॥ ଘରେ ଘରେ ତ୍ରିରଙ୍ଗା ॥
********************
ଆମ ଭାରତର ସାର୍ବଭୌମତ୍ୱର
ପ୍ରତୀକ ଏହି ତ୍ରିରଙ୍ଗା
ସଭ୍ୟତା,ସଂସ୍କୃତି,ତ୍ୟାଗ, ତିତିକ୍ଷାର
ମୂଲ୍ୟବୋଧ ପଣେ ଚଙ୍ଗା ॥

ଜାତୀୟ ଏକତା ଭାବନାକୁ ସଦା
ଜାଗ୍ରତ କରେ ମନରେ
ତେଣୁ ଆମେ ଆସ ତାଙ୍କୁ ଉଡାଇବା
ଭଲପାଇ ଘରେ ଘରେ ॥

ଅଗଷ୍ଟ ନଅରୁ ସତର ପର୍ଯ୍ୟନ୍ତେ
ପ୍ରତି ଘରେ ଯେ ତ୍ରିରଙ୍ଗା
ଉଡାଇବା ପାଇଁ ଧାର୍ଯ୍ୟ ହୋଇଅଛି
ମନକୁ ନକରି ଭଙ୍ଗା ॥

ତ୍ରିରଙ୍ଗା ବଣ୍ଟନ ଭାଇଚାରା ପଣ
ଗୋଷ୍ଠୀଗତ ଶୋଭାଯାତ୍ରା
ପ୍ରଚାରିତ କରେ ବିଭିନ୍ନତା ମଧ୍ୟେ
ଗାଣତାନ୍ତ୍ରିକ ଏକତା ॥

ଜନସାଧାରଣ ଜାତୀୟ ପ୍ରସଙ୍ଗେ
ସଂଗଠିତ ହେଉଥିଲେ
ଜାତୀୟତା ଭାବ ଉଦ୍ରେକ ହୋଇବ
ସର୍ବାନ୍ତକରଣେ ଭଲେ ॥

ମୋ ମାଟି ଓଡିଶା ମୋ ଭାଷା ଓଡିଆ
କେବେହେଁ ନୁହଁଇ ନ୍ୟୁନ
ଯାହାର ବକ୍ଷରେ ପାଇକ ବିଦ୍ରୋହ
ଅଗ୍ରଦୂତର ସମାନ ॥

ସାରା ଭାରତକୁ ଦେଇଅଛି ଶିକ୍ଷା
ଏକାଠି ଲଢିବା ପାଇଁ
ଆଜି ଆମେ ସେହି ଦୀକ୍ଷାରେ ଦୀକ୍ଷିତ
ହେବାରେ ସନ୍ଦେହ ନୋହି ॥

ଯୁବପୀଢି ଆଜି ନିଶାର କବଳୁ
ଛତ୍ରଭଙ୍ଗ ଦେଇ ମନେ
ଚିନ୍ତିଲେ ଜାତୀୟ ଏକତାର ମୂଲ୍ୟ
ଦୃଢ ହୋଇବେ ଜୀବନେ ॥

ଭଲ ନାଗରିକ ପରିବେଶ ରକ୍ଷା
ଜାତୀୟ ସମ୍ପତ୍ତି ଧ୍ୟାନେ
ଅନ୍ୟ ଅଧିକାରେ ସମ୍ମାନ ଅର୍ପିଲେ
ବଳଶାଳୀ ଯେ ସ୍ୱାଧୀନେ ॥

ସ୍ୱଛତା ସଦ୍ଗୁଣ ସହିଦେ ସମ୍ମାନ
ସୃଜନଶୀଳତା ଗୁଣେ
ଦାୟିତ୍ୱବୋଧର ଭାବରେ ତଲ୍ଲୀନ
ଶୃଙ୍ଖଳା ଦେଶ ଗଠନେ ॥

ଘରେ ଘରେ ତ୍ରିରଙ୍ଗାର ଉତ୍ତୋଳନ
ହେବ ନିଶ୍ଚେ ଫଳବତୀ
ଦେଶପ୍ରେମ ଭାବ ମନରେ ଜାଗିଲେ
ଦୂର ହେବ ଚିର ଭୀତି ॥

ବାହ୍ୟ ସ୍ୱାଧୀନତା ନାମମାତ୍ର ସିନା
ଅନ୍ତରର ଦିବ୍ୟସତ୍ତା
ଅଧିକ ଚିନ୍ତନ ବିଷୟ ଯଥାର୍ଥ
ମହାନ ମାନସିକତା ॥

କବିତା

ଘରେ ଘରେ ତ୍ରିରଙ୍ଗା