ କିଛି ସୁଶିକ୍ଷା ପ୍ରଦାନ କରୁଥିବ ଯେପରିକି ସମସ୍ତଙ୍କର ହିତ ସାଧନା ହୋଇ ପାରିବ ଏବଂ ଏବଂ ପ୍ରତ୍ୟକ କ୍ଷେତ୍ରରେ ସାହାଯ୍ୟ କରୁଥିବ।

ଓଡ଼ିଶାରେ ବିଭିନ୍ନ ପ୍ରକାରର ଲୋକ ବାସ କରନ୍ତି ଏବଂ ସମସ୍ତଙ୍କର ଖାଦ୍ୟ, ପେୟ, ପୋଷାକ, ଭାଷା ସମାନ ନୁହେ ।କିଛି କିଛି ଆଦିବାସୀ ଲୋକମାନେ ଏଥିରେ ଅନ୍ତର୍ଭୁକ୍ତ ଯାହା ବିଷୟରେ ସାଧାରଣ ଲୋକମାନେ ତଥ୍ଯ ପାଇ ପାରନ୍ତିନି ସେମାନଙ୍କୁ ଯଦିଓ ଲୋକ ଲୋଚନକୁ ଆଣିବା ପାଇଁ ସେମାନଙ୍କ ଉପରେ ଆଧାରିତ କରି ଚଳଚିତ୍ର ପ୍ରସ୍ତୁତ କରାଯାଏ ତେବେ ସେଥିରୁ ପ୍ରାୟତଃ ଲୋକମାନେ କିଛି ଜାଣିବାକୁ ପାଇବେ।ଅତୀତ ରେ ଘଟିଥିବା ପ୍ରତ୍ୟକ ଘଟଣା,ଦୁର୍ଘଟଣା ଏବଂ ସଚେତନତାକୁ କୁ ଚଳଚିତ୍ର ଭାବରେ ପ୍ରସାରଣ କରାଗଲେ କିଛି ସେଥିରୁ ଶିକ୍ଷା ମିଳିପାରେ।

ପ୍ରତ୍ୟେକ କ୍ଷେତ୍ରରେ କେହି ନା କେହି ପରାଜୟ ହୋଇ ନିରୁତ୍ସାହିତ ହଉଛନ୍ତି ଓ ସେମାନଙ୍କର ମନୋବଳ ଭାଙ୍ଗିଯାଉଛି ସେମାନଙ୍କୁ ଉତ୍ସାହିତ କଲା ପରି କିଛି ଚଳଚିତ୍ର ପ୍ରସ୍ତୁତ କରାଗଲେ ସେମାନେ ନିଜର ବ୍ୟକ୍ତିଗତ ଓ ସମାଜର ଉନ୍ନତି କରିବେ ଏପରି କରିବା ଦ୍ୱାରା ଆମ ରାଜ୍ୟର ଉନ୍ନତି ହେବ।ଓଡ଼ିଆ ଫିଲ୍ମ ଶିଳ୍ପରେ ମନୋରଞ୍ଜନ ସହିତ ଉତ୍ସାହିତ ଭରା ଦିଗରେ ପ୍ରସ୍ତୁତ କଲେ ଅଗ୍ରସର ହେବ । ବର୍ତ୍ତମାନର ଅବସ୍ଥା ଅପେକ୍ଷା ସମାଜକୁ କିଛି ସୁଶିକ୍ଷା ମିଳି ପାରିବ ଯଦିଓ ଏହି ସବୁକୁ ଅବଲମ୍ବନ କରାଯିବ

ନାମ-:ନମିତା ଜାନୀ,ନୟାଗଡ଼

ଓଡ଼ିଆ ଫିଲ୍ମ ଶିଳ୍ପର ଆଜିର ଅବସ୍ଥା ଏବଂ କେଉଁ ଦିଗରେ ଅଗ୍ରସର ହେବା ଆବଶ୍ୟକ

ଫିଲ୍ମ ଶିଳ୍ପ ଏବଂ ଆଜିର ଅବସ୍ଥା