ଭାରତର ଧର୍ମ ଓ ଆଧ୍ୟାତ୍ମିକ ପରମ୍ପରାରେ ଅନେକ ମହାନ ଭକ୍ତଙ୍କ କାହାଣୀ ରହିଛି। ସେମାନଙ୍କ ମଧ୍ୟରୁ ଭକ୍ତ କନ୍ନପ୍ପାଙ୍କ ନାମ ବହୁତ ଶ୍ରଦ୍ଧାର ସହିତ ନିଆଯାଏ। ସେ ଭଗବାନ ମହାଦେବଙ୍କର ଜଣେ ମହାନ ଭକ୍ତ ଥିଲେ। ଦକ୍ଷିଣ ଭାରତର ପ୍ରସିଦ୍ଧ ୬୩ ଜଣ ଶିବଭକ୍ତଙ୍କ ମଧ୍ୟରେ ତାଙ୍କର ସ୍ଥାନ ସ୍ୱତନ୍ତ୍ର। ତାଙ୍କର ଅନନ୍ୟ ଭକ୍ତି ଓ ତ୍ୟାଗର କାହାଣୀ ସାରା ଭାରତରେ ପରିଚିତ।

ଭକ୍ତ କନ୍ନପ୍ପାଙ୍କର ପ୍ରକୃତ ନାମ ଥିଲା ତିନ୍ନନ। ସେ ଏକ ଶିକାରୀ ପରିବାରରେ ଜନ୍ମ ନେଇଥିଲେ। ସେ ଶାସ୍ତ୍ର ପଢ଼ି ନଥିଲେ ଏବଂ ପୂଜାପାଠର ନିୟମ ବିଷୟରେ ମଧ୍ୟ ତାଙ୍କର ବିଶେଷ ଜ୍ଞାନ ନଥିଲା। କିନ୍ତୁ ଭଗବାନ ଶିବଙ୍କ ପ୍ରତି ତାଙ୍କର ଭଲପାଇବା ଅସୀମ ଥିଲା। ସେ ନିଜର ସରଳ ମନ ଓ ନିଷ୍କପଟ ଭାବନାରେ ମହାଦେବଙ୍କୁ ପୂଜା କରୁଥିଲେ।

କୁହାଯାଏ, ଦିନେ କନ୍ନପ୍ପା ଶିବଲିଙ୍ଗଙ୍କର ଗୋଟିଏ ଆଖିରୁ ରକ୍ତ ବାହାରୁଥିବା ଦେଖିଲେ। ଏହା ଦେଖି ସେ ବହୁତ ଦୁଃଖିତ ହେଲେ। ମହାଦେବଙ୍କ ଯନ୍ତ୍ରଣା ଦୂର କରିବା ପାଇଁ ସେ ନିଜର ଗୋଟିଏ ଆଖି ଦାନ କରିଦେଲେ। ପରେ ଅନ୍ୟ ଆଖିରୁ ମଧ୍ୟ ରକ୍ତ ବାହାରିଲା। ସେତେବେଳେ ସେ ନିଜର ଦ୍ୱିତୀୟ ଆଖି ମଧ୍ୟ ଦେବାକୁ ପ୍ରସ୍ତୁତ ହୋଇଗଲେ। ତାଙ୍କର ଏହି ଅପୂର୍ବ ଭକ୍ତି ଦେଖି ମହାଦେବ ପ୍ରସନ୍ନ ହୋଇ ତାଙ୍କୁ ଦର୍ଶନ ଦେଲେ।

ଭକ୍ତ କନ୍ନପ୍ପାଙ୍କ ଜୀବନ ଆମକୁ ଶିଖାଏ ଯେ ଭଗବାନଙ୍କ ପାଇଁ ନିର୍ମଳ ମନ, ସତ୍ୟ ପ୍ରେମ ଓ ଅଟଳ ବିଶ୍ୱାସ ହିଁ ସବୁଠାରୁ ବଡ଼। ତାଙ୍କର ଭକ୍ତି ଆଜି ମଧ୍ୟ ଆମ ସମସ୍ତଙ୍କୁ ସତ୍ୟ ଓ ନିଷ୍ଠାର ପଥରେ ଚାଲିବା ପାଇଁ ପ୍ରେରଣା ଦିଏ।

!! ସୁଶାନ୍ତ କୁମାର ସାସମଲ

ବ୍ରହ୍ମପୁର ଗଞ୍ଜାମ !!

'ଭକ୍ତ କନ୍ନପ୍ପା'

'ଭକ୍ତ କନ୍ନପ୍ପା'