बदल हा प्रत्येक गोष्टीत होत असतो.तसेच बदल प्रगतीकरता आवश्यक आहे.बदल चांगल्या रीतीने केल्यास प्रगती, वाईट बदल अधोगती.

माणूस हा बदलत उत्क्रांती होत वानारा पासून मानव झाला.मानव शरीराने झाला पण मानसिक बदल होऊन तो माणू स झाला की नाही हे महत्त्वाचे.काही मनुष्याच्या मधे अजून हि पाशवी वृत्ति आहे त्यात बदल झाला नाही.

मानवाने बदल घडवत खूप प्रगती केली.आज स्त्री शक्ती मजबुत झाली हा एक छान बदल.नाहीतर पूर्वी नुसते चूल आणि मूल करणारी आज इंजिनीयर, डॉक्टर आहेत.काही पायलट होवून आकाशात उडू लागल्या तर काहींनी अवकाशात झेप घेतली. हा सामाजिक बदल स्पृहणीय आहे.

तंत्रज्ञानाने अनेक यंत्रे उपलब्ध झाली.त्यामुळे आपले जीवन सोपे आणि सुंदर झाले.वाहतुकीची अनेक साधनांमुळे प्रवास सुखकर झाला.हा केवढा सुंदर बदल.

तसेच फोन ,मोबाईल ,संगणक यामुळे जग छोटे होवून आपण एकमेकाचे जवळ आलो.जे पहिल्यांदा प्रत्यक्ष भेटीत शक्य होते ते आता जगाच्या पाठीवर कुठेही असलो तरी शक्य झाले.केव्हढा सुंदर बदल.

बदल हा माणसाला हवाच असतो.रोज रोज तेच जेवण असले तर कंटाळा येतो.त्यात पण बदल हवा असतो.कोणी दुसऱ्याने केलेला पदार्थ पण आवडतो कारण प्रत्येकाच्या हाताची चव वेगळी असते .हा बदल आवडतो.

वेशभूषा आणि केशभूषा यातील बदल पण आपल्याला आवडतो.

एवढे सर्व बदल होवून मानव खूप पुढे गेला.पण काही बाबतीत त्याचे मन अजून बदलले नाही.दुसऱ्या ची जमिनी साठी लालसा , इर्षा,युद्धाची खुमखुमी हे तसेच आहे.मानवाचे मनात चांगला बदल झाला तर जग खूप सुखी होईल.

चारोळी

जीवनी आवश्यक आहे बदल

मानवाचे मनाचा व्हावा बदल

सुंदर विचार करी मन सुडोल

जग होइल सुखी खुशाल.

सौ मेधा भिडे.