।। ସର୍ଵ ରହସ୍ୟମୟ ଶ୍ରୀମନ୍ଦିରରେ ମା ଭୁବନେଶ୍ୱରୀଙ୍କ ମନ୍ଦିରରେ ବିରାଜିତ ମା ସରସ୍ବତୀ ।।

👉 ସ୍ୱୟଂ ଭଗବାନ ବିଷ୍ଣୁ ଙ୍କ ଶ୍ରୀମୁଖରୁ ମା ସରସ୍ବତୀ ଙ୍କ ଜନ୍ମ, ତେଣୁ ସେ ବାକ ଦେବୀ ତଥା ବିଦ୍ୟାର ଦେବୀ ହିସାବରେ ପୂଜିତ ହେଉଛନ୍ତି ।

👉 ମା ଭୁବନେଶ୍ୱରୀ ମନ୍ଦିରର ନାଟ ମଣ୍ଡପ ବାମ ପାର୍ଶ୍ୱରେ କାନ୍ଥକୁ ଲାଗି ଏକ ସ୍ୱତନ୍ତ୍ର କ୍ଷୁଦ୍ର ମନ୍ଦିର ମଧ୍ୟରେ ମା ସରସ୍ବତୀ ହଂସ ବlହନ ଉପରେ ବିରାଜିତ ହୋଇଛନ୍ତି।

👉 ପ୍ରାୟ ଏକ ଫୁଟ ଉଚ୍ଚତା ରେ ମା ସରସ୍ବତୀ ବିରାଜିତ

👉 ମା ସରସ୍ବତୀ ଦୁଇ ଭୁଜା ଅଟନ୍ତି । ମା ଦୁଇ ହସ୍ତରେ ବୀଣା ଧାରଣ କରିଛନ୍ତି।

👉 ଦେବୀ ସରସ୍ବତୀ ପୂର୍ବାଭିମୁଖୀ ହୋଇ ବିରାଜମାନ କରିଛନ୍ତି

👉 ଦେବୀ ସରସ୍ବତୀଙ୍କ ଡାହାଣ ପାର୍ଶ୍ଵରେ ଏକ ଫୁଟ ଉଚ୍ଚତା ବିଶିଷ୍ଟ ନୃସିଂହ ମୂର୍ତ୍ତି ବିରାଜିତ ଅଛନ୍ତି।

👉 ମା ସରସ୍ବତୀ ଙ୍କ ଦୈନିକ ପୂଜା ନୀତି ପ୍ରତିହାରୀ, ଖୁଣ୍ଟିଆ ଓ ପଣ୍ଡା ସେବକ ମାନଙ୍କ ଉପରେ ନ୍ୟସ୍ତ ହୋଇଛି । ଶ୍ରୀମନ୍ଦିର ସତ୍ୱଲିପି ଅନୁଯାୟୀ ସେବା ବେଢା ପତ୍ରରେ ଥିବା ସମସ୍ତ ସେବାୟତଙ୍କ ବଂଶଧରମାନେ ବର୍ତ୍ତମାନ ସେବା କରୁଛନ୍ତି। ଅବଶ୍ୟ କେତେକ ନିରଂଶ, ସେବାପାଳି ହସ୍ତାନ୍ତର ତଥା ବିକ୍ରୟ କାରଣରୁ ଅନ୍ୟ ସେବକ ଏହି ପାଳି କରୁଛନ୍ତି।

👉 ମା ସରସ୍ବତୀଙ୍କ ଦୈନିକ ନୀତି ହିସାବରେ ମଜଣା, ସ୍ନାନ, ବେଶ, ବଲ୍ଳଭ ଭୋଗ, ସକାଳ ଧୂପରେ ଖେଚୁଡ଼ି ଭୋଗ ବ୍ୟତୀତ କୋଠ ରୁ ଦୁଇଟି ମାଠପୁଳି ଆସିଥାଏ।

👉 ପ୍ରତିଦିନ ପ୍ରଭୂ ଶ୍ରୀଜଗନ୍ନାଥଙ୍କ ଫୁଲ ମାଳ ଆସି ମା ସରସ୍ବତୀଙ୍କୁ ଲାଗି କରାଯାଏ।

👉 ଧୂପର ଖେଚୁଡ଼ି ଭୋଗ ମଧ୍ୟ ପ୍ରଭୂ ଙ୍କ ନିକଟରୁ ଆସି ସମର୍ପଣ କରାଯାଏ ।

👉 ମାଘ ମାସ ଶୁକ୍ଳ ପକ୍ଷ ପଞ୍ଚମୀ, ଯାହାକି ବସନ୍ତ ପଞ୍ଚମୀ ବା ଶ୍ରୀପଞ୍ଚମୀ ଭାବରେ କଥିତ ହୁଏ। ସେହି ଦିନ ଏଠାରେ ସ୍ୱତନ୍ତ୍ର ପୂଜା ଅନୁଷ୍ଠିତ ହୋଇଥାଏ।

👉 ମାଘ ମାସ ଶୁକ୍ଳ ପକ୍ଷ ପଞ୍ଚମୀ, ଯାହାକି ବସନ୍ତ ପଞ୍ଚମୀ ବା ଶ୍ରୀପଞ୍ଚମୀ ଦିନ ଦେଉଳ କରଣ ଓ ତଡଉ କରଣମାନଙ୍କର ଦାୟିତ୍ୱରେ ଥିବା ସମସ୍ତ ତାଳପତ୍ର ରଚିତ ମାଦଳା ପଞ୍ଜିକା ଅଣାଯାଇ ମା ସରସ୍ବତୀଙ୍କ ସମୀପରେ ଭଦ୍ରାସନ (ମୁଲିଆ ସୁଆଁଶିଆ ପ୍ରଦତ୍ତ )ଉପରେ ଲୌହ ଲେଖନୀ ସହ ରଖି ସ୍ୱତନ୍ତ୍ର ପୂଜା କରାଯାଏ। ଏହି ଦିନ ମା ସରସ୍ବତୀଙ୍କର ସନ୍ଧ୍ୟା ଧୂପ ପରେ ପ୍ରଶାସନ ତରଫରୁ ଯୋଗାଇ ଦିଆଯାଇଥିବା ୨୨ ଗୋଟି ନଡ଼ିଆ ଭଙ୍ଗାଯାଏ। ଏହା ବ୍ୟତୀତ ପଞ୍ଚ ଉପଚାରରେ ଶୀତଳ ଭୋଗ ଲାଗି ଓ ବନ୍ଦାପନା ନୀତି ଅନୁଷ୍ଠିତ ହୁଏ।

।। ସର୍ଵ ରହସ୍ୟମୟ ଶ୍ରୀମନ୍ଦିରରେ ମା ଭୁବନେଶ୍ୱରୀଙ୍କ ମନ୍ଦିରରେ ବିରାଜିତ ମା ସରସ୍ବତୀ ||

।। ସର୍ଵ ରହସ୍ୟମୟ ଶ୍ରୀମନ୍ଦିରରେ ମା ଭୁବନେଶ୍ୱରୀଙ୍କ ମନ୍ଦିରରେ ବିରାଜିତ ମା ସରସ୍ବତୀ ।।