सोशल मीडिया शाप की वरदान?

प्रत्येक नाण्याला दोन बाजू असतात.

चांगली व वाईट.शाप आणि वरदान ह्या एकाच नाण्याच्या दोन बाजू.प्रत्येक बाजूची आपली विशेषता असते.

चंद्र प्रत्येक पौर्णिमेस सुंदर गोल प्रकाशित दिसतो.तोच अमावास्येला दुसर्याबजूने दिसतच नाही.अशाच प्रत्येक गोष्टीच्या दोन बाजू असतात.

एक प्रकाशित व एक अंधारी.एखद्या पौर्णिमेस ग्रहण असल्यास नेहमीची छान प्रकाशित बाजू पण झाकळते.खग्रास चंद्रग्रहण असले तर हीच नेहमीची प्रकाशित बाजू दिसतच नाही.

आजकाल सोशल मिडियाचे महत्त्व खूपच वाढले आहे.सोशल मिडिया मुळे जगात कुठे काय चालले आहे ह्याची माहिती कळते. आपल्याला हवी असलेली माहिती बरोबर मिळते.जगात कितीही दूरवर असलेल्या माणसाशी संपर्क साधता येतो.त्यामुळे जर कधी काही मदतीची आवश्यकता असल्यास लगेच मदत मिळू शकते.नोकरी बाबत काही संधी मिळू शकतात.डॉक्टरांशी पण लगेच संबंध साधता येतो.व्हिडिओ कॉल ने ते पेशंटला बघू ही शकतात व लगेच औषधे देवू शकतात.

कधी कधी काही नेसार्गिक आपत्तीची पूर्वसूचना मिळून सावध होता येते. आपत्तीग्रस्ताना लवकर मदत मिळू शकते. आपले कुणी संबधित आपत्तीत सापडले असतील तर त्यांची खबरबात मिळून त्यांना मदत करू शकतो. सोशल मीडिया मुळे आपले विचार व्यक्त करण्यास व्यासपीठ मिळते. त्यामुळे व्यक्तिमत्त्वाचा विकास होवू शकतो. बरेचजण सोशल मीडिया वापरून आपला व्यवसाय पण करतात.सोशल मीडियाची ही सर्व सुविधा हे वरदान आहे.

आता दुसरी बाजू

सोशल मीडियावर दुसऱ्याची बदनामी करणारे खूप असतात.हा त्यांचा आवडता उद्योग असतो.हे तर फारच वाईट.

त्याप्रमाणे काहीजण विचित्र आणि बीभत्स व्हिडिओ करून पाठवतात.काही ते चविष्ट पणें बघतात.अश्लील व्हिडिओ बनवणे व ते सोशल मीडिया वर व्हायरल करणे हा उद्योग आवडीने करतात.

आज काल लहान मुलांच्या हातात फोन आल्याने ते त्यांच्या नजरेस पडू शकतात.तसेच काही मोठे लोक पण ते आवडीने बघतात व त्याची त्यांना चटक लागते.

काही वेळा मुलांसाठी खेळ असे तयार करतात की ते खेळण्याची चटक त्यांना लागते व मग तेच खेळ त्यांचा जीवघेणे ठरतात.

काही जणांना सोशल मीडियावर अफवा पसरवण्याचा उद्योग पण खूप आवडतो.काहीतरी सणसणीत अफवा पसरवून लोकांची मजा बघायची.

काहीजणांची मजल तर मोबाईल वापरून स्फोट घडवून आणन्यापर्यंत पोहोचते.

ह्या अशा वाईट प्रकारे सोशल मीडिया वापरल्या तर त्या शापच ठरणार.

सोशल मीडियाचा सदुपयोग केल्यास ते वरदान ठरते.व दुरुपयोग केल्याने शाप ठरते.

त्यामुळे मानवा तूच ठरवायचे की सोशल मीडियाला वरदान ठरवायचे की शाप बनवायचे.

तुझे तुलाच कळले पाहिजे की सोशल मीडिया हा शाप आहे की वरदान?

सौ मेधा भिडे.

.