माझी बकेट लिस्ट

प्रत्येक माणसाच्या आयुष्यात खूप इच्छा असतात. पण त्या सगळ्या इच्छा पूर्ण होतातच असे नाही. ब-याच वेळा इच्छा पूर्ण होतातच असे नाही. ब-याच वेळा इच्छा पूर्ण होतच नाहीत. इच्छा पूर्ण नाही झाल्या की माणूस निराश होतो. पण म्हणतात ना; जेवढ नशिबात असत तेवढच मिळत हे खर आहे. पण माणसाच्या इच्छा मागण काही थांबत नाही.

माझ्याही भरपूर इच्छा आहेत. इच्छांची ' बकेट लिस्ट' असते हे मला फार नंतर कळल. माधुरी दिक्षित यांचा ' बकेट लिस्ट' सिनेमा पाहिल्यावर अस वाटल आपण स्वतःची ' बकेट लिस्ट' तयार करावी. थोड्याफार इच्छा तरी पूर्ण होतील या आशेने तरी ' बकेट लिस्ट' बनवावी अस मी ठरवल. ' इच्छा तिथे मार्ग' ही म्हण आपल्या सर्वांच्या परिचयाची आहेच. अस म्हणतात माणसाची 'इच्छाशक्ती' म्हणजेच इंग्रजी मधे ( Will Power) जबरदस्त असेल तर माणसाची इच्छा पूर्ण होतेच. याची अनेक उदाहरण मी पाहिली आहेत.

माणूस हा आशेवर जगत असतो. जिथे आशा असेल तिथे इच्छा असतेच. म्हणजे आपली इच्छा कधी ना कधीतरी पूर्ण होईल या आशेने माणूस त्याची इच्छा प्रगट करत असतो.

इच्छा आणि गरज यात फरक असतो. ' गरज' म्हणजे ज्या गोष्टी किंवा वस्तू आपल्याला हव्या आहेत आणि ज्याच्यावाचून आपले काही उद्दिष्ट अपूर्ण आहे. जस की चांगल शिक्षण घेतल्याशिवाय चांगली नोकरी मिळू शकत नाही. चांगल शिक्षण घेतल तर आपली प्रगती होते. त्यामुळे चांगल शिक्षण घेण ही गरज आहे.

'इच्छा' म्हणजे आपल्या मनात चाललेली ढवळाढवळ. म्हणजे माझ्यासाठी कोणीतरी काहीतरी कराव आणि आपण कोणासाठी; समाजासाठी काहीतरी कराव अशा दोन प्रकारच्या इच्छा असू शकतात.

माझ्या इच्छांची बकेट लिस्ट खालीलप्रमाणे आहे:

1) मला खूप श्रीमंत व्हायचे आहे स्वतःच्या मेहनतीने पण ते फक्त माझ्या स्वतः साठी नव्हे तर त्या पैशातून मी राष्ट्रासाठी; समाजासाठी चांगल काम करू शकेन यासाठी. हे माझ मुख्य उद्दिष्ट आहे.

2) मला खूप कर्तृत्ववान बनायच आहे. खूप यशस्वी होऊन समाजात चांगल नाव कमवायच आहे.

3) मला माझ्या चांगल्या कामातून आदर मिळाला पाहिजे. माझ काम हे समाजासाठी आदर्श ठरायला हव ही माझी इच्छा आहे. कारण चांगल्या कर्मातून चांगल फळ मिळत. एक आदर्श समाज मला घडवायाचा आहे.

4) माणसाला आयुष्य फक्त एकदाच मिळत आणि त्यामुळे ते आयुष्य सत्कर्म करून सार्थकी लागाव अस मला वाटत. माझी हीच इच्छा आहे. म्हणजे एक शांतता; समाधान मला लाभेल.

5) स्वतःसाठी सगळेच जगत असतात पण दुस-यांसाठी समाजासाठी काहीतरी चांगल काम करून जगण हे जास्त आनंददायी असत. आल्यामुळे समाजाच कल्याण झालय ते बघण्यात खूप समाधान असत.

6) स्व कर्तृत्वावर मिळालेल यश हे फार कौतुकास्पद असत.

7) प्रत्येक माणसाला जगण्यासाठी संघर्ष हा करावाच लागत. आयुष्य हे कधीच सोप्प नसत. पण ते आयुष्य आपण चांगल्या पद्धतीने कस जगू शकतो हे आपल्यावर अवलंबून असत.

8) मला आयुष्यात आत्तापर्यंत खूप वेगवेगळे अनुभव आलेत. प्रत्येक अनुभवातून मी खूप काही शिकले. आई वडीलांनंतर आपला दुसरा गुरू हा ' अनुभव' असतो. म्हणून तर आपण म्हणतो अनुभवातून माणूस शहाणा होतो.

इच्छा असली की माणूस स्वप्न पाहायला लागतो. स्वप्नात आपली इच्छापूर्ती होतेय अस त्याला दिसत. पण स्वप्नातल जग आणि वास्तवातल जग यात खूप फरक असतो. वास्तवातल्या जगात खूप सहन कराव लागत. दुःखाचे चटके सोसायला लागतात पण स्वप्नातल्या जगात फक्त सुख असत. आनंदाची झालर असते. त्यामुळे प्रत्येकाला कल्पनेच्या जगात रमायला आवडत. माणूस स्वप्नात म्हणजे स्वप्नातल्या जगात तरी इच्छा पूर्ण झाली म्हणून आनंदाने जगत असतो. तात्पुरत का होईना त्यात त्याला समाधान मिळत. वास्तवातल्या जगात भानावर राहूनच जगाव लागत. त्यात कल्पनाशक्ती वापरून नाही जगता येत.

माझ्या इच्छांची बकेट लिस्ट मी बनवली आहे. त्यात माझ्या इच्छा काल्पनिक जगात पूर्ण झालेल्या आहेत. त्या मुळे मी त्या जगात समाधानी आहे. आता आशा करते माझ्या थोड्याफार इच्छा तरी ख-या आयुष्यात; वास्तवात पूर्ण होतील.

लेखिका

सौ सुरूची शिरीष वीरकर

मुंबई