ଓଁ

ଜୟନ୍ତି ମଙ୍ଗଳକାଳୀ ଭଦ୍ରକାଳୀ କପାଳିନୀ ।

ଦୁର୍ଗା କ୍ଷମା ଶିବା ଧାତ୍ରୀ ସ୍ଵାହା ସ୍ଵଧା ନମୋସ୍ତୁତେ ।।

ଜୟ ମା' କାଳି !

ମା ଜଗଦମ୍ବା ସମ୍ପୂର୍ଣ୍ଣ ବିଶ୍ଵର ଅଧିଷ୍ଠାତ୍ରୀ ଦେବୀ ।

ମହାମାୟା ଦେବୀଙ୍କର ଶକ୍ତି ଅନାଦି ଓ ଅନନ୍ତ ଅଟେ ।

ଧ୍ୟାନମ୍ ।

ଓଁ

ଗଳଦ୍ ରକ୍ତମୁଣ୍ଡାବଳୀକଣ୍ଠମାଳା

ମହୋଘୋରରାବା ସୁଦଂଷ୍ଟ୍ରା କରାଳା ।

ବିବସ୍ତ୍ରା ଶ୍ମଶାନାଳୟା ମୁକ୍ତକେଶୀ

ମହାକାଳକାମାକୁଳା କାଳିକେୟମ୍ ॥ ୧॥

ଭୁଜେବାମଯୁଗ୍ମେ ଶିରୋଽସିଂ ଦଧାନା

ବରଂ ଦକ୍ଷଯୁଗ୍ମେଽଭୟଂ ବୈ ତଥୈବ ।

ସୁମଧ୍ୟାଽପି ତୁଙ୍ଗସ୍ତନା ଭାରନମ୍ରା

ଲସଦ୍ରକ୍ତସୃକ୍କଦ୍ୱୟା ସୁସ୍ମିତାସ୍ୟା ॥ ୨॥

ଶବଦ୍ୱନ୍ଦ୍ୱକର୍ଣ୍ଣାବତଂସା ସୁକେଶୀ

ଲସତ୍ପ୍ରେତପାଣିଂ ପ୍ରଯୁକ୍ତୈକକାଞ୍ଚୀ ।

ଶବାକାରମଞ୍ଚାଧିରୂଢା ଶିବାଭିଶ୍-

ଚତୁର୍ଦ୍ଦିକ୍ଷୁଶବ୍ଦାୟମାନାଽଭିରେଜେ ॥ ୩॥

॥ ଅଥ ସ୍ତୁତିଃ ॥

ଓଁ

ବିରଞ୍ଚ୍ୟାଦିଦେବାସ୍ତ୍ରଯସ୍ତେ ଗୁଣାସ୍ତ୍ରୀନ୍

ସମାରାଧ୍ୟ କାଳୀଂ ପ୍ରଧାନା ବଭୂବୁଃ ।

ଅନାଦିଂ ସୁରାଦିଂ ମଖାଦିଂ ଭବାଦିଂ

ସ୍ୱରୂପଂ ତ୍ୱଦୀୟଂ ନ ବିନ୍ଦନ୍ତି ଦେବାଃ ॥ ୧॥

ଜଗନ୍ମୋହିନୀୟଂ ତୁ ବାଗ୍ୱାଦିନୀୟଂ

ସୁହୃତ୍ପୋଷିଣୀଶତ୍ରୁସଂହାରଣୀୟମ୍ ।

ବଚସ୍ତମ୍ଭନୀୟଂ କିମୁଚ୍ଚାଟନୀୟଂ

ସ୍ୱରୂପଂ ତ୍ୱଦୀୟଂ ନ ବିନ୍ଦନ୍ତି ଦେବାଃ ॥ ୨॥

ଇୟଂ ସ୍ୱର୍ଗଦାତ୍ରୀ ପୁନଃ କଳ୍ପବଲ୍ଲୀ

ମନୋଜାସ୍ତୁ କାମାନ୍ ଯଥାର୍ଥଂ ପ୍ରକୁର୍ଯ୍ୟାତ୍ ।

ତଥା ତେ କୃତାର୍ଥା ଭବନ୍ତୀତି ନିତ୍ୟଂ

ସ୍ୱରୂପଂ ତ୍ୱଦୀୟଂ ନ ବିନ୍ଦନ୍ତି ଦେବାଃ ॥ ୩॥

ସୁରାପାନମତ୍ତା ସୁଭକ୍ତାନୁରକ୍ତା

ଲସତ୍ପୂତଚିତ୍ତେ ସଦାବିର୍ଭବତ୍ତେ ।

ଜପଧ୍ୟାନପୂଜାସୁଧାଧୌତପଙ୍କା

ସ୍ୱରୂପଂ ତ୍ୱଦୀୟଂ ନ ବିନ୍ଦନ୍ତି ଦେବାଃ ॥ ୪॥

ଚିଦାନନ୍ଦକନ୍ଦଂ ହସନ୍ ମନ୍ଦମନ୍ଦଂ

ଶରଚ୍ଚନ୍ଦ୍ରକୋଟିପ୍ରଭାପୁଞ୍ଜବିମ୍ବମ୍ ।

ମୁନୀନାଂ କବୀନାଂ ହୃଦି ଦ୍ୟୋତୟନ୍ତଂ

ସ୍ୱରୂପଂ ତ୍ୱଦୀୟଂ ନ ବିନ୍ଦନ୍ତି ଦେବାଃ ॥ ୫॥

ମହାମେଘକାଳୀ ସୁରକ୍ତାପି ଶୁଭ୍ରା

କଦାଚିଦ୍ ବିଚିତ୍ରାକୃତିର୍ଯୋଗମାୟା ।

ନ ବାଳା ନ ବୃଦ୍ଧା ନ କାମାତୁରାପି

ସ୍ୱରୂପଂ ତ୍ୱଦୀୟଂ ନ ବିନ୍ଦନ୍ତି ଦେବାଃ ॥ ୬॥

କ୍ଷମସ୍ୱାପରାଧଂ ମହାଗୁପ୍ତଭାବଂ

ମୟା ଲୋକମଧ୍ୟେ ପ୍ରକାଶିକୃତଂ ଯତ୍ ।

ତବ ଧ୍ୟାନପୂତେନ ଚାପଲ୍ୟଭାବାତ୍

ସ୍ୱରୂପଂ ତ୍ୱଦୀୟଂ ନ ବିନ୍ଦନ୍ତି ଦେବାଃ ॥ ୭॥

ଯଦି ଧ୍ୟାନଯୁକ୍ତଂ ପଠେଦ୍ ଯୋ ମନୁଷ୍ୟସ୍-

ତଦା ସର୍ବଲୋକେ ବିଶାଳୋ ଭବେଚ୍ଚ ।

ଗୃହେ ଚାଷ୍ଟସିଦ୍ଧିର୍ମୃତେ ଚାପି ମୁକ୍ତିଃ

ସ୍ୱରୂପଂ ତ୍ୱଦୀୟଂ ନ ବିନ୍ଦନ୍ତି ଦେବାଃ ॥ ୮॥

॥ ଇତି ଶ୍ରୀମତ୍ ଶଙ୍କରାଚାର୍ଯ୍ୟବିରଚିତଂ ଶ୍ରୀକାଳିକାଷ୍ଟକଂ ସମ୍ପୂର୍ଣ୍ଣମ୍ ॥

ଶଙ୍କରାଚାର୍ଯ୍ୟବିରଚିତଂ ଶ୍ରୀକାଳିକାଷ୍ଟକଂ ବା ଶଙ୍କରାଚାର୍ଯ୍ୟବିରଚିତଂ ଶ୍ରୀକାଳିକାଷ୍ଟକମ

ଶଙ୍କରାଚାର୍ଯ୍ୟବିରଚିତଂ ଶ୍ରୀକାଳିକାଷ୍ଟକଂ ବା ଶଙ୍କରାଚାର୍ଯ୍ୟବିରଚିତଂ ଶ୍ରୀକାଳିକାଷ୍ଟକମ