विनोद म्हणजे हास्यानिर्मिती.विनोदाची निर्मिती कधी परिस्थितीजन्य तर कधी विरोधाभासी असते.विनोद कोणाला टोचनारा, दुखवणारा नसावा.विनोद निखळ असावा.गंभीर वाता वरण हलके करणारा असावा.कोणाच्या व्यंगावर अथवा कमी पणावर नसावा. विनोद असा असावा की जो प्रत्येकाला मनमुराद आनंद देईल.

आपल्या बोलण्याने कोणालाही रडवणे खूप सोपे असते.पण आपण दुसऱ्याच्या चेहऱ्यावर हसू आणणे खूप अवघड.ते काम विनोद करतो.

आपल्यामुळे नकळत दुसऱ्याच्या चेहऱ्यावर आलेले हसू.. हेच तर खरं पुण्य आहे.कारण पुण्य ठरवून करता येत नाही.निस्वार्थीपणे केलेल्या कृतीतून आपोआपच ते तुमच्या पदरात पडतं.पुण्य म्हणजे सत्कर्म व सद्वार्थनाच्या ठेवीवर मिळणारे व्याज आहे.ते आपण निखळ विनोदाने साध्य करू शकतो.

विनोद करणारे विनोदवीर पण सगळ्यांना खूप आवडतात.नाटक व सिनेमात विनोदवीर खूप प्रसिद्ध झाले.

आजकाल सगळ्यांना जीवनात खूप ताण आहे.तो कमी करण्याचा उपाय म्हणजे काहीतरी विनोदी बघणे.

त्यामुळे आजकाल दूरदर्शन वर पण विनोदी कार्यक्रम सुरू झाले आहेत.आणि ते आपण मालिकेसारखे रोज पाहणेपण जरुरी नसते.कोणत्याही दिवशी पाहू शकतो कारण त्याला गोष्ट नसते. प्रत्येक दिवशी वेगळे असते.ही चांगली गोष्ट आहे.त्यामधील विनोदवीर पण खूप छान विनोद निर्मिती करतात व ते पण खूप प्रसिद्ध झाले आहेत.

चार्ली चॅप्लिन विनोद वीर त्यांच्या जीवनात खूप दुःख होती तरी ते आपल्या विनोदी मुद्रा व बोलण्याने जगाला हसवत राहिले.

*एक चारोळी*

*विनोद*

ऐकुन उत्कृष्ट विनोद

उस्फुर्त द्यावा प्रतिसाद

द्यावी मुक्त हसून दाद

घ्यावा मनसोक्त आस्वाद.

सौ मेधा भिडे.