ସଂଘର୍ଷ

ସଭିଙ୍କ ଜୀବନେ ନିଶ୍ଚୟ ଆସଇ,

ଅଳପ ବହୁତ ହୋଇ,

ତାକୁ ଆପଣେଇ ଲଢ଼ିବାକୁ ଶିଖ,

ସଂଘର୍ଷ ସେତ ଅଟଇ।

ଜୀବନର ଚଲାପଥେ ସହଚରୀ

ହୋଇ ସଦାଚାଲିଥାଏ,

ଉତ୍ତାଳ ତରଙ୍ଗ ପରି ମାଡି ଆସେ,

ସବୁତା କବଳେ ଥାଏ।

ସଂଘର୍ଷ ନାମରେ ସଭିଏଁ ଜାଣନ୍ତି

ସବୁରି ଜୀବନେ ଆସେ,

କଳା ବାଦଲ ସମ ଜୀବନ ପଥେ,

ଡେଣାଟି ମେଲାଇ ବସେ।

ଯେତେବି ଦୁର୍ଗମ ହେଉ ଚଲାପଥ,

ହୁଅନା ଦୁର୍ବଳ ମନା,

ଆସୁ ପଛେଅମା ଅନ୍ଧାର ଜୀବନେ

ଲଢ଼ିବାକୁ ତୁ ଡରନା।

କାନ୍ଦିବା ପରେ ନିଜକୁ ବୁଝାଇ ଦେ,

କଣ୍ଟକିତ ପଥପରେ

ଚାଲିବାଟା ସେତେ କଷ୍ଟ ଦିଏ ନାହିଁ

ଯେତିକି ମନଟି ମରେ।

ଦୁର୍ବଳ ମନଟି ସଦା ହାରିଯାଏ,

ପଛଘୁଞ୍ଚା ଦେଇଦେଇ,

ସଂଘର୍ଷ କରିବା ଜୀବନ ଜିଇବା

ବହୁ କଷ୍ଟ ହୋଇଥାଇ।

ତଥାପି ହାରିବା ବାଛିବୁ ନାହିଁ ତୁ

ଜୀବନର ଚଲାପଥେ,

ସବୁ ସଂଘର୍ଷର ପ୍ରତି ପାହାଚରେ,

କେହି ଜଣେ ଅଛି ସାଥେ।

ନିଜ ମନୋବଳ ସୁଦୃଢ଼ କରିବୁ

ଲଢ଼ିବାକୁ ତୋତେ ଅଛି,

ବିଜୟ ବୈଜୟନ୍ତୀ ଉଡ଼ାଇବୁ ତୁ

ଏକା ଚାଲିବାକୁ ବାଛି।

ସାଧାରଣ ମଣିଷକୁ ଉଚ୍ଚତର

କରେଏହି ସଂଘର୍ଷଟି,

ତାବିନା ଜୀବନ ଅସାର ଲାଗଇ

ସତେ କାଦୁଅମେଞ୍ଚାଟି।

ପ୍ରହାର ସହିଲେ ଅଳଙ୍କାର ହୁଏ,

ସୁବର୍ଣ୍ଣ ଧାତୁଟି ପୁଣ,

ସବୁରି ପ୍ରିୟ ହୁଏ ଆଦର ସେପାଏ

ସେକଥା କିତୁନଜାଣ।

ସଂଘର୍ଷ ଜୀବନେ ନିଶ୍ଚୟ ଆସଇ

ଅଳପ ବହୁତ ହୋଇ,

ତାକୁ ଆପଣେଇ ଲଢ଼ିବାକୁ ଶିଖ,

ସଂଘର୍ଷ ସେତ ଅଟଇ—

ସଂଘର୍ଷ ସେତ ଅଟଇ।

ଲିଳା ମୟୀ ଦାଶ

କେନ୍ଦ୍ରାପଡ଼ା

odia kabita sangharas

ସଂଘର୍ଷ