अशी ही सहवीस

सहवीस तारीख ती ही एकतीस दिवस असलेल्या महिन्यातील जरा मनाचा थरकाप उडवते.कारण बऱ्याच आपदा अशा सहवीस तारखेला घडलेल्या आहेत.

आता कालचे पहा नेपाळ मध्ये झालेला जलप्रलय.चाळीस मिनिटात होत्याचे नव्हते झाले.पाऊस नाही ,ढगफुटी ही नाही.तरीही एवढी मोठी जल आपदा.कित्येक लोकांनी आपले प्राण गमावले.कित्येक नद्यांवरील पुल वाहून गेले.किती प्रोजेक्ट आणि त्यावर काम करणारे लोक वाहून गेले.कित्येक पर्यटकांनी आपला जीव गमावला.

कालचा जलप्रलय तर भूतो न भविष्यति होता. काल पण तारीख सहवीस तीही ऑगस्ट मधली.म्हणजे एकतीस दिवसाचा महिन्यातली. कालची तारीख तर पूर्णपणे सहवीस होती.तारीख सहवीस वर्ष सहवीस आणि पूर्ण तारखेची बेरीज पण सहवीस.

२६- ०८-२०२६= २६

८+८ +१०= २६

त्यामुळे ही आपदा फारच भयंकर होती.

कविता

अशी ही सहवीस

स ने संपणाऱ्या तारखा,

आहेत एकोणीस ते एकतीस.

त्यातील एक आहे सहवीस,

आहे मोठी ती खवीस.

लोकांचा जीव करते कासावीस,

लोकांना आणते जेरीस.

इराणचा भूकंप डिसेंबर सहवीस,

गुजरातचा भूकंप जानेवारी सहवीस.

आशियाला सुनामी तडाखा,

तारीख जानेवारी सहवीस.

मुंबईत भयाण राक्षसी पाऊस,

तारीख जुलै सहवीस.

ज्या महिन्यात दिवस आहेत एकतीस,

त्या महिन्यातील अशी ही तारीख सहवीस.

घाबरवून टाकते ही सर्वांस,

अशी ही कशी नाही कळे कोणास.

कधी वाटते की ज्या महिन्यात दिवस आहेत एकतीस,

त्यातून काढून टाकावी ही तारीख सहवीस.

म्हणजे पंचवीस नंतर येईल सत्तावीस,

सर्व महिन्यांचे दिवस होतील तीस.

ज्यांचा वाढदिवस किंवा लग्नाचा वाढदिवस सहवीस आहे त्यांना दुखावण्याचा उद्देश व प्रयोजन नाही.तरीही कोणी दुखावले गेले असल्यास क्षमस्व.🙏

सौ मेधा भिडे.