अंगणातील नवीन आलेली चार-पाच शंकासुराची झाडे. दोन थोडी मोठी त्याच्या डाव्या बाजूस एक थोडे लहान व उजव्या बाजूस दोन छोटी. त्यांची सुंदर कोवळी पाने वाऱ्याने झुलताना पाहून वाटले ही दोन मोठी म्हणजे दोन मैत्रिणी जणू गप्पा मारत शाळेत चालल्या आहेत. एकीच्या डाव्या हाताला धरून धाकटी बहीण तर दुसरीच्या उजव्या हातास दोन चुलत बहिणी. वाऱ्याने त्यांची पाने एकमेकात मिसळत होती जणू मध्येच एकमेकींचा हात धरत, एकमेकींना टाळ्या देत गप्पा चालू होत्या. वाऱ्याने कधी त्यांची कोवळी पाने वर होऊन झुलत होती जणू त्या दुसऱ्या मैत्रिणींना हात हलवीत आहेत. कोवळ्या पानांच्या वेगवेगळ्या हिरव्या छटा जणू त्यांच्या चेहऱ्यावरील आनंद दर्शवीत होत्या.

कधी त्या छोट्या बहिणी चालताना मागे पडत. पुन्हा वाऱ्याने मोठ्या बहिणी बरोबर येत. कधी वारा असा होता की वाटे त्या छोट्या बहिणी मोठ्या बहिणींना आपल्याकडे ओढत आहेत. तरी यांना काही फरक नाही. कधी वाऱ्याने त्यांचे बुंधे एकमेकांना स्पर्श करीत जणू त्या कान गोष्टी करत आहेत.

ह्या त्यांच्या गप्पा पाहून मला माझ्या बालपणाची आठवण सुखावून गेली.

तशाच आम्ही चार

वर्गमैत्रिणी.मी,पुष्पा,अंजु,जयश्री बेकनाळकर जिला आम्ही बेकी म्हणत असू.ती जरा शाळेपासून लांब राहायची.ती तिच्या लहान भावाला घेवून निघत असे.मग मी माझ्या लहान बहिणीला व पुष्पा तिच्या लहान भाऊ आणि बहीण घेवून तिला भेटत असू .अंजु आणखीन शाळेच्या जवळ राहत असे.तिला धाकटे भावंड नव्हते पण शेजारच्या लहान मुलाला घेवुन येत असे.आम्ही सर्व जण मजेत गप्पा मारत ,हसत खेळत शाळेत जात असू.आम्ही चोघी जणी वर्गात पण दोन बाकावर पुढे पाठीमागे बसत असू.असे S.S.C पर्यंत चालले.मग आम्ही विखुरेल्या गेलो. मी सायन्स, पुष्पा कॉमर्स तर अंजु ,बेकी आर्ट्स ला गेलो.तरी आमची मैत्री कायम होती.पदवी झाल्यावर अंजु आणि पुष्पा चे लग्न झाले.मी M.Sc. Microbiolgy तर बेकिनी M.A Hindi kele.बेकीला gold medal मिळाले. मी युनिव्हर्सटीमध्ये दुसरी आले.बेकिला बँकेत हिंदी ऑफिसर म्हणून naukari मिळली मी National institute of Virology madhe

नोकरी करू लागले.मग माझे लग्न होवून मी हैदराबाद येथे आले.माझ्याकडे एकदा बेकी येवून गेली.परत तिच्या भावाच्या लग्नात भेटली.पुष्पा व अंजुचा संबंध होत नव्हता.पण आता जग इतके जवळ आले आहे की चाळीस वर्षानंतर आम्ही परत संबंधात आलो.कुठून कुठून फोन नंबर मिळाले.आता व्हॉटसअप ग्रुप तयार झाले.आता रोज चौघिजणी एकमेकींच्या संबंधात आहोत. मागच्या वर्षी मला पुष्पा मी बंगलोरला मुलीकडे गेले असता भेटली .तर बेकी व तिचा लहान भाऊ माझ्याकडे हैदराबादला येवून गेले. मी पुण्याला गेले तेंव्हा अंजु व मी बेकिकडे गेलो.अशी आमची मैत्री जून कायम आहे.आमचा चोफुला परत जमला.

मैत्री

मला सांगा__

मैत्री म्हणजे नक्की काय असत?

मनाशी जुळलेले भावनिक नातं असतं.

मला सांगा__

हे नात रक्ताच नसत,

किंवा ते मानलेले पण नसत,

ते आपोआपच जुळलेले असतं,

भावनांच नाजूक बंधन असतं.

मला सांगा___

धर्म जातपात यांच्या पलीकडच असत,

गरीब श्रीमंतीचा भेदभाव मानत नसत,

त्यात तुझ माझ असे काहीच नसतं,

श्रीकृष्ण सुदामाच्या उदाहरणावरून दिसत.

मला सांगा__

सहवासाच्या ओढीने खुलत जात,

तोडू पाहता ते तुटत नसत,

रुसवे फुगवे होत असतात,

तरी दिवसेंदिवस घट्ट होत असत.

मला सांगा__

मन मोकळे करायच स्थान असत,

मदतीचा हात मिळणार नक्की असत,

सुखात सामिल दुःखात आधार असत,

कशाच्याही तुलनेत अडकत नसत.

मला सांगा__

कोमल भावनांच्या धाग्यांच

जाळ असत,

तरी पण खूप घट्ट विणलेले असत,

असे हे सुंदर नात असत.

मला सांगा__

मैत्री म्हणजे काय असत,

मनाशी जुळलेले भावनिक नात असत.

सौ मेधा अनंत भिडे.

मैत्री

मैत्रिणीची गोष्ट.