କବିତା - ସ୍ୱଚ୍ଛ ଭାରତ
ଗାନ୍ଧୀଙ୍କ ଜନ୍ମ
କବି - ସୌମ୍ୟ ରଞ୍ଜନ ନନ୍ଦ
ଜିଲ୍ଲା - କେନ୍ଦୁଝର

ସ୍ଵାଧୀନତା ପାଇଁ ଅହିଂସା
ଥିଲା ଗାନ୍ଧୀ ଙ୍କ ନୀତି,
ଅହିଂସା ଶିଖିଯେ ଭାରତ
ହେଲା ସ୍ଵାଧୀନ ଜାତି। ୧

ଗାନ୍ଧୀ ଙ୍କ ଦ୍ୱିତୀୟ ମନ୍ତର
ସ୍ଵଚ୍ଛତା ଯେ ଅଟଇ,
ପୃଥିବୀ ଦେଖୁଛି ଫରକ୍
ସ୍ୱଚ୍ଛ ଭାରତ ପାଇଁ। ୨

ଘର,ଗାଁ ,ନଦୀ ,ସହର
ସମୁଦ୍ର ମହାନଗରୀ,
ସୁନ୍ଦର ଦିଶନ୍ତି ସଭିଁଏ
ପାଇ ସ୍ଵଚ୍ଛତା ଶିରୀ।୩

ବାପୁ ଦେଖିଛନ୍ତି ସପନ
ସ୍ୱଚ୍ଛ ଭାରତ ପାଇଁ,
ସ୍ଵଚ୍ଛତା ପାଇଁ କି ଗୋଟିଏ
ପାଦ ଦେବା ବଢାଇ।୪

ସ୍ଵଚ୍ଛତା ରହିଲେ ଦୁର୍ନୀତି
ପ୍ରଦୂଷଣ ହଟିବ,
ରାମ ରାଜ୍ୟର ସେ ସପନ
ନିଶ୍ଚେ ପୁରଣ ହେବ। ୫

ଆସ ଆସ ଭାଇ ଭଉଣୀ
ଦୃଢ଼ ସଂକଳ୍ପ ନେବା,
ମୁଁ ନୁହଁ,ଆମେ କୋଟିଏ
ପାଦ ବଢ଼େଇଦେବା।୬

ନିର୍ମଳ ସୁନ୍ଦର ସବୁଜ
ପରିବେଶ ର ଜୟ,
ଆସନ୍ତୁ ଗଢ଼ିବା ଦେଶକୁ
ଦେବା ନୂଆ ପରିଚୟ। ୭

ଗଙ୍ଗା ହସି ହସି ବହିବ
ମହାନଦୀ ବି ଖୁସି,
ହିମାଳୟ ଉଚ୍ଚେ କହିବ
ଧନ୍ୟ ଭାରତବାସୀ। ୮

ବନ୍ୟପ୍ରାଣୀ ହେବେ ଆଶ୍ବସ୍ତ
ବୃକ୍ଷରାଜି ତ ବନ୍ଧୁ,
ସୁନେଲି କିରଣ ସ୍ପର୍ଶରେ
ବେଳାଭୂମିରେ ସିନ୍ଧୁ। ୯

ଶୌଚାଳୟ ସ୍ୱଚ୍ଛ ରଖିବ
କରି ପ୍ଲାଷ୍ଟିକ ମୁକ୍ତ
ନିଜ ଠୁ ଆରମ୍ଭ କରିବ
ଧରି ଗାନ୍ଧୀ ଙ୍କ ହସ୍ତ। ୧୦

କରୁଛି ମୁଁ ବଜ୍ର ଶପଥ
ଗାନ୍ଧୀ ଜନ୍ମ ଦିନରେ,
ସ୍ଵଚ୍ଛତା ରଖିବି ଦୁର୍ନୀତି
ରଖି ବହୁ ଦୂରରେ।୧୧

ସମସ୍ତେ ଆସନ୍ତୁ ମିଶିକି
ମହାତ୍ମା ଙ୍କୁ ପୂଜିବା
ସବୁଜ ସୁନ୍ଦର ପୃଥିବୀ
ଭବିଷ୍ୟତ ଙ୍କୁ ଦେବା। ୧୨

ଭାରତ ମାତା କି ଜୟ
######