अभिव्यक्ती स्वसंवादाच्या

मुख्यतः स्वसंवाद म्हणून सहज स्फुरलेले विचार संवादी मनांपर्यंत पोहचविण्यासाठी हा लेखनप्रयोग सुरू आहे.साधारणत: रोज किमान एक ब्लॉग (लेख म्हणून वा ध्वनिमुद्रित संवाद) नोंदवणे काही दिवसांपासून होत आहे.
आपण एकत्रितपणे अनुभवत असलेल्या विश्वाचे आजवर झालेले निरिक्षणरुप अध्ययन व त्याबद्दलचे श्रवण,पठण,मनन व चिंतन ही ह्यामागची प्रेरणा आहे.
मी(मिळालेल्या मानवी शरीराच्या माध्यमातून स्वास्तित्वाचा अनुभव घेणारा ) नेमका कोण? मला दिसणारे - कळणारे विश्व केंव्हा,कसे,कां निर्माण झाले.ते सर्वांसाठी सारखेच असते कां?ह्या विश्वाचे प्रयोजन काय?त्यात माझी भूमिका काय?ती कशी निर्धारित होते? दररोज नव्याने अनुभवाला येणाऱ्या घटनांची निर्मिती कशी होते?ह्यासारखे प्रश्न सर्वांनाच पडत असतात/असावेत ह्या जिज्ञासेपोटी हे सर्व होत असावे असे वाटते.
ह्याबाबतचे पूर्वी कळत-नकळतपणे झालेल्या लेखनावर आधारित ध्वनिमुद्रित ब्लाॅगदेखील प्रकाशित केले जात आहेत.त्यांच्या स्वनिर्मित श्रवणातून त्याचा आस्वाद घेण्याची आगळीच अनुभूती त्यानिमित्ताने येत आहे.ती निखळ आनंद देणारी आहे.ह्या आनंदात समविचारी लोकांना सहभागी करून घेण्यासाठीचा हा प्रयत्न आहे.

अभिव्यक्ती स्वसंवादाच्या

स्वसंवाद म्हणून सहज स्फुरलेले मुक्त विचार ह्या माध्यमातून संवादी मनाशी जुळवण्यासाठी हा लेखनप्रयोग सुरू आहे.